"Денсаулық-зор байлық"

Күні:..........................

Мектебі:..................

Сыныбы:.....................

Сынып жетекшісі:...................................

Машықкер: Каргул Нургул

Сабақтың түрі: .........................

Тәрбие сағатының тақырыбы: «Денсаулық – салауатты өмір салты »

Тәрбие сағатының мақсаты: «Бірінші байлық-денсаулық» «Қазақстан-2030» бағдарламасында көрсетілгендей, өркениетті елдің әрбір азаматының денсаулығы мықты, хал-ахуалы жақсы болу үшін зиянды әрекеттерден-ішімдік, нашақорлық, шылым шегушіліктің денсаулыққа, болашақ ұрпаққа жау екендгін түсіндіре отырып, спортпен белсене шұғылдануына ықпал ету. Салауатты өмір салтына қалыптастыру.

Тәрбие сағатының әдісі :Үш топ арасындағы сайыс

Тәрбие сағатының көрнекілігі: Тақырып бойынша суреттер,тақтаға арналған безендірулер,мақал-мәтелдер.

I. Сабақтың басы:

1) Ұйымдастыру кезеңі 2) Психологиялық дайындық

II. Сабақтың ортасы:

1. Тақырыппен таныстыру

2. Өтілетін сайыс жайында түсіндіру

3. Сайысты өткізу

III. Сабақтың соңы:

1. Сайысты аяқтау

2. Марапаттау

3. Балалардың сабақ жайында ойын білу

4. Балалармен қоштасу

Сабақтың басы:

Ұйымдастыру кезеңі: Сәлеметсіңдер ме,балалар!Көңіл күйлерің қалай?Бүгінгі сабақты өткізетін мен ...................Ал,балалар сабағымызға дайын болсаңдар бастайық.

Балалар,сендердің жарысқыларың келе ме? Онда біз үш топқа бөлінейік. Жарыс үш сайыстан тұрады.

1-саиыс: Жалғастыр.

2-сайыс: Артығын тап.

3-сайыс: Жүйрік болсаң,шешіп көр.

4-сайыс: Құрастырып көр.

Енді кезекте,топқа бөлінейік,топқа бағдаршамның түстері арқылы бөлінейік:

1-топ: Денсаулық

2-топ: Тазалық

3-топ: Салауаттылық

Тақырыппен таныстыру:  

Денсаулық дегенді қалай түсінесіңдер? (Спортпен шұғылдану, күн тәртібін жеке бас гигиенасын сақтау, жаман қылықтардан аулақ болу  (маскүнемдік, шылым шегуден, нашақорлықтан). Сайысымызды бастамас бұрын әділқазылар алқасымен таныс болыңыздар.)

Денің сау болу үшін нестеу керек? (Спортпен шұғылданып,тамақ ішу ережесін сақтау керек)

Балалар бұл сұрақты жайдан-жай қойылмады,қалай ойлайсыңдар бүгінгі тақырыбымыз не туралы?

Жарайсыңдар!

Мұғалім сөзі:

Денсаулық-жеке адамның басты байлығы.
Денсаулық - адам тіршілігінің ең бірінші шарты.
Бүгінгі дені сау ұрпақ - елдің ертеңгі жалғасы.
-Бүгінгі тәрбиелік іс-шарамыздың тақырыбына байланысты әңгімеміз тек денсаулық жөнінде болмақ . Денсаулық деген сөз-деніңнің саулығы деген мағынаны білдіреді. Деніңнің аурудан аман, қайратты, жігерлі, көңілдің көтеріңкі болуының өзі-денсаулықтың белгісі. Дене мүшелерінің, ішкі ағзалардың бірі ауырса, адамның денсаулығы нашарлап, көңіл күйі түседі, еш нәрсеге зауқы болмайды.Сондықтан да,өз денсаулығымыз-өз қолымызда демекші,денсаулықты әрқашан күтіп жүруіміз қажет.

Өтілетін сайыс жайында түсіндіру:

Жарысқа төрелік ететін әділ қазыны сайлап алу.

1-сайыс: Жалғастыр.

Ойынның мақсаты:Балалардың мақал-мәтелге деген көзқарастарын өзгерту.

Ойынның шарты: Түсіп қалған сөздерді толықтырып,дұрыс әрі нақты жауап қайтару.

1.Денсаулық -(зор байлық ) 1-топ

2. Дені саудың (жаны сау.)

1. Шынықсаң (шымыр боларсың) 2-топ

2. Дені сау адам -(дәулетті адам)

1. Денсаулықтың қадірін (ауырғанда білерсің) 3-топ

2. Ауруын жасырған (өледі)

2-сайыс: Артығын тап.

Ойынның мақсаты: Балалардың сабаққа деген қызығушылықтарын арттыру.

Ойынның шарты: Балаларға суреттер таратылып,артығын лезде табулары қажет.

Тіс ауырса, іш ауырса, 
Саған дәрі береді. 
Балаға да, анаға да 
Мейірімін төгеді. 
Ол кім? 
Оқушылар: дәрігер 

Тамаша!

3-сайыс: Жүйрік болсаң,шешіп көр.

Ойынның мақсаты: Жұмбақтарды шешу арқылы,балалардың білімдерін тексеру.

Ойынның шарты: Балаларға жұмбақтар жасырылады,оның жауабын шапшан қимылдау арқылы табу.

Дымқылдап күнде сен,
Қолыңа сүйкесең.
Кетіп кір аласың,
Тап-таза боласың.

Шомылған баланы,
Аймалап алады.
Сүртеді қолын да,
Сүртеді жонын да.

Аузы жоқ, көзі жоқ,
Тілі жоқ, өзі жоқ.
Бірақ та тісі бар,
Басыңмен ісі бар.

Бізедік, бізедік,
Отызекі қызедік.
қатар-қатар тізілдік,
Кезек-кезек үзілдік.

4-сайыс: Құрастырып көр.

Ойынның мақсаты: Балалардың сабаққа деген қызығушылықтарын арттыру.

Ойынның шарты: Балаларға қиынды суреттер беріледі,оны лезде құрастырулары қажет.

III. Сабақтың соңы:

Балалар бүгінгі сабақты мен,кубик ойыны арқылы қорытындылаймын.

Ойынның шарты: Бүгінгі сабақта не үйрендіңдер,соны кубиктегі сұрақтар арқылы бағалаймын.

1- Денсаулық дегеніміз не?

2- Денің сау болу ұшін не істеу керек?

3- Денсаулық-.................................

4- Нені ойға тоқып, жадымызда сақтау керекпіз?

5- Біз бүгін қандай тақырыпта сөз қозғадық?

6- Сабақ саған ұнадыма?

7- Сендер қандай азамат болып өсулерің керек?

Балалар сендерге бүгінгі сабақ ұнады ма?

Егер сабақ ұнаса,бас бармақ әдісін қолдану арқылы,анықтайық.

Тамаша!

Балалар сендер бүгінгі сабаққа белсене қатыстыңдар.Өздерің ақылды,әрі әдемі сынып екенсіңдер!Бүгінгі сабақта сендер денсаулық туралы көптеген мәліметтер алдыңдар.Енді әрдайым өз денсаулықтарыңды қадағалап жүріңдер.Мен өз сөзімді қорытындылай келе,Қазақстан Республикасының ақылды әрі үлгі тұтар азаматтары мен азаматшалары болып өсе беріңдер.Сау болындар!

Әдіскер:

Мұғалім:

Баға: