Қасиетті жеті саны

Сабақтың тақырыбы: 7 саны мен цифры

Сабақтың мақсаты: 1. Балаларды 7 санымен таныстыру, 7 санының құрамын анықтау,а, 7 – ге дейін тура жіне кері санауға, сандарды салыстыруға, сандардың көршілерін табуға үйрету. 2. Оқушылардың логикалық ой өрістерін кеңейту, ойлау қабілетін дамыту, қол моторикасын жетілдіру, дүниетанымын молайту. 3. Жаңа технологияларға сүйеніп, оқушылардың жаңа сабақтан және өткен сабақтан алған білімдерін тиянақтау. Сауаттылыққа, ұстамдылыққа, әдептілікке, жылдам ойлауға тәрбиелеу.

Көрнекілігі: Интерактивті тақта, карточкалар, сандар жазылған карточкалар, таяқшалар, түстерге арналған карточкалар ертегілер кейіпкерлерінің суреттері.

Сабақтың түрі: жаңа сабақ

Сабақтың әдісі: түсіндіру, талдау, сандарды жаттау

Пәнаралық байланыс: құрастыру, орыс тілі, ағылшын тілі, жаратылыстану, көркем әдебиет, сауат ашу.

Сабақтың барысы: Психологиялық сәт: Амандасу. Балалар шаттық шеңберіне тұрады. Мұғалім балалармен үш тілде амандасады. ! Оқушылармен үш тілді әуенде сәлемдесу: Оқушылар да мұғаліммен үш тілде амандасады және бір бірімен үш тілде амандасады, қолдарын бұлғап, күлімдейді. Өткенді қайталау: Балалар, біз өткен сабақтарды қандай санмен таныстық? Дұрыс. Қане 6 санын көрсетіңдерші. 6 саны неше бірліктен тұрады, кім айтады? Олай болса алдарыңа 6 санын таяқшалармен санап көрсетіңдерші. Өте жақсы. Ал, балалар, осы 6 таяқшаға тағы да бір таяқша қосып көрейікші. Қанша таяқша болды? Жеті, дұрыс айтасыңдар. Демек, біз бүгін 7 санымен және цифрымен танысамыз. 7 саны жеті бірліктен тұрады екен. Балалар жеті саны тақ сан және қазақта киелі сан болып есептеледі. (оқушыларды жеті санының құрамымен таныстыру) Сурет бойынша тапсырма: Балалар тақтаға назар аударайықшы, бұл қай ертегінің кейіпкерлері. Дұрыс Енді ешкінің қанша лағы бар екен, санап көр – 7. Топтарға тапсырма: 1 топ Неше лақ теріс қарап отыр – 3. Неше лақ дұрыс қарап отыр – 4.. 2 – топ Неше лақтың киімі ақ – 5. Неше лақтың киімі өзгеше – 2. 3 – топ Неше лақтың кекілі бар – 1, неше лақтың кекілі жоқ – 6. Ғажайып сәт: Музыка ойналады. Тақтадан ертегі кейіпкерінің суреті шығады.

- Балалар, бұл не әуен? Бізге қонақ келген сияқты. Бірақ олар танысу үшін тапсырма ала келіпті. Олардың аттары алтын жиналған сандықшаның астында екен. Тапсырмасын орындасаңдар сандықша алынады екен.

1 – тапсырма. 7 – ге дейін тура және кері қазақша, орысша, ағылшынша сана.

2 – тапсырма. 7 – санының құрамын табыңдар. Әр топқа мұғалім тапсырма береді.

3 – тапсырма. Сандардың көршілерін тап. (карточкамен жұмыс)

4 – тапсырма. 7 санын басқа сандармен салыстыру.

5 – тапсырма. Есептер шығар. Әр топқа қызықты есептер беріледі. 1 топ. Санын білмей сәбіздің, Қоян әбден тосылды. Көмектесіп жіберші, Құтқарып сен досыңды. Оң қолында төрт сәбіз, Сол қолында төрт сәбіз. 2 топ. Айболда бес өрік, Нұрболда екі өрік. Барлығын қосқанда Болады неше өрік? 3 топ. Алма ағашта жеті алма, Қандай жақсы жесе алма. Жетеуінде жеп қойсам, Қалады онда неше алма? 6 тапсырма. 7 санын жаз. Мұғалім балаларға жеті санын жазуды үйретеді. Бірінші таяқшалармен жазу. Жеті санының 3 элементі бар екенін түсіндіру. Дәптермен жұмыс. 7 тапсырма. Сергіту сәті. Санап үйренеміз. Бұл ергежейлінің аты – Соня екен, ол ұйқышы деген мағынаны білдіреді (хормен айту)

Ал, балалар, біз жеті ергежейлінің тапсырмаларын бәрін орындадық. Енді біз осы 7 санын топтастырып көрейікші, жеті саны туралы қазақта не бар екенін ергежейлілерге айтып таныстырайық.

1. Жеті түс. Балалар жеті түсті қазақша, орысша, ағылшынша атайды және көрсетеді. 2. Жеті қазынаны атау (ер жігіт, сұлу әйел, ақыл білім, қыран бүркіт, құмай тазы, берен мылтық, жүйрік ат) 3. Жеті атаны атау (ата, әке, бала, немере, шөбере, шөпшек, немене) 4. Жеті апта күндерін атау 5. Жеті күнді мұғалім балаларға айтып береді (бүгін, ертең, бүрсігүні, арғы күн, ауыр күн, соңғы күн, азына) 6. Жеті шелпек. (мағынасын мұғалім түсіндіреді) 7. Жеті керемет – Қазақстанның жеті кереметімен мұғалім таныстырады.(Алтын адам, Қожа Ахмет Иассауи кесенесі, Медеу мұз айдыны, Қапашағай көлі, Байқоңыр ғарыш айлағы, Ақтау атом станциясы, Астанадағы Бәйтерек монументі)

Балалар, біз бүгін жеті саны туралы көп нәрсе үйрендік, көптеген білім алдыңдар, тапсырмалар орындадыңдар. Барлық топ та, барлық балалар да сабаққа белсенді қатыстыңдар. Сендерге сабақ ұнады ма? Сабақ ұнаса алдарыңдағы дөңгелекшелерге көңіл күйлеріңді білдіретін сурет салып тақтаға жапсырайық. Осымен сабағымыз аяқталды. Сау болыңдар.