Тест по казахскому языку

ММ № 46 « Балабақша – мектеп – гимназия» кешені

Жүсіппекова Дина Ескенқызы
қазақ тілі мен әдебиет пән
мұғалімі

Бақылау түрлерінің жинағы

3 сынып

Астана

Қарапайым деңгейге арналған бақылау жұмысының түрлері оқушылардың коммуникативтік дағдысын сөйлесім әрекетінің барлық түрлері бойынша бағалап – бақылауға мүмкіндік береді.Бақылау жұмыстары оқушылардың мемлекеттік тіл бойынша білім дәрежесін тексеруге бағытталған.

Бақылау жұмыстары сөйлесім әрекетінің тыңдалым, оқылым, жазылым түрлерінен қамтиды.

3- сынып

Қарапайым және бастапқы деңгей

І. Әлеуметтік – тұрмыстық ая.

1. Мен және менің отбасым. Отбасы мүшелерінің жұмыстары

Сөздік жұмысы: сөздерді аудар

әже
ата
апа
сіңілі
қарындас
іні
аға
әке
шеше
мен
сен
сіз
ол
біз
сендер
сіздер
олар
жас,жаста
оқып отыр
тоқып отыр
тігіп отыр
ойнап отыр
көріп отыр
сурет салады
оқимын
балабақша
бірге
ойнаймыз
кімдікі
көзілдірік
болады
суретші

Диктант

Ана.

Ана – отбасының тірегі. Анасы бар адамдар ешқашан қартаймайды. Анасы бар үй – береке. Барлық ана бейбітшілікті қалайды. Баласының бақытты болуын қалайды. Біз ананы сыйлаймыз, құрметтейміз. Аналар бақытты болсын. ( 27 сөз)

Аналар, береке сөздеріне фонетикалық талдау жасаңдар.

Тест.

Тақырып: Отбасы

1. Менің -------- бірінші сыныпта оқиды.

1. ағам

2. атам

3. інім

2. Әжем -------- тігіп отыр.

1. дәптер

2. сабақ

3. көйлек

3. Әкем диванда кітап ------------.

1. отыр

2. оқып отыр

3. ойнап отыр

4. Менің әжем -------- жаста.

1. елу бес

2. жиырма

3. он бес

5. Менің қарындасым -------- жақсы салады.

1. суретті

2. жұмысты

3. сабақты

6. Шешемнің көйлегі ------------ бар.

1. жаңа

2. қызық

3. неше

7. Атам ----------- көріп отыр.

1. кітап

2. теледидар

3. фирма

8. Әкем ---------- жұмыс істейді.

1. асханада

2. институт

3. дүкеннен

9.Менің отбасым --------- үйде тұрады.

1. бөлме

2. қабатта

3. жаңа

10. Біздің ---------- бес адам бар.

1. отбасымызда

2. көшеде

3. сыныпта

Жауабы:

1	2	3	4	5	6	7	8	9	10
с	с	в	а	а	а	в	а	с	а

Оқылым тексеру. Мәтінді түсініп оқып, жауаптарын дұрыс таңдап ал.

Біздің отбасымыз.

Біздің отбасымыз үлкен. Отбасымызда жеті адам бар. Олар: атам, әжем, әкем, шешем, ағам, қарындасым және мен. Атам мен әжем зейнеткерлер. Әкем фирмада жұмыс істейді. Шешем асханада жұмыс істейді. Ағам – студент. Қарындасым бірінші сыныпта оқиды. Мен үшінші сыныпта оқимын.

І.

1. Біздің отбасымыз шағын.

2. Біздің отбасымыз үлкен.

3. Біздің отбасымыз үлкен емес.

ІІ.

1. Отбасымызда сегіз адам бар.

2. Отбасымызда жеті адам бар.

3. Отбасымызда он жеті адам бар.

ІІІ.

1. Олар: атам, әжем, әкем, шешем, ағам, қарындасым және мен.

2. Олар: атам, әжем, шешем, ағам, қарындасым және мен.

3. Олар: атам, әжем, әкем, шешем, ағам, қарындасым.

ІҮ.

1. Атам мен әжем демалыста.

2. Атам мен әжем зейнеткерлер.

3. Атам мен әжем жұмыс істейді.

Ү.

1. Әкем фирмада жұмыс істейді.

2. Әкем фирмада жұмыс істемейді.

3. Әкем фирмада жұмыс істеп жүр.

ҮІ.

1. Шешем кітапханада жұмыс істейді.

2. Шешем асханада жұмыс істейді.

3. Шешем мейрамханада жұмыс істейді.

ҮІІ.

1. Мен үшінші сыныпта оқимын.

2. Сен үшінші сыныпта оқисың.

3. Ол үшінші сыныпта оқиды.

Айтылым тексеру. Мазмұндама .

Әже.

Менің әжем бар. Әжемді өте жақсы көремін. Ол маған ертегі айтып береді. Қобыланды, Алпамыс батырлар туралы жырлар айтады. Бүгін аналар мейрамы. Мен әжеме гүл сыйламын.

Жоспар.

1. Менің әжем.

2. Ертегі.

3. Қобыланды, Алпамыс батырлар.

4. Аналар мейрамы.

Тақтаға жазылатын сөздер: жақсы көремін, айтып береді, жырлар, сыйлаймын.

2. Мен бөлмемді жинаймын.

Сөздік жұмысы: сөздерді аудар

бөлме
ұйықтайтын бөлме
ванна бөлмесі
әжетхана
шатыр
қонақ бөлмесі
терезе
ас үй
есік
баспалдақ
жаңа
ескі
жудым
сырлады
еден
жарық
алдық
сүрттім
тоңазытқыш
бұрышта
еденде
ортада
аула
өсіп тұр
демаламыз
керуерт
кілем
астында
қасында
артында

Диктант.

Менің бөлмем.

Біздің пәтер үш бөлмелі. Ең кішкентай, жылы бөлме менікі. Бөлмеде екі кілем бар. Оң жақта керуерт тұр. Сол жақта – шкаф. Бөлменің ортасында дөңгелек үстел тұр. Бұрышта , шкафтың үстінде гүлдер тұр. Мен бөлмемді өзім жинаймын. ( 34 сөз)

Бөлме сөзін тәуелдеңдер.

Тест.

Тақырып: Бөлме

1. Бөлмеде не бар?

1. тақта, бор.

2. қасық, пышақ.

3. үстел, диван, шкаф.

2. Үй неше қабатты?

1. бес.

2. үшінші

3. екінші

3.Сенің үйің қай көшеде?

1. үлкен

2. пәтер

3. Манас

4. Пәтерің нешінші қабатта?

1. он

2. бір

3. екінші

5.Пәтерің неше бөлмелі?

1. сенің

2. қабат

3. үш

6.Бөлме қандай?

1. кең

2. еден

3. қызық

7. Менің үй---

1. ім

2. ым

3. ың

8.Біздің үй қандай?

1. биік

2. дәмді

9. Сен не істедің?

1. сырлады

2. сүртті

3. жудым

10. Компьютер қайда тұр?

1. қалада

2. көшеде

3. үстелде

Жауабы:

1	2	3	4	5	6	7	8	9	10
с	а	с	с	с	а	а	а	с	с

Оқылым тексеру. Мәтінді түсініп оқы, «дұрыс ,бұрысын» анықта.

Менің бөлмем.

Бұл менің бөлмем. Бөлме үлкен. Бөлмеде бір үстел, бір диван, екі орындық және бір шкаф бар. Үстел үстінде кітаптар жатыр. Қасында екі орындық тұр.Орындықтың астында мысық жатыр. Менің бөлмем таза.

	Сөйлемдер	дұрыс	бұрыс
1.	Бұл сенің бөлмең.
2.	Бөлме үлкен.
3.	Бөлмеде екі үстел, екі диван, үш орындық бар.
4.	Үстел астында кітаптар жатыр.
5.	Қасында екі диван тұр.
6.	Орындықтың астында ит жатыр.
7.	Менің бөлмем таза.

Айтылым тексеру. Мазмұндама.

Біз жаңа пәтер алдық. Пәтеріміз үшінші қабатта. Пәтерім төрт бөлмелі. Бөлмелері үлкен. Үйіміз Абай көшесінде. Мен еденді жудым, терезелерді сүрттім. Шешем есікті сырлады.

Жоспар.

1. Жаңа пәтер.

2. Үшінші қабатта.

3. Төрт бөлмелі.

4. Абай көшесінде.

5. Еден жуу.

Тақтаға жазылатын сөздер: алдық, жудым, сүрттім, сырлады..

3. Сағат неше?

Сөздік диктант: сөздерді аудар.

уақыт
биыл
қазір
тәулік
неге?
күндізгі
түнгі
апта
қашан?
кеше
бүгін
ертең
сағат
дүйсенбі
сейсенбі
сәрсенбі
бейсенбі
жұма
сенбі
жексенбі
ай
жыл
таңертеңгі тамақ
түскі тамақ
кешкі тамақ
ұйқы
ұйықтау
қол сағат
ұзын
қысқа
жылдам
жай
өте жай
жылжиды

Диктант.

Сағат.

Атам маған қол сағат сатып әперді. Енді мен сабақтан қалмаймын. Сағаттың түрлері көп болады. Мысалы: қалта сағат, қабырға сағаты, құм сағат. Сағаттарды алтыннан, күмістен, түрлі тастардан жасайды. Сағаттар машинаның , ұшақтардың, поезбен компьютердің ішінде де болады. (35 сөз).

Сағат деген сөзді тәуелде.

Тест.

Тақырып: Сағат неше?

1. Бір тәулікте жиырма төрт --------- бар.

1. ай

2. күн

3. сағат

2. Дүйсенбі аптаның --------- күні.

1. бірінші

2. үшінші

3. нешінші

3. Бір аптада ---------- күн бар.

1. төрт

2. жиырма

3. жеті

4. Бір айда ---------- апта бар.

1. күн

2. сенбі

3. төрт

5.Бір сағатта -------- минут бар.

1. отыз

2. алпыс

3. қырық

6.Ағам -------- сағатын сатып алды.

1. еден

2. терезе

3. қабырға

7. Қазір сағат ---------.

1. екі

2. алтыға

3. үште

8. Мектептен сағат ---------- келемін.

1. екіде

2. жарым

3. он

9. Бір жылда он екі --------- бар.

1. ай

2. апта

3. жыл

10. Бір жылда ---------- мезгіл бар.

1. төрт

2. жеті

3. жыл

Жауабы:

1	2	3	4	5	6	7	8	9	10
с	а	с	с	в	с	а	а	а	а

Оқылым тексеру. Мәтінді түсініп оқы. Сұрақтарға жауап бер.

Мынау – қол сағаты. Сағатта бірден он екіге дейін сандар бар. Сағаттың үш тілі бар. Ұзын тілі минутты көрсетеді, бұл минут тілі. Қысқа тілі сағатты көрсетеді, бұл - сағат тілі. Үшінші тіл – секунд тіл.

Секунд тілі жылдам жылжиды. Ал сағат тілі өте жай жылжиды.

Сұрақтарға жауап беріңдер.

1. Сағатта қандай сандар бар ?

2. Сағаттың неше тілі бар ?

3. Сағаттың ұзын тілі нені көрсетеді?

4. Сағаттың қысқа тілі нені көрсетеді?

5. 3 тілі нені көрсетеді?

6. Секунд тілі қалай жылжиды?

7. Минут тілі қалай жылжиды?

8. Сағат тілі қалай жылжиды?

Айтылым тексеру. Мазмұндама.

Сағат.

Менің атым – Сағат. Үш тілім бар: ұзын тілім – минутты, қысқа тілім – сағатты, ал жіңішке тілім секундты қөрсетеді. Біздің үйде әр түрлі сағаттар бар. Қабырғада қабырға сағаты ілулі тұр. Атамның қалта сағаты бар. Әкемнің қол сағаты бар. 1 минутта 60 секунд , 1 сағатта 60 минут бар.

Жоспар.

1. Сағат.

2. Үш тіл.

3. Әр түрлі сағаттар.

4. 1 минут, 1 сағат.

Тақтаға жазылатын сөздер: ұзын, қысқа, жіңішке, әр түрлі, ілулі тұр, алпыс.

4.Мен азық – түлік дүкеніне барамын.

Сөздік диктант: сөздерді аудар

Керек
Қажет
Үш рет
Сүт тағамдары
Ет тағамдары
Қымыз
Шұбат
құрт
Әзірленеді
Азық – түлік
Тамақ, ас
Тағамдар
Көкөністер
Сатушы
Сатып алушы
Май
Ірімшік
Сүт
Тұз
Нан
Қант
Айран
Қаймақ
Шұжық

Диктант.

Адамға азық – түлік өте қажет. Адам күніне үш рет тамақтанады. Азық – түлікте адамға қажетті витаминдер бар. Азық – түлік әр түрлі. Олар – сүт тағамдары, ет тағамдары, жемістер, жидектер, көкөністер. Азық - түлік дүкенде және базарда сатылады. (35 сөз)

Тамақ деген сөзге фонетикалық талдау жаса.

Тест.

Тақырып: Азық – түлік.

1. Сүт қандай?

1. ақ

2. қызыл

3. сары

2. Азық – түлікті белгіле

1. қарындаш

2. сүт

3. дәптер

3. Май, айран, ірімшік- ------------

1. ұн тағамдары

2. сүт тағамдары

3. ет тағамдары

4. Аспаз --------- әзірлейді.

1. тамақ

2. ыдыс

3. сабақ

5. Ас атасы - ---------

1. сүт

2. ет

3. нан

6. Азық – түлік сөзінің аудармасын тап.

1. обувной

2. мебельный

3. продуктовый

7. Еттен көп тағамдар - ---------.

1. жатады

2. біледі

3. әзірленеді

8. Апам картоп ------ пияз тазалады.

1. бен

2. пен

3. мен

9. Нан мен май ---------.

1. іштім

2. оқыдым

3. жедім

10. Шешем дүкеннен азық – түлік-----------.

1. ойнады

2. ішті

3. сатып алды

Жауабы:

1	2	3	4	5	6	7	8	9	10
а	в	в	а	с	с	с	в	с	с

Оқылым тексеру.

Сүт тағамдары. Мәтінді түсініп оқы.

Сүт тағамдары – айран, қымыз, шұбат, ірімшік, қаймақ, май, құрт, т.б. Сүт тағамдары дүкенде және базарда сатылады. Сүттен көп тағам әзірленеді. Сүт пайдалы тағам.

Мәтінге сұрақтар құрастыр.

1. ------------------------------------------------------------------------------

2.-------------------------------------------------------------------------------

3.-------------------------------------------------------------------------------

4.--------------------------------------------------------------------------------

Айтылым тексеру. Мазмұндама.

Әжем мен Бота дүкенге барды. Олар нан, май, қант, шай, торт сатып алды. Атам базардан алма, алмұрт, пияз, қияр, қызанақ сатып әкелді. Шешем тамақ дайындады. Тамақ дәмді болды.

Жоспар.

1. Дүкенге барды.

2. Сатып алды.

3. Тамақ дайындады.

4. Дәмді болды.

Тақтаға жазылатын сөздер: Бота, қызанақ, қияр.

ПАЙДАЛАНҒАН ӘДЕБИЕТТЕР ТІЗІМІ:

1. А.Қайырбекова. Алматы «Атамұра» 2010 ж .3сынып

2. Т.Ермекова. Алматыкітап баспасы 2010ж. 3сынып

3. А. Қайырбекова. Алматы «Атамұра» 2013ж. Тест жинағы

Бұл бақылау жұмыстарының түрлері: Сөздік диктант (аударма диктант),

Диктант, Мазмұндама, Оқылым тексеру тарауынан тұрады.

І. Әлеуметтік – тұрмыстық ая.

1. Мен және менің отбасым. Отбасы мүшелерінің жұмыстары.

2. Мен бөлмемді жинаймын.

3. Сағат неше?

4.Мен азық – түлік дүкеніне барамын.

осы бөлімдерден тұрады. Қазақ тілінен жүргізілетін жазба жұмыстарының түрлері әр тарауда сараланып, оларды тиімді жүргізуге қолданылатын әдіс-тәсілдер қарастырылады. Жазба жұмыстарға қойылатын талаптар, мәтін көлемі және жазба жұмыстардың мақсаты ашылып отырылады. Бұл - мектеп қабырғасындағы 3 сынып оқушыларына және мектеп ұстаздарына қажет құрал.

Сөздік диктанты

Сөздік диктанты сабақтың кез келген уақытында жазылады. Оған оқушылардың жыл бойы меңгеруге тиісті термин сөздері, омоним, антоним сөздері және жазылуы қиын сөздер алынады. Текстің көлемі 5-10 сөзден аспауы керек. Сөздік диктантын көру, өздік диктанттары ретінде де, мұғалімнің ауызша айтуы бойынша да жаздыруға болады. Ол мұғалімнің еркінде.

Бақылау диктанты

Бұл диктант айына бір не әрбір үлкен тақырып, тараудан кейін немесе тоқсанның соңында өткізіледі. Бақылау диктанттары оқушылардың бұрын өтілген материалдарды қандай дәрежеде меңгергенін және сауаттылық деңгейін анықтау мақсатымен жүргізіледі.

Оқылым тексеру

Оқылым тексерудің бірнеше нұсқасы беріледі. Оқылымда арналып мәтін беріледі және сол мәтінге бірнеше сұрақтар қойылады. Оқушылар сол сұрақтардың дұрыс нұсқасын таңдауы керек. Келесі нұсқада оқушылар мәтіннің ішінен дұрыс,бұрыстығын анықтайды.

Тест