Өзiн-өзi тану сабағының жоспары
Бекітемін:
Мектеп: Мұхит атындағы ЖОББМ Мерзiм: 13-15 ақпан № 22 сабақ
Тақырып: «Еңбек – бәрін жеңбек» (2-сағат)
Құндылық: дұрыс әрекет
Қасиеттер: еңбексүйгіштік, адамгершілік, үнемшілдік
Мұғалiм: Журымбаева.А Сынып 2а,б
Сабақ мақсаты:
Еңбек бәрін женетіні туралы түсінік беріп, дұрыс әрекет құндылығының мәнін ашу. Міндеттері: - еңбектің адам өміріндегі мәні және адамгершілік туралы түсінік беру; - еңбексүйгіштікке дағдыландыру; - еңбекке,үнемшілдікке тәрбиелеу;
Ресурстар:(құралдар, мәлiметтер)
Сабақ барысы:
Ұйымдастыру кезеңi.Оқушылармен амандасып, «Өзін- өзі тану» сабағының ережесін «5-Т» қайталау.
Тыныштық сәті Нұрға бөлену
Үй тапсырмасын тексеру «Жақсылардың жақсысы» аңызы Сұрақтар: - Неліктен әкесі ұршық, өрмек, кітапты «жақсылардың жақсысы» дейді? - Дүниедегінің бәрі еңбекпен табылады дегенді қалай түсінесіңдер?
Сабақ барысын талдау
Дәйексөз.
«Бақыт кілті - еңбек».
Халық мақалы
- Бақыт кілті деп нені айтуға болады?
- Дәйексөздің мағынасын қалай түсінесіңдер?
Әңгiмелеу (мұғалімнің сыйы) Жомарт
Атымтай жомарт өзі есепсіз бай бола тұрып, күн сайын бір мезгіл үстіне ескі-құсқы
киім киіп, отын кесіп, шөп тасып жұмыс қылады екен. Бір күні өзінің жақын, таныстары сұрады дейді:
- Жомарт, Құдай берген дәулетіңіз бар, ашқа -тамақ, жалаңашқа -киім, үйсіздерге –үй болдыңыз, сөйтіп тұрып өз басыңызды кемшілікке салып,
жете алмаған жарлыша отын кесіп, шөп тасығаныңыздың мағынасы не? - деп.
Жомарт айтты дейді:
- Төрт түрлі себеп бар.Әуелгісі: әдемі ат, асыл киім, асқан дәулетті өне бойы
әдет етсең көңілге жел кіргізеді; сол желіккен көңілмен өзімнен терезесі төмен бейшаралардан жиреніп, көз салмай, кем-кетікке жәрдем беруді ұмытармын деп қорқамын. Екіншісі: бар бола тұрып мен жұмыс қылсам,
мұның кемшілік емес екенін біліп, кейінгілер әбірет алсын деймін. Үшіншісі:
күн сайын өз бейнетім мен таңнан бір пұлға нан сатып алып жесем де
бойыма сол тамақ болып тарайды, еңбекпен табылған дәмнің тәттілігі,
сіңімділігі болады екен. Төртіншісі: кұдай тағаламның берген дәулетін
өзімсініп, тиісті орындарына жаратпай, көбісін өзімішіп -жеп, өзім тұтынсам,
мал берген иесіне күнәлі болармын деп қорқамын, - деді
Сұрақтар:
- Әңгіме барысында не ұқтыңыздар?
Шығармашылық жұмыс Дәптерде берілген суреттерді пайдаланып, сөйлемдерді оқужәне бояу. «Еңбек түбі - береке» тақырыбында әңгіме құрастырады
Топпен ән айту. Болайықшы осындай
Сөзі мен әні: А.Меңжанова
Жақсы бала еңбекшіл Ер азамат болады. Қиындықты жеңіп кіл, Құшағы гүлге толады.
Қайырмасы:
Еңбекшіл осындай, Болайықшы досым – ай.
Таза бала мұнтаздай, Сүйсінеді қараған, Ұқыпты деп бұл қандай, Жақсы көрер бар адам
Үй тапсырмасы. В.Осееваның «Жай ғана әжей» әңгімесін оқу
Соңғы тыныштық сәтi. Баяу әуен қойылады. Оқушылар денесін, басын тік ұстап, көзін жұмып отырады.Мұғалім жәй дауыспен: - Әрқайсымыз оң қолымызбен жүрегімізді ұстап көрейік. Өз жүрегіміздің жылылығын сезініп, жүрек жылуымызды адамдарға, айналамызға жеткізу үшін іштей оларға жақсы тілектер тілейік. Жақсы ой ойлайық, жақсы сөз сөйлейік, жақсы іс жасайық! Бүгінгі сабақтан алған әсерлеріңізді жүректеріңізге түйіп алыңыздар. Рахмет! Көздеріңді ашуға болады.
