?анат туралы о?и?а

Тақырыбы: Ф.Оңғарсынова. «Қанат туралы хикая» 4 “ә” сынып

Сабақтың мақсаты:

Білімділігі: Ф.Оңғарсынованың өмірі мен шығармашылық қызметі туралы

мәлімет беру,өлеңнің мазмұнын,идеясын ашу арқылы ата-ананың

баласына деген қамқорлағын таныту.

Дамытушылығы: Оқушының сөйлеу мәдениетің қалыптастыру, пікір

таластыруға, өз бетінше ізденуге,ойлау қабілетін арттыруға

ықпал ету,тілек айта білуге,шығармашылықты дамытуға баулу.

Тәрбиелігі: Өз отбасы мүшелерін сыйлауға,ата-аналарын құрметтей отырып

олардыңм берген өнегесін бойға сіңіре білуге тәрбиелеу.

Сабақтың түрі: Аралас,жарыс сабағы.

Сабақтың әдісі: Сұрақ-жауап,түсіндіру,талдау,ойын түрлері,өзін-өзі бағалау.

Пән аралық байланыс: Қазақ тілі,дүниетану, музыка.

Сабақтың көрнекілігі: Ф.Оңғарсынованың суреті және шығармаларынан

көрме,тірек сырбалары,слайдтар,мақал-мәтелдер,кеспе сұрақтар.

Сабақтың барысы:

I Ұйымдастыру кезеңі. Психологиялық дайындық.

Әлпештеген анамыз,

Біз бақытты баламыз.

Оқып,білім аламыз,

Жұлдыз болып жанамыз.

Сыныпты топқа бөлу.

1-топ «Көгершіндер» тобы.

2-топ «Қарлығаштар» тобы.

3-топ «Аққулар» тобы.

4-топ «Бұлбұлдар» тобы.

II. Үй тапсырмасын сұрау,бекіту.

1. «Өзіңді таны» ойыны. Сұрақ-жауап.

- «Ана» мәтінінің авторы кім?

- Баубек Бұлқышев қандай жазушы?

- Жазушы өзінің анаға деген нәзік сезімін қалай паш етеді?

2. Шығармашылық жұмыс.

«Ана» тақырыбына жазып келген шағын әңгімелерін оқыту.

Тірек сөздер Жақын жан Жұмсақ дауысы Ыстық алақаны

Айналып толғанғаны

3. Оқулықпен жұмыс. Мәтіндегі әр абзацты дауыс ырғағына келтіріп оқыту.

4. «Ойсергектер». Анаға деген жылы сөздер арқылы күн шуағын ашу. Ана Шуақты күн Сұлу табиғат Шалқыған дария Нұрлы Ай Жарқыраған Жұлдыз Ең сұлу гүл Таза ауа Таусылмас Жыр

III. Жаңа сабақ.

Сөзжұмбақтың шешуі:

«Фариза»

2. Ф.Оңғарсынованың өмірі мен шығармашылығы туралы балаларға түсіндіру.

Фариза Оңғарсынқызы Оңғарсынова - қазақ ақыны, халық жазушысы, журналист, Қазақстан Республикасы Парламенті Мәжілісінің I және II шақырылымдарының депутаты (1996-2004).

1939 жылы 5 желтоқсанда Гурьев (қазіргі Атырау) облысы, Новобогат ауданына қарасты Манаш ауылында туған.

1961 жылы Гурьев мемлекеттік педагогикалық институтының тіл-әдебиет факультетін бітіріп, Балықшы ауданының Еркінқала, «Октябрьдің 40 жылдығы» қазақ орта мектептерінде мұғалім болып жұмыс істеген.

1966–1968 жж. Гурьев облыстық «Коммунистік еңбек» газетінің партия тұрмысы бөлімінде әдеби қызметкер міндетін атқарған.

1968–1970 жж. республикалық «Лениншіл жас» (қазіргі «Жас алаш») газетінің Ақтөбе, Гурьев, Орал облыстары бойынша меншікті тілшісі болып еңбек еткен.

1970–1978 жж. республикалық «Қазақстан пионері» (қазіргі «Ұлан») журналының бас редакторы, 1978–2000 жылдары «Пионер» (қазіргі «Ақ желкен») журналының бас редакторы болып істеді.

2000–2004 жж. ҚР мәжілісінің депутаты болды. 2014 жылдың 23 қаңтар күні Астана қаласында ұзақ сырқаттан дүниеден өтті.

Алғашқы өлеңдері республикалық баспасөз беттерінде 1958 жылы жарық көрді.

Тұңғыш өлеңдер жинағы «Сандуғаш» 1966 жылы жарық көрген. «Алмас қылыш», «Тартады бозбаланы магнитім», «Сайраған Жетісудың бұлбұлымын», «Тыңдаңдар, тірі адамдар», «Қарғыс», «Қасірет пен ерлік жыры» поэмалары, «Үйім менің – Отаным», «Маңғыстау монологтары», «Революция және мен» өлең топтамаларының авторы.Сонымен бірге жас оқырмандарға арналған өлең-жырлары да мол .

3. «Қанат туралы хикая» өлеңін мәнерлеп оқыту.

4. Сөздікпен жұмыс.

Хикая - сюжедтен құралған оқиға желісі. Әдебиет жанрының бір түрі.

5. Оқулықпен жұмыс.

Тізбектей оқыту. - Өлең не жайында жазылған? - Балапан қанатының сынғанын көрсең қандай ойға келер едің?

6. Сиқырлы қобдиша.

«Ата-анаға тілек» Ата-анаңа қандай тілек тілегің келеді? Тілегіңді парақшаға жазып,сиқырлы қобдишаға сал.

7. «Жалғастыр» ойыны. Ата-ана туралы мақал-мәтелдердің екінші жолын тауып жаз.

1. Ана сүтін ақтамағанды, (ешкім мақтамайды)

2. Әкеге қарап ұл өсер, (шешеге қарап қыз өсер)

3. Атаңа не қылсаң, (алдыңа сол келер)

4. Ата-ана ақылы, (жайрап жатқан жолмен тең)

5. Ата-ананың қадірін, (балалы болсаң білерсің)

6. Әке көрген оқ жонар, (шеше көрген тоң пішер)

8. Топтық жұмыс.

1-топ «Қанат туралы хикая» өлеңіндегі негізгі ойды қара сөзбен әңгімелеу.

2-топ «Ана» туралы бір шумақ өлең жазу.

3-топ Ата-ана туралы мақал-мәтелдер жазу.

9. Сабақты бекіту. Үлкенді сыйлау ең алдымен-әке мен шешені сыйлаудан басталады.

Ата-ана әрбір қиын істің шешімін таба біледі, саған дұрыс жол көрсетеді. Сол үшін ата-анаңмен ақылдасып, олардың пікірін тыңдап айтқанын орындауың керек.

Қанаттанса балапан,

Қалайынша ұшпайды.

Әрбір қыз,әр балақан

Ата-анасына ұқсайды.

IV Сабақты қорытындылау.

Тірек сызбасы. Ата-ана Баланы дүниеге келтірді Бағып-қағады Қамқорлық жасайды Білім береді Үміт күтеді Тәрбиелеп өсіреді Мәпелейді Дұрыс жол көрсетеді

1.Түсінбеген сұрақтарға жауап беру.

2.Оқушылардың білімін бағалау

3.Топтарды мадақтау,салыстыру.

V Үйге тапсырма. «Қанат туралы хикая» өлеңін оқып келу,ата-ана туралы мақал-мәтелдер жаттап келу. «Менің әкем және анашым» тақырыбына эссе жазу.