Ашық сабақ "Ою"

Сабақ тақырыбы: Ою: (Қазақ тілі)

Мектеп № 3

Күні: 21.02.2020

Мұғалімнің аты: Есхатқызы А.

Сынып: 1

Қатысқан оқушылар саны:

Оқу бағдарламасы сәйкес оқу мақсаттары:

1.1.5.1. Қимыл-қозғалыс, сұрақ қою қысқа жауап арқылы тыңдағандарын/көргендерін мәтінді түсінгенін білдіру.

1.2.2.1. Сурет бойынша 2-3 сөйлеммен өз ойын білдіру.

1.3.5.1. Мұғалімнің көмегімен иллюстрациялы шағын мәтіннен қажетті ақпаратты табу.

1.4.2.1. Мұғалімнің көмегімен оқыған оқыған немесе тыңдаған/тыңдау-көру материалдары бойынша заттардың таныс атауларын жазу.

1.4.4.1. Бас әріптер мен кіші әріптерді бір-бірімен дұрыс байланыстырып жазу; саитарлық-гигиеналық талаптарға сай жазу.

Сабақтың мақсаттары:

Қимыл-қозғалыс, сұрақ қою қысқа жауап арқылы тыңдағандарын/көргендерін мәтінді түсінгенін білдіре алады.

Сурет бойынша 2-3 сөйлеммен өз ойын білдіре алады.

Мұғалімнің көмегімен иллюстрациялы шағын мәтіннен қажетті ақпаратты таба алады.

Мұғалімнің көмегімен оқыған оқыған немесе тыңдаған/тыңдау-көру материалдары бойынша заттардың таныс атауларын жаза алады.

Бас әріптер мен кіші әріптерді бір-бірімен дұрыс байланыстырып жазу; саитарлық-гигиеналық талаптарға сай жаза алады.

Сабақ кезеңдері:

«Ой қозғау» әдісі.

Қандай салт-дәстүрлерді білесіңдер?

Домбыра деген не?

Сабақтың басы:

Амандасу, түгендеу, зейіндерін сабаққа аудару.

Үш түрлі ою кеспе қағаздар арқылы 3 топқа бөлу.

1-топ: «Қошқар мүйіз» тобы

2-топ: «Қызғалдақ» тобы

3-топ: «Құсқанат» тобы

Үй тапсырмасын сұрау. «Қаламсап» әдісін қолдану.

Оқушыларды жұлдызша, төртбұрыш, үшбұрыш фигуралармен бағалау.

Сабақтың ортасы:

Сабақтың тақырыбы мен мақсатын айту.

• Балалар, бүгін біз сендермен салт-дәстүр туралы тақырыпты жалғастырамыз. Алдымен сабақта жақсы жұмыс жасау үшін тілдеріңді дұрыс жаттықтырып алуымыз керек.

• Тіл ұстарту жаттығуларын тыңдап, менімен бірге қайталаңдар:

Оң қолымда бес саусақ,

Сол қолымда бес саусақ.

Екі қолда барлығы,

Болды менде он саусақ.

(Мұғалім оқушыларға оң және сол қолдарымен, саусақтарымен жаттығуды көрсетеді).

• Тіл ұстарту жаттығуларында не туралы айтылды?

Қолмен не істеуге болады?

Оқушылар:

Қолмен жазамыз, сызамыз, кесеміз, қиямыз, жуамыз...

Жаңа сөздермен таныстырады.

Жасаймын- делаю (сделаю)

Ою жайлы видеобейне көрсету.

Ою-орнамент.

(Қазақтың оюларын, өрнектерін слайд арқылы көрсетеді)

1-тапсырма. Электронды оқулықтағы мәтінді тыңдатады.

1-топ қайталайды: Мен қағазды бүктеймін.

2-топ қайталайды: Мен қарындашпен ою сызамын.

3-топ қайталайды: Мен қайшымен қиямын.

Жаңа сөздерді топпен қайталайды.

Оқушыларды жұлдызша, төртбұрыш, үшбұрыш фигураларымен бағалау

2- тапсырманы орындайды. Жеке жұмыс. Мұғалім көрсетеді. Оқушылар қайталайды.

Сен қағазды бүкте.

Сен қарындашпен сыз.

Сен қайшымен қи.

Сен қағазды аш.

Енді сызба суреттерге қарап, оюды өз беттеріңмен жасап беріңдер.

Естеріңде болсын, ою жасау өте қиын, қайшымен жұмыс жасайсыңдар, мұқият болыңдар, абай болыңдар.

Оқушыларды жұлдызша, төртбұрыш, үшбұрыш фигураларымен бағалау.

Сергіту сәті. «Бала , бала балапан»

3-тапсырма. Тақтамен, дәптермен жұмыс.

«Сәйкестендіру»

Мен қағазды ......

Мен қарындашпен ою......

Мен қайшымен ......

Жауаптары: Бүктеймін, сызамын, қиямын.

4-тапсырма. «Құрастыр» әдісі. Топтық жұмыс.

Оқушылар шашыраңқы оюды құрастырып жинайды.

Сабақтың соңы:

Сабақты «Доп лақтыру» әдісі арқылы бекітемін.

• Оюдың қандай түрлерін білесіңдер?

• Оюды қайда кездестіреміз?

• Қарындашпен оюды сала аласың ба?

Кері байланыс

«Баспалдақ жетістігі» әдісін пайдалану.

Оқушыларды бағалау.

Үй тапсырмасы: Ұнаған ою салып, сол жайлы мағлұмат айту.