Darsning texnologik xaritasi

Darsning texnologik xaritasi

Mavzuga doir tayanch tushunchalar.

Tilaklar, tarbiya, vijdon, qarindosh-urug’, opa-singil (jigarlar).

Soatlar soni: 1 soat.

Mavzuning qisqacha tarifi:

“Jigarlarga tilaklarim” mavzusidagi she’rni o’quvchilarga yod oldirish va she’rning mazmun-mohiyatini o’quvchilarga tushuntirib berish

O’quv jarayonini amalga oshirish texnalogiyasi.

Metod: muhokama darsi, guruhlar bilan ishlash, izlanish, musobaqa tarzida.

Shakl: jamoa, yakka, guruh bilan ishlash.

Jixoz: tarqatma materiallar, rangli tasvirlar, test savollari.

Nazorat: O’qituvchilar faolligini nazorat etish, tartibini nazorat etish hisobga olinadi.

Baholash: O’quvchilar baholari dars oxrida e’lon qilinadi, kerakli me’yoriy hujjatda qayd etiladi.

Darsning maqsad va vazifalari.

Maqsadlar:

Ta’limiy: O’tgan darsda olgan bilimlarni mustahkamlash. “Barakalla, bo’tam” mavzusidagi matn mazmunini so’zlab berish. O’tgan darsdagi mavzuni mustahkamlash maqsadida o’quvchilarga mavzu yuzasidan savollar berish. O’quvchilarning erkin so’zlay olish, matn tuza olish malakasini shakllantirish. Og’zaki nutq ko’nikmalarini rivojlantirish.

Tarbiyaviy: O’quvchilarni qiziqishlarini orttirib borish. Hayotni to’g’ri tasavvur eta olish malakasini oshirish. Tez va to’g’ri javob berishga o’rgatish. Jonli tabiatni sevishga, ularga g’amxo’rlik qilishga o’rgatish. Tarbiyali vijdonli bo’lishga undash.

Rivojlantiruvchi: O’quvchilarni bilimli, zukko, hozirjavob, tez fikrlay olish ko’nikmalarini shakllantirish, ijodiy tasavvur qila olish, erkin va mustaqil fikrlashga o’rgatish, ularning bilimlarini rivojlantirish.

Kutilayotgan natija: O’quvchilarni hayotni to’g’ri tasavvur eta olishga o’rgatish, she’r matni orqali bilim olishga ishtiyoqlarini oshirish.

Dars jarayoni va texnologiyasi
Ishning nomi	Bajariladigan ish mazmuni	Metod	Vaqt
I bosqich Tashkiliy qism	1. O’quvchilar bilan salomlashiladi. 2. O’quvchilarning darsga tayyorgarligi tekshiriladi. 3. Navbatchi o’quvchining hisoboti tinglanadi. 4. Oltin qoidalar aytiladi. 5. Davlat ramzlar so’raladi.	Suhbat Klaster usulida	2 daqiqa
II bosqich O’tilgan mavzuni so’rash va mustahkamlash	1. Uyga vazifani so’rab baholash, “Barakalla bo’tam” matnini so’zlab berish. 2. Testlardan foydalanib, o’quvchilar bilimi mustahkamlanadi. 3. “Aqliy hujum” metodidan foydalaniladi.	Suhbat Yakka Jamoa	5 daqiqa 5 daqiqa
III bosqich Yangi mavzu bayoni	1. She’r ifodali o’qib beriladi. 2. She’rning mazmuni tushuntiriladi. 3. Mavzu yuzasidan savol-javob qilinadi. 4. Intizom talab qilinadi, o’ng qo’l qoidasi aytiladi.	Suhbat Tsuhuntirish Suhbat Fikr yuritish	3 daqiqa 2 daqiqa 10 daqiqa 5 daqiqa 1 daqiqa
IV bosqich Yangi mavzuni mustahkamlash	1. Mantiqiy topshiriq beriladi. 2. Mavzuga oid savollar beriladi. 3. Mavzu savol - javob bilan mustahkamlanadi. 4. “Baliq skeleti” metodi qo’llaniladi.	Muammoli izlanish Og’zaki	3 daqiqa 3 daqiqa
V bosqich Dars yakuni	O’quvchilarning darsga ishtiroki hisobga olinib, reyting e’lon qilinadi va dars yakunlanadi.	Og’zaki	3 daqiqa
VI bosqich Uyga vazifa	She’rni ifodali o’qishga o’rganish. “Jigarlarga tilaklarim” mavzusidagi she’rni yodlab kelish.	Tushuntirish	3 daqiqa

Darsning borishi

I. Tahskiliy qism

O’quvchilar bilan salomlashiladi.

O’qituvchi:

Salom bilan boshlanur,

Bilsang odob va axloq.

Salom bilan begona,

Bo’lar tezda do’st, inoq.

Bolajonlar omonmisiz,

Hozir darsga tayyormisiz?

O’quvchilar:

Biz hammiz omonmiz,

Hozir darsga tayyormiz.

O’quvchilarning darsga tayyorgarligi teksiriladi. Qanday dars ekanligi so’raladi. O’qish darsi ekanligi aytiladi.

O’quvchi: Darsimiz o`qish darsi

O`qish va uqish darsi

O`qiymiz sharroz, sharroz

She`r yodlaymiz tez va soz.

O’qituvchi: O`qish fani bizga nimalarni o`rgatadi?

O’quvchilar: Bizga ifodali o`qishni, ravon so`zlashni o`rgatadi.

O’qituvchi: Bizning shior

O’quvchilar: Oz-oz o`rganib dono bo`lur.

Qatra-qatra yig`ilib daryo bo`lur.

O’quvchilarga “Oltin qoidalar” eslatiladi. O’quvchilar uni shakllar yordamida hosil qiladi.

Darsni jonlashtirish va o’quvchilarning ishchanligini oshirish maqsadida savol-javob qilinadi.

O’zbekiston ramzlari haqida savollar:

O’qituvchi:

1. O’zbekiston Respublikasi qachon mustaqil davlat deb e’lon qilindi?

2. Bayrog’imiz qachon tashkil topdi?

3. Gerbimiz-chi?

4. Madhiyamiz qachon tasdiqlangan?

5. Hozir 2013 yil qanday nomlanadi?

O’quvchilar: Savollarga javob berishadi.

II. O’tilgan mavzuni so’rash va baholash.

Uyga vazifani tekshirish. Aziz o’quvchilar, biz o’tgan darsimizda “Barakalla bo’tam” mavzusini o’rgangan edik. Qani, o’tgan mavzumizni mazmunini kim so’zlab beradi?

O’quvchi:

Bir kuni Abdulazizning dadasi uch-to’rt atirgul ko’chatini ko’tarib keldi.

-Qani, o’g’lim qarashib yubor, gul ekamiz, - dedi.

-Xo’p bo’ladi, - Abdulaziz.

Dadasi chuqurcha qazidi. Abdulaziz suv quyib turdi. Har bir chuqurchaga gul ko’chati o’tqazib, ustidan tuproq tortishibdi.

Abdulaziz:

-Gul qachon ochiladi? – deb so’radi dadasidan.

-Parvarishga bog’liq, o’g’lim tagini Tez-tez yumshatib, suv quyib tursang, ana o’shanda ochiladi, - dedi dadasi.

-Bo’pti, pavarish qilaman, - Dedi Abdulaziz.

U tesha bilan gul ko’chatlarini tagini yumshatib, Tez-tez suv quyib turdi. Ko’p o’tmay, qip-qizil atirgul ochildi. Atirgul shunday chiroyli ediki, Abdulaziz qarab to’ymasdi.

Boshqa o’quvchi tomonidan matn davom ettiriladi. O’tilgan mavzuni mustahkamlash maqsadida “Aqliy hujum” metodidan foydalaniladi.

O’qituvchi: Oila a’zolari nima haqida suhbat qilishdi?

Siz o’rtoqlaringizga nima sovg’a qilgansiz?

O’quvchilar javob berishadi.

III. Yangi mavzu bayoni.

Jigarlarga tilaklarim

Maqsud Shayxzoda

Yillar sizni kutadi

Siz yillarni kutasiz!

Bir, ikki, uch deguncha

O’smirlikka yetasiz.....

Ishlaringiz “besh” bo’lsin!

Quvonch sizga esh bo’lsin!

Hoy, bolalar, bolalar,

Chamandagi lolalar

Yana ko’proq bilmoqqa,

Ko’proq bilim olmoqqa,

Ishni egallamoqqa

Dunyodan “sir” olmoqqa,

Tarbiyali, gapi rost,

Vijdoni sof, beg’araz

Bo’lmoqqa siz intiling!

Vazifangiz – shu , biling!

Dam olish daqiqasi o’tkaziladi.

Javob: Olma

Javob: Archa

Javob: In

IV. Yangi mavzuni mustahkamlash.

“Baliq skeleti” metodi qo’llaniladi.

O’qituvchi: Barakalla bolajonlar, endi to’liqroq ma’lumotga ega bo’lish uchun «baliq skeleti» usulidan foydalanamiz.

Har bir o’quvchigaga «Baliq skeleti» tasvirlangan qog’oz tarqatilgan. Har bir har bir o’quvchi bu skeletni to’ldiradilar.

Buning uchun bosh qismiga savol yoziladi. Qanotlariga javoblar yoziladi.

V. Mavzu mustahkamlanadi.

O’quvchiarning darsda ishtiroki hisobga olinib rag’batlantiriladi, reyting e’lon qilinadi. Faol qatnashgan o’quchilar rag’batlantiriladi.

VI. Uyga vazifa beriladi.

Uyga vazifa “Jigarlarga tilaklarim” mavzusidagi she’rni yod olish.

Xulosa

Bugungi kunda ta’lim sifatini oshirish, o`quvchilarni har tomonlama zehnli, zukko va barkamol qilib o`stirish pedagoglar oldida turgan eng dolzarb masaladir. Dars jarayonida o`qituvchi o`quvchilarga bilim berishda har bir mavzuga alohida puxta tayyorgarlik asosida yondashishi talab etiladi. Bu borada dars jarayonlarida zamonaviy pedtexnologiyalaridan va noan’anaviy usullardan muntazam foydalanish samarali natija beradi.

Men mavzuni yoritishda malaka oshirish kursida o’rgangan metodlardan foydalandim. Jumladan baliq skeleti, meni tushun, ortiqchasini top va boshqalar. Faoliyatim davomida ushbu metodlardan foydalanishni o’z oldimga maqsad qilib qo’ydim.

Boshlang`ich sinf o`quvchiga yetkazib berilayotgan mavzularni yoritish o`qituvchidan katta mas’uliyat talab etadi, chunki sinf o`quvchilarining barchasi birdek mavzuni tushunishlari, o`rganishlari mushkuldir. Ular bilan puxta ish olib borish va shu ishning samarali natijasini ko`rish bu - o`qituvchining yutug`i hisoblanadi. Zero, boshlang`ich sinfda olingan bilim keyingi bosqich uchun poydevordir.

11