Сабақтың тақырыбы: «Еңбек- бәрін жеңбек»
Сабақтың мақсаты: Еңбек етудің адам өміріндегі маңыздылығы жөніндегі
түсініктерін кеңейтіп, еңбек етудің құндылық ретіндегі мәнін
ұғындыру.
Оқытудың мақсаты: Жаңа тәсілдерді пайдалана отырып, сыни ойлауын дамытуға
ықпал жасау, өз бетінше жұмыс жүргізуге және ой қорытуға
дағдыландыру, ізденімпаздыққа үйрету. Сонымен қатар
оқушыларды адамгершілікке, жақсылыққа тәрбиелеу.
Оқыту нәтижелері: Оқушылар «еңбек», «жақсылық жасау» туралы білімдерін кеңейтеді;
Жақсылық жасау іскерліктерін дамытады;
Мейірімді, қайырымды болуға тәрбиеленеді;
Топпен жұмыс барысында ойы толығады,әрекетті сыни бағалауды
үйренеді;
Сабақтың жүрісі: 1. Ұйымдастыру.
2.Мағынаны тану. Мәтінмен жұмыс
3. Шығармашылық жұмыс. Ой толғау
4. Сергіту сәті.
5. Топтық жұмыс. Топтастыру.Дәйексөз талдау.
Дәптермен жұмыс
6.Қорытынды. Ой түйіндеу. Бағалау. Рефлексия. Кері байланыс
Бағдарлау – мотивациялық кезең.
Ұйымдастыру.Психологиялық дайындық жүргізу.
«Шаттық шеңбері» оқушылар шеңберге жиналып, бір-біріне жақсы тілек айтады. Барлығы хормен «Еңбек етсең ерінбей тояды қарының тіленбей» нақыл сөзін айтады.
Топтастыру әдісі: геометриялық фигуралар арқылы топқа бөлу.
Оқушылар топқа бөлініп, топбасшысын сайлайды.
1-топ. Үшбұрыштар
2-топ.Төртбұрыштар
3-топ.Дөңгелектер
1-сабақта бекітілген ережеге бағынады. Ереже: Уақытты тиімді пайдалану,
Тыныштық сақтау,
Сөзді бөлмеу,
Кезектесіп сөйлеу
- Операциялық – орындаушылық кезең.
Оқушыларға жаңа тақырыпты таныстыру,ой қозғау мақсатында сұрақтар беру.
Модуль: сыни тұрғыдан ойлау-«Ой қозғау».
- Еңбек дегеніміз не?
- Еңбекшіл бала қайда және қалай танылады?
- Еңбек адамдардың қарым-қатынасына әсер ете ме?
Болайықшы осындай
Сөзі мен әнін жазған А.Меңжанова
Жақсы бала еңбекшіл
Ер азамат болады.
Қиындықты жеңіп кіл,
Құшағы гүлге толады.
Қайырмасы:
Еңбекшіл осындай,
Болайықшы досым-ай.
Таза бала мұнтаздай,
Сүйсінеді қараған,
Ұқыпты деп бұл қандай,
Жақсы көрер бар адам.
Оқушылар мұғалімнің жетекші сұрақтары арқылы ойланып әңгімелесу жүргізеді
Еңбексіз өмір- сүреңсіз (мысал әңгіме). Мұғалім сыйы
Қара пышақ дүкеннен шығып,ас үйге келген соң тыным таппады.Нан турады,пияз аршыды,әйтеуір тамақ дайындалып,ас қамдалса,қолдан түспейтін болды.Ол жалқау еді.Бала кезіндегі «шалқайып жатсам» деген арманы есіне түсіп,жылап та алатын.
Бір күні Қара пышақ ауыр еңбектен құтылудың оңай жолын тапты.Иесінің көзін ала беріп,еденнің жырығына қойды да кетті. «Болды,-деді ол қуанып.-Енді еңбекті желкемнің щұқыры көрсін!»
Ай өтті,жыл өтті.Қара пышақ орнынан қозғалған жоқ.Оның қайда жатқанын ешкім білмейтін еді.
Бір күні:
-әй туысқан,-деген дауысқа елең етіпқараса еденнің жырығынан жылтылдаған көз сығалап қарап тұр екен.Бірден таныды,баяғы өзімен бірге жасалған Сары пышақ.Өзі өте көңілді,жүзі жарқ-жұрқ етеді.Сұлуланып кетіпті.
-Төмен секір,деді Қара пышақ,бірге жатайық.Бізді ешкім білмейді.
-Ол жерде не бар?
-Жатамыз,ұйықтаймыз,демаламыз.Ой қандай рақат!
-Ал жұмысты кім істейді?
-Жұмыс бізсіз де істеледі.
-Рақмет!-деді Сары пышақ.- -Рақмет деді Сары пышақ.-Еңбектен қашқанша,тер төгіп өлгенім артық.Еңбексіз өмір –сүреңсіз.Өзің-ақ жата бер,рақатына бата бер.
Қара пышақ орнынан тұрайын деп еді, тұралмады.өне бойын тот басқан.Барлық жері сынып бара жатқандай сезінді.
Сергіту сәті: « ». Оқушылар іс-қимылмен сергіту жаттығуын жасайды.
Дәйексөз
Еңбек -қуаныш,
Жалқаулық-айырылмас азап. Абай
Сахналау (қайдан келдің бауырсақ?) Ө.Тұрманжанов
Дастарханда шашылып,
Жатты аппақ бауырсақ.
Бауырсаққа қызығып,
Қарап тұрып көзін сап:
-Қайдан келдің бауырсақ?-
Деп сұрады қуыршақ.
-Дүкенен келдім
-Нан сатқан,-
Деді оған бауырсақ
-Дүкенге келдің қай жақтан?
-Наубайдан келдім нан жапқан
-Наубайға келдің қай жақтан?
-Дирменен келдім үн тартқан.
-Дирменге келдің қай жақтан?
-Даладан келдім кең жатқан
-Жер анам менің көсілген,
-Диқандар мені өссірген.
Нан дастарханға қандай еңбекпен келеді?
Шығармашылық жұмыс беру: Оқулықтағы “ Жақсылардың жақсысы ” әңгімесін оқи отырып,“Жаныңда жүр жақсы адам” тақырыбына шағын әңгіме жазу.
Оқушылар эссе жазу стратегиясын қолдана отырып,дәптермен жұмыс жасайды.
Модуль: СТО,әдісі: эссе жазу
Баяғыда бір адам өзі жалғыз қызымен бірнеше бөлмелі жарық,биік өте әсем үйде тұрыпты.Үйдің айналасы бау-бақша екен.Бір күні оның кішкентай қызы бақшаны,барлық бөлмелерді аралайды.
Кірмеген жалғыз ғана бөлме қалыпты.Ол ылғи жабық тұрады екен.
Сонда әкесіне қыз:
-Әке маған жабық тұрған бөлмеге кіруге рұқсат етіңіз.Осы бөлме басқа бөлмелерге қарағанда жақсы ғой деп ойлаймын,- деді.
-Оның дұрыс қызым.Жақсылардың ең жақсысы сонда.Бірақ сен жассың өскенде саған осы бөлмені беремін.Сен оған өмір бойы риза боласың,-деп жауап қайтарды әкесі.
Ай өтеді жыл өтеді қыз есейіп бой жетеді.Әкесі қызына жабық бөлменің кілтін ұсынады.Қыздың қуанышы қойнына сыймай жүгіріп келіп есікті ашып жібергенде,ол тек ұршық пен өрмек және кітапты көреді.Қыз әкесіне келіп көз жасын бұлап тұрып:
-Әке сен жабық бөлмеде «Жақсылардың жақсысы бар» деген едің.Мен одан ұршық,өрмек,кітаптан басқа еш нәрсе таппадым,-дейді.
-Міне жақсылардың жақсысы деген осылар қызым!
-Ұршық пен өрмек болса,еңбегің жанады.Ал кітап оқысаң,білімің артады.Жарық дүниеде бұлардан жақсы нәрсе жоқ.Дүние мүліктің бәрі еңбекпен табылады,-деп түсіндірді әкесі.
Ақпарат
Еңбек –адамның өзіне,өміріне және қоғамға пайда келтіретін іс-әрекет. Еңбек арқылы адам өз арманы мен мақсатына жетіп қуанышқа,бақытқа бөленеді.
Суретке қарап, «Еңбек түбі береке тақырыбында әңгіме құрастырыңдар.
Жүректен- жүрекке
Еңбек
Гүл өсірсең терлеп,
Мұның аты –еңбек.
Кесте тіксең зерлеп,
Мұның аты еңбек.
Сабағыңды жөндеп,
Әзірлесең –еңбек
Қиындықтың бәрін,
Еңбек қана жеңбек.
Рефлексия : кері байланыс жүргізу,смайликтер арқылы, т.б.
Сабақ барысы қандай ?
Ұнаған жері.
Ұнамаған жері.
Менің пікірім.
Үйге тапсырма: Суретпен жұмыс беру.
1-топ. Үшбұрыштар
2-топ.Төртбұрыштар
3-топ.Дөңгелектер
