Баяндауыш. 3 сынып

Күні ______ Пән: Қазақ тілі. Сабақ ______ Сынып ________

Сабақтың тақырыбы: Баяндауыш.

Сабақтың мақсаты:Баяндауыш және оның бастауышпен байланысын ұғындыру, сөз таптарымен байланыстыру. Баяндауыш туралы түсінік беру. Ауызша және жазбаша тілдерін дамыту, шығармашылық қабілеттерін дамыту.

Сабақтың түрі: Ойын сабақ.

Сабақтың әдісі: Топтық жұмыс, ой қозғау, сұрақ-жауап

Сабақтың көрнекі құралдары: үлестірмелі қағаз, ұлттық ойындардың суреті, мақал-мәтелдер, арқан, асық, сандықшалар.

Сабақтың барысы:

І. Ұйымдастыру. «Әдептілік белгісі – иіліп сәлем бергенің». Сәлем беріп бір-бірімізге жылылық сыйлайық. Құрал-жабдықтарын алып даярланады. Түзеліп түзу отырады.

Қызығушылығын ояту: Оқушылардың өз білімін ортаға салуға мүмкіндік жасау. Оқушыларды білімді, саналы түрде меңгеруге дайындау. Оқушылардың алдына оқу проблемасын қою.

Мұғалімнің сөзі: Ана тілің – арың бұл

Ұятың болып тұр бетте,

Өзге тілдің бәрін біл,

Өз тіліңді құрметте, – деп қазақ тілінде сауатты да, таза сөйлей білуге міндетті екенімізді сендер білесіңдер. Ендеше, бүгінгі қазақ тілі сабағында қазақ тілін қаншалықты меңгергендіктеріңді ортаға салыңдар. Бүгінгі біздің сабағымыз сайыс түрінде өтеді.

І-топ «Болашақ». Ұраны: «Болашақ бізден басталады».

ІІ-топ «Шығармашыл».Ұраны: «Ізденген жетер мұратқа».

-Мұғалімнің сөзі:

-Балалар, мынау қандай құс?

-Қыран құс.

-Қайда бейнеленген?

-Біздің туымызда бейнеленген.

Дүниеде күнге тура қарай алатын бірден бір, тіршілік иесі – осы қыран. Себебі, оның көзі өте өткір. Заңғар биікте жүріп жердегі құмырсқаны да көре алады. Қыранның көргенін адам дүрбімен зорға байқайды. Тек биік шыңдарда, құзда ғана жүретін мықты құс. Ендеше, балалар, мен сендерге бүгінгі сабақта осы қыран құстың мықтылығын тілеймін.

ІІ. Үй тапсырмасын тексеру. 5-жаттығу.Айнаның Гүлнарға қалай көмектескені туралы мәтін құрастырып жаз.

ІІІ. Ой қозғау.

-Балалар, бүгінгі сабағымыздың қонағы мұғалімдер.

-Мұғалімдер не істеді?

-Келді, кірді, отырды, тыңдады.

-Мен не істедім?

-Сұрадығыз, сөйледінің, түсіндірдіңіз.

-Ал, сендер не істедіңдер?

-Жауап бердік, айттық, тұрдық, отырдық, сәлемдестік.

-Не аңғардыңдар? Осы сөздердің барлығы нені білдіреді?

-Іс-әрекетті, қимылды білдіреді.

Ендеше балалар, бүгінгі жаңа сабағымыздың тақырыбы – жаңағы өздерің айтқандай іс-қимылды білдіретін сөйлем мүшесі – «баяндауыш».

Балалар дәптерлерін ашып, бүгінгі күнді жазады. Тақтада іс-қимылды білдіретін суретке қарап, сөйлем құрайды. Сол сөйлемдердің ішінен баяндауыштарды теріп, дәптерлеріне жазады.

-Осы сөздердің барлығы нені білдіріп тұр?

-Іс-қимылды.

-Қандай сұрақтар қойдыңдар?

-Не істеді?, не қылды?, қайтті?

ІV. Қазақтың ұлттық ойындары.

Мұғалім: Балалар, өз салт-дәстүріміз, әдет-ғұрпымызға байланысты қандай ұлттық ойындарды білесіндер? Тақтада ұлттық ойындардың аттары, суреттері шығады. Осы ойындардың ішінен екі топтан екі оқушы шығып, «асық ойынын ойнайды» Көрген ойындарынан сөйлем құрайды. Жазған сөйлемдерінен І-топ бастауышты, ал ІІ-топ баяндауышты тауып, астын сызады.

V. «Арқан тартыс». Ортаға екі топтық оқушылары шығып, арқан тартысады

VІ. «Ақсүйек» ойыны. Оқулықпен жұмыс. Оқулықтағы 1-жаттығуды орындайды.

VІІ. Сергіту сәті: Буын биі – «Қара жорға».

VІІІ. Қазақша күрес. Санды мақалдарды табу.

ІХ. Теңге алу. Бұл ойында мұғалім сөз айтады, оқушылар сол сөзге сөз қосып, сөйлемді аяқтайды. Ол сөз бүгінгі жаңа сабаққа байланысты болуы керек.

Х. «Аударыспақ» ойыны. Сөз туым қайта құрастыру. Яғни бір сөздің әріптерінен орындарын ауыстыру арқыры жаңа сөз жасайды.

ХІ. Сабақты қорытындылау.

ХІІ. Оқушыларды бағалау.

ХІІІ. Үй тапсырмасын беру: 2-жаттығу.