3 санын қосу кестесі

Тақырыбы: 3 санын қосу кестесі

 Сабақтың мақсаты: Санға үшті қосу мен азайтудың сәйкес жағдайларымен таныстыру.

Күтілетін нәтиже:

1.Кез – келген санға 3-ті қосып, азайту жағдайларымен танысады;

2.Логикалық ой – өрісін дамытады, пәнге қызығушылығын  артады;

3.Оқушыларды ұйымшылдыққа, шапшаңдыққа, белсенділікке  тәрбиелейді.

Сабақтың тақырыбы: жаңа сабақ

Сабақтың әдіс-тәсілдері: түсіндіру, сұрақ-жауап,  көрнекілік.

Сабақтың көрнекілігі: суреттер, фигуралар.

 Сабақтың барысы:

      І. Ұйымдастыру  кезеңі.

Психологиялық дайындық

Қайырлы таң  достым

Қайырлы күн  болсын.

Аптаның  әр  күні

Сәттілікке  толсын!

ІІ. Үй тапсырмасын тексеру.

№4, 101 бет.

Қосындыларды салыстыр. Мәндері бір таңбалы сан болатын қосындыларды бірінші бағанға жаз. Мәндері екі таңбалы сан болатын қосындыларды екінші бағанға жаз.

5+3=8 8+2=10

3+3=6 3+7=10

1+9=10

Үй тапсырмасы ауызша талданады.

ІІІ. Өткен сабақты бекіту.

Ойын: «Кім шапшаң?» (топшамамен жұмыс)

3+3=6 4+3=7 5+3=8 6+3=9 7+3=10

• Өрнектердің барлығы қай амалға берілген?

• Қосу амалына.

• Қосу амалының компоненттерін атайықшы?

• Қосылғыш, қосылғыш, қосындының мәні.

• Берілген өрнектердің 2-ші қосылғышы қандай сан?

• 3 саны.

6-3=3 7-3=4 8-3=5 9-3=6 10-3=7

• Мына өрнектер қай амалға берілген?

• Азайту амалына.

• Азайту амалының компоненттерін атайық.

• Азайғыш, азайтқыш, айырманың мәні.

• Енді осы өрнектердің азайтқышы қандай?

• 3 саны.

• Жақсы, балалар, енді осы үш санына байланысты не білесіңдер?

Үш санына байланысты ұғымдардан түсінік беру.

1. Үш жұрт:

Ағайын жұрт, нағашы жұрт, қайын жұрт   

2. Үш байлық:

Бірінші байлық – денсаулық, екінші байлық – ақ жаулық, үшінші байлық – он саулық.

3. Үш қуат:

Ақыл қуат, жүрек қуат, тіл қуат.

4. Үш арсыз:

Күлкі арсыз, тамақ арсыз, ұйқы арсыз.

5. Үш қадірлі:

Ырыс қадірлі, бақ қадірлі, дәулет қадірлі.

6. Үш қадірсіз:

Жастық шақ қадірсіз, денсаулық қадірсіз, жақсы жардың қадірін білмеу.

7. Үш қуаныш:

Алғыс алу, өзіңді көптің іздеуі, жақсы ісіңнің өшпеуі.

8. Үш биік:

Билік, дәулет, даналық.

9. Үш көз:

Су анасы – бұлақ, жол анасы – тұяқ, сөз анасы – құлақ.

10. Үш тоқтам:

Ақыл – арқан, ой – өріс, адам – қазық.

ІҮ. Мағынаны тану.

• +3, -3 мына тірек сызбалар нені білдіреді?

• Бос тор көз, шаршы, фигура, т.б.

• Енді осы бос тор көздің ішіне сан қоюға бола ма?

• Қандай санды қоюға болады?

• 1,2,3,4,5,6... т.б

• Дұрыс – ақ, сонда мына бос тор көздің ішіне кез-келген санды қоюға болады екен.

• Міне, бүгінгі біздің тақырыбымызда кез – келген санға үшті қосу және азайту.

• Олай болса, қазір оқулығымыздың 102-бетін ашып, 1-ші есепке назар аударайық.

Есеп 1. Бір ыдыста 3 алма, екінші ыдыста сонша алма. Екінші ыдыста неше алма бар? Бұл – есеп.

Осы есептің шарты қайсы?

• Бір ыдыста 3 алма, екінші ыдыста сонша алма бар. Бұл – есептің шарты.

• Енді есептің сұрағын тауып алайық.

• Екінші ыдыста неше алма бар? Бұл – есептің сұрағы.

• Олай болса есепте не белгілі?

• Бір ыдыста 3 алма бар екендігі және екінші ыдыста да сонша алма бар екені.

• Есепте не белгісіз?

• Екінші ыдыста неше алма бар екені.екінші ыдыста қанша алма бар екенін қалай табамыз?

• Бір ыдыста 3 алма болса, екінші ыдыста да неше алма болғаны?

• Екінші ыдыста да 3 алма.

• «Сонша» ұғымы нені білдіреді екен?

• «Сонша» ұғымы екі ыдыста да алманың бірдей екендігін білдіреді.

• Жақсы, енді осы есептің екінші бөлігін талдап көрейік.

• Бір ыдыста 3 алма, екінші ыдыста да сонша алма бар. Екі ыдыста барлығы неше алма бар?

• Жақсы маған тек шартын оқып берші.

• Бір ыдыста 3 алма, екінші ыдыста да сонша алма бар. Бұл – есептің шарты.

• Енді есептің сұрағын оқыңдар.

• Екі ыдыста барлығы неше алма бар? Бұл – есептің сұрағы.

• Есепте не белгілі?

• Бір ыдыста 3 алма болса, 2-ші ыдыста да сонша алма бар екені.

• Есепте не белгісіз?

• Екі ыдыста барлығы неше алма бар екені белгілі.

• Екі ыдыста барлығы неше алма бар екенін табу үшін не істейміз? Қандай амал қолданамыз?

• Барлығы неше алма бар екенін табу үшін, 3+3-ке қосамыз.

• Жауабы неше болды?

• 3+3=6-ға тең. Екі ыдыста барлығы 6 алма болды.

• Екі есепті салыстырайықшы, қандай ұқсастығы бар?

1. Бір ыдыста 3 алма, екінші ыдыста да сонша алма бар.

2. Бір ыдыста 3 алма бар, екінші ыдыста да сонша алма бар.

• Есептің шарты және сандық деректері ұқсас.

• Есептің айырмашылығы неде?

1. Екінші ыдыста неше алма бар?

2. Екі ыдыста барлығы неше алма?

• 1-ші есепте екінші ыдыста неше алма бар екенін сұраса, 2-ші есепте екі ыдыста барлығы неше алма бар екенін сұрайды?

1. 1-ші ыдыста – 3а.

2-ші ыдыста ? сонша а.

Ж: екінші ыдыста да 3 алма бар.

1. 1-ші ыдыста – 3а.

2-ші ыдыста ? сонша а.

Ш: 3+3=6(а)

Ж: екі ыдыста барлығы 6 алма бар.

Есеп 2. Сурет бойынша есеп құрастыр және шығар.

• Суреттен не көріп отырсыңдар?

• Жұмыртқа салатын қорап.

• 1-ші қорапта неше жұмыртқа бар?

• 3 жұмыртқа.

• Енді, есеп құрастырып көрейік.

1-ші қорапта 3 жұмыртқа болса, екінші қорапта де сонша жұмыртқа бар. Екі қорапта барлығы неше жұмыртқа бар?

• Есепте не белгілі?

• 1-ші қорапта 3 жұмыртқа болса, екінші қорапта де сонша жұмыртқа бар.

• Есепте не белгісіз?

• Екі қорапта барлығы неше жұмыртқа бар болғаны белгісіз?

• Есептің шешуін таба аламыз ба?

• Иә, 3+3=6

• Екі қорапта барлығы неше жұмыртқа болды?

• Екі қорапта барлығы 6 жұмыртқа болды.

1-ші қорапта – 3а.

2-ші қорапта - ? сонша ж.

Ш: 3+3=6(ж)

Ж: екі қорапта барлығы 6 жұмыртқа бар.

• Енді кері есеп құрастырайық.

• 1-ші қорапта ? жұмыртқа, екінші қорапта 3 жұмыртқа бар. Екі қорапта барлығы 6 жұмыртқа бар.

• Есепте не белгілі?

• Екінші қорапта 3 жұмыртқа бар. Екі қорапта барлығы 6 жұмыртқа бар екені белгілі.

• Есепте не белгісіз?

• 1-ші қорапта неше жұмыртқа бар екені белгісіз.

• 1-ші қорапта неше жұмыртқа бар екенін табу үшін не істейміз?

• Барлық қораптағы жұмыртқаның санынан, екінші қораптағы жұмыртқаның санын азайтамыз. 6-3=3

• Сонымен , бірінші қорапта неше жұмыртқа бар екенін таптық па?

• Иә, бірінші қорапта 3 жұмыртқа бар.

1-ші қорапта - ?ж.

2-ші қорапта -3ж.

Ш: 6-3=3 (ж)

Ж: бірінші қорапта 3 жұмыртқа бар.

Сергіту сәті.

1,2,3

Қарлығаш боп ұш.

4,5,6

Қарлығаш боп қалқы.

7,8,9,10

Өз орныңа қон.

Есеп 3. Есептің жауабын ата. Түсіндір.

А) Гүлнар 5 үлкен және 3 кішкене жұлдызшаның суретін салды. Гүлнар барлығы неше жұмыртқаның суретін салды? ( алдарына екі түсті жұлдызша беріп, орындатамын.)

- Есеп кім және не туралы?

- Гүлнар және жұлдызша туралы.

- Есепте не белгілі?

- Гүлнар 5 үлкен және 3 кішкене жұлдызшаның суретін салғаны белгілі.

- Есепте не белгісіз?

- Гүлнар барлығы неше жұмыртқаның суретін салғаны белгісіз.

- Барлығы неше жұмыртқаның суретін салғанын табу үшін не істейміз? Қандай амал қолданамыз?

- 5+3=8 қосу амалын қолданамыз.

Үлкен жұлдызша – 5

Кішкене жұлдызша – 3

Ш: 5+3=8 (ж)

Ж: Барлығы 8 жұмыртқа.

Ә) Санжардың 3 қызыл машинасы және 2 сары машинасы бар. Санжардың барлығы неше машинасы бар?

- Есеп кім және не туралы?

- Санжар және машина туралы.

- Есепте не белгілі?

- Санжар 3 қызыл машинасы және 2 сары машинасы бар екені белгілі.

- Есепте не белгісіз?

- Санжардың барлығы неше машинасы бар екені белгісіз.

- Санжардың барлығы неше машинасы барын табу үшін не істейміз? Қандай амал қолданамыз?

- 3+2=5 қосу амалын қолданамыз.

Қызыл машина –3

Сары машина – 2

Ш: 3+2=5 (м)

Ж: Барлығы 5 жұмыртқа.

Б) Диананың 4 шабдалысы болды. Ол үш шабдалыны әпкесіне берді. Дианада неше шабдалы қалды? (жазбаша орындалады)

- Есеп кім және не туралы?

- Диана және шабдалы туралы.

- Есепте не белгілі?

- Диананың 4 шабдалысы болды. Ол үш шабдалыны әпкесіне бергені белгілі.

- Есепте не белгісіз?

- Дианада неше шабдалы қалғаны белгісіз.

- Дианада неше шабдалы қалғанын табу үшін не істейміз? Қандай амал қолданамыз?

Болды – 4ш.

Берді – 3ш.

Қалды - ?ш.

Ш: 4-3=1 (ш)

Ж: Дианада 1 шабдалы қалды.

№4 тапсырма.

3+2=5 5+3=8

6+2=8 7+3=10

8+2=10 4+3=7

Ү. Толғаныс.

Қандай сурет болуға тиіс?

• Қандай фигуралар берілген?

• Алтыбұрыш, бесбұрыш, төртбұрыш, үшбұрыш, шаршы, дөңгелек.

• Осы фигуралардың түсі қандай?

• Қызыл және көк түсті.

• Енді осы фигураларға мұқият қарайық. Қайсысы қай жерде орналасқан?

• 1-ші қатарда қандай фигуралар орналасқан және қалай орналасқан?

• 2-ші қатарда ше? 3-ші қатарда ше?

  

• Олай болса, үшінші қатарда қандай фигура жетіспейді?

  

ҮІ. Сабақты қорыту.

• Үш тауық үш күнде үш жұмыртқа салады.12 тауық 12 күнде қанша жұмыртқа салады?

• Ағашта 3 балық қонып отыр еді. Оларға тағы 2 балық ұшып келді. Барлығы неше балық болды?

• Торда 3 құс отыр. Оның 2-нен басқасы ұшып кетті? Торда қанша құс қалды?

ҮІІ. Үйге тапсырма.

№5 тапсырма, 103 бет.

Бағалау.

• Сабаққа жақсы қатысқан оқушыларды мадақтап, бағалау.