"Білімді мыңды жығар"

Сабақтың   тақырыбы:    Білімді мыңды жығар.

Сабақтың   мақсаты:  Оқушылардың  пәндер  бойынша  тапқырлық,  алғырлық,  зейін  қабілеттерін  көрсету. Ұтымды, ұшқыр  ойлап, тез  жауап  беру  дағдыларын  калыптастыру.

Сабақтың  көрнекілігі : интербелсенді  тақта.

Сабақтың  барысы:  Ұйымдастыру. Топқа бөлу.

1-топ: Зейін         2-топ:Талап          3-топ: Жігер

Сайыс  ойынымыз   бес   кезеңнен  тұрады.

I   кезең – «Ұшқыр ой»

II кезең  - «Тапқыр  болсаң,  талас  жоқ».

IIIкезең  -«Самға,  қанаттарың  талмасын».

IV  кезең - «Өрле,  жаманшылық  көрме».

V кезең  - «Сөз   өрім».

1-кезең «Ұшқыр  ой»  Топ жетекшілері 10 сұраққа   60секунд ішінде жауап береді.   Қай жетекші көп жауап берсе, ойынды сол топ бастайды.

1. Зат есім дегеніміз не?       Сын есім дегеніміз не?              Етістік дегеніміз не?

2. Жыл басы не?                    Қой бағатын адам кім?              Үш биді ата?

3. Судың қасиеттерін ата?    Бізді өсіріп, баптаған кім?         1айда неше күн бар?    

4. Басты байлық не?              Аққу сөзінде неше әріп бар?     1см-да ? мм бар?

5. Абайдың шын аты кім?    1 ғасырда неше жыл бар?           Білім сөзінде неше әріп бар?

6. 1сағ=?  мин                        Абайдың анасының есімі?         Ай сөзіндегі соңғы дыбыс?

7. Периметрді қалай табамыз?     Бүгін қай күн?                     Бір жылда неше ай бар?

8. 1-маусым қандай мереке?   «Үш бақытым» өлеңінің авторы?   Абылайханның шын аты?

9. Отансыз адам-..               Шебердің қолы ортақ-.                 Ашу дұшпан -.

10. 1 айда неше күн бар?      Үшбұрыштың неше төбесі бар?    Құрғақ тас қайда болмайды?              

Сонымен  II  кезең - «Тапқыр  болсаң,  талас  жоқ». Ұяшықтарды таңдау.  

Математика. 10, 20, 30, 40. 

1 ғасырда қанша  жыл бар?  (100 жыл)

2.   Үстел үстінде 5 майшам жанып тұр еді. Еркін оның 4-еуін өшіріп тастады.  Үстел үстінде неше майшам қалды? (5)       

3.   2 тәулікте  - ? сағ. (48 сағ).

4.   Қорапта 2 қызыл қарындаш   және сонша көк және жасыл қарындаштар бар.  Қорапта барлығы қанша қарындаш бар? (6)

Қазақ  тілі. 10, 20, 30, 40.

1. Қай кезде «у»  дыбысы  дауыссыз  болады? (Сөз басында дауыстыдан бұрын және дауыстыдан соң соң келген у дыбысы дауыссыз болады).

2. Қатаң  дауыссыздарды ата? (к, қ, п,с,т,ф,х һ,ч,ш,щ).

3. Сөйлем  және оның түрлерін ата ?(Сөйлем  аяқталған ойды білдіреді. Сөйлемнің үш түрі бар:хабарлы сөйлем, сұраулы сөйлем, лепті сөйлем.

4. Мәтін дегеніміз не? (Мағына жағынан  өзара байланысып тұрған екі немесе одан да көп сөйлемдер. Хабарлау, сипаттау, пайымдау).

Ана  тілі. 10, 20, 30, 40. 

1. Тұңғыш « Әліппе»  оқулығын  жазған  кім? (Ахмет Байтұрсынов)

2. А. Құнанбаевтың «Ғылым таппай мақтанба» өлеңіндегі   бес жаман істі ата? (өсек, өтірік, еріншек, мақтаншақ, мал шашпақ).

3. Абайдың қандай өлеңдерін  білесің?  (жатқа айту)

4. Қазақстан  Республикасының Мемлекеттік  Әнұранының  авторы кім? (Сөзі  Ж. Нәжімеденов, Н. Назарбаев.  Әні Ш. Қалдаяқов).

Дүниетану. 10, 20, 30, 40.

1. Табиғат нешеге бөлінеді? (2) 

2. Өсімдіктердің неше тобы бар? (3)

3. Сезім  мүшелеріне  нелер  жатады?

4. Табиғатты  адам  қалай  зерделейді?

III  кезең -  «Самға,  қанаттарың  талмасын».   Әр топқа  әр    түрлі  тақырыпқа  сұрақтар  беріледі. Кім  бірінші  болып   қолындағы  белгішені  көтерсе, сол  бірінші  болып  жауап  береді.

1.Ертегілер  неше   топқа  бөлінеді? (Жан - жануарлар, қиял –

ғажайып, шыншыл)

2. Жуан дауысты дыбыстарды  ата? (а, о, ұ,ы)

3. Ұлы ақын Абайдың  әжесінің  аты  кім? (Зере)

4. Қыс айларын ата? (Желтоқсан,  қаңтар, ақпан)

5. Өмірдегі  болған  адамның  басындағы  оқиғаға  құрылған  әңгіме  қалай  аталады?(аңыз)

6. 8 – наурыз  қандай  мереке?

7. Бүгін  аптаның  нешінші  күні?

8. 3 дм-де  қанша  см?    ( 30см)

IV кезең  -  «Өрле,  жаманшылық  көрме».   Мақалды  аяқтау.  Мен  мақалдың  алғашқы  жолын  айтамын, сіздер  жалғасын  тауып,  алдарыңыздағы  қағазға  жаза  қоясыңдар.  Әрі  дұрыс, әрі  жылдам  жазуларыңыз керек.

1. Өнерлінің  қолы  алтын,(өлеңшінің   сөзі  алтын).

2. Көп  жасаған  білмейді, (көпті  көрген  біледі).

3. Өзге  елде  сұлтан  болғанша, (өз  еліңде  ұлтан  бол).

4. Ақыл  тозбайтын  тон, (білім  таусылмайтын  кен).

V  кезең - «Сөз  өрім».  1 минутта сөзден  сөз  тудыру.

Қарлығаш (қар, қара, қарлы,ар, ара,ағаш, шағыл)

VI. Қорытынды. Жеңімпаздарды  марапаттау. Жарыс соңынды  оқу ісі меңгерушісіне, тәрбие  ісі  меңгерушісіне  сөз  беру.