Күні:
Білім беру саласы: «Қатынас»
Бөлім: Сауат ашу және жазу негіздері
Оқу іс-әрекетінің тақырыбы: Гг дыбысы және әрпі.
Оқу іс-әрекетінің мақсаты: Балаларды г дыбысымен таныстыру, аталған дыбысқа сөз ойлату арқылы сөздік қорларын байыту. Ойын арқылы ойлау қабілетін дамыту. Шыдамдылыққа, ептілікке тәрбиелеу. Жұмбақ жасыру арқылы логикалық ойлауын дамыту.
Әдіс-тәсілдер: Сұрақ-жауап, сөздік, үйрету, тіл жаттықтыру.
Оқу іс-әрекетінің көрнекіліктері: Суреттер, кеспе әріп, кітаптар, кесте. Үлестірмелі материалдар: Әріп элементі, әріп, Әліппе.
Іс-әрекет кезеңдері
Тәрбиешінің
іс-әрекеті
Балалардың
іс-әрекеті
Мотивациялық-қозғаушылық
Балалар шаттық шеңберіне тұрады.
Шаттық шеңберіне тұрып, бір- бірінің қолынан ұстайды. Бір- біріне жылы лебіздерін білдіреді.
Ұйымдастыру-іздестіру
Ұйымдастыру кезеңі:
- Балалар, қазір жылдың қай мезгілі?
- Көктемде қандай өзгерістер болады?
- Ал, енді мына бір өлеңге кұлақ түріңдерші. "Гүлдер, гүлдер, көп гүлдер,
Қызыл гүлдер, көк гүлдер" - деген өленде не туралы айтылған?
Гүл - дер
- Дұрыс солай "гүл" деп айтсақ сөздің басында қандай дыбыс естіп отырмыз?
— Өте жақсы. Енді Г дыбысы дауысты ма, дауыссыз ба? Дыбыс жасау үшін кедергі келіп тұр. Сондықтан Г дыбысы дауыссыз дыбыс. Көк текшемен белгілейміз. Гүлдін астына текшемен белгілейміз.
Дәптермен жұмыс
Гитара, егін, кереге сөздердіне дыбыстық талдау жасатып, ондағы г дыбысының орнын ажыратқызады. Балалардың өздеріне г дыбысының сөздің басында, ортасында, аяғында келетінін сөздер ойлап табады. Дәптердегі буындарды, сөздерді құратыып оқытады. Барлығы хормен қайталап оқиды.
Жазу жұмысы
- Жазуға қолды даярлау.
- Ауада жазу.
- Әріптің жазылуын бақылау.
- Баспа және жазба түріне көңіл бөлу.
Сөзжұмбақ шешу. Ай+ гүл, Гүл+ сім, Ай+ нұр
Сабақты түрлендіру үшін, балаларды қызықтыру мақсатымен осы жерде "Кім зейінді?" деген ойын ұйымдастырылады.
Ойын шарты: Фланелеграф тақтасына Г дыбысы бар суреттерді іліп, "қай суретте аталған Г дыбысы кездеседі?" — деп сұрау керек. Балалар да, Г дыбысы қай сөзде бар екенін анықтайды. Г дыбысын кім бұрын атаса, сол жеңімпаз аталады.
Балалар, "Гүл" десек, Г дыбысы сөздің қай жағында кездесіп тұр.
— Ал көгершін десе ше? Кө - гер — шін.
— Яғни Г дыбысы сөздің басында, ортасында кездеседі екен.
Енді балалар, "Адасқан әріптер" ойынын ойнаймыз. Шарты: Балаларға кеспе әріптер таратып, сол әріптер бойынша сөз құрастыруды ұйымдастыру, жұмбақ жасыру.
Сұрақтарға жауап береді.
Гг дыбысын хормен айтады. Дауысты немесе дауыссыз дыбыс екенін анықтап, қызыл немесе көк текшемен белгілейді.
Гг дыбысы кездесетінін сөздерді айтады.
Гг дыбысының кездесетін орнын айтады.
Сергіту сәтін жасайды.
Әліппе- жұмыс дәптерінде берілген сөздерді дыбыстық талдау жасайды.
Әріптің баспа және жазба түрімен танысады. Баспа түрін ауада жазып көреді. Әліппе- жұмыс дәптерін толтырады.
Берілген оқу жолын хормен оқиды.
Әріптер бойынша сөз құрастыруды.
Рефлексивті – түзетушілік
Қорытынды.
— Суреттерді көрсете отырып "Дұрыс буын" ойынымен сабақты қорыта келіп, жұмбақ жасыру.
Қатар-қатар түйме,
Бассаң салар күйге. (Гармонь)
Жайса - көлдей,
Жиса - жеңдей. (Кереге)
Мінезін оның түсінгем,
Ашуы тамақ пісірген. (Газ)
Жұпар исі еседі,
Жайнап бақта өседі.
Қайсы әріптен басталған,
Аты не, кім шешеді? (Г)
Өзі сондай нәзік,
Су құйсаң кетеді.
Алаканын жазып. (Гүл)
— Қазір серуенге шыққанда айналамен таныстыру кезінде гүлдің суретін салып, бақшадан гүл тереміз.
— Сонымен бүгін біз қандай дыбыспен таныстық?
— Г дыбысы қандай дыбыс?
— Қандай текшемен белгіледік?
— Яғни Г дыбысы қандай дыбыс?
Өтілген дыбыс туралы алған білімдерін жинақтап, қайталап, сұрақтар арқылы бекітеді.
Жұмбақтардың жауабын шешеді.
Күтілетін нәтиже:
Нені білу керек:
Гг дыбысы мен әрпін дауыссыз дыбысқа жатады.
Нені игереді:
Сөздің басында, ортасында, соңында кездеседі;
Гг дыбысы кездесетін сөздерді;
Нені біледі:
Сөздерді буынға бөледі;
Сөздерге қатысты сөйлем құрай алады.
