"Білімді мыңды жығар." сайыс сабағы

Бекітемін: Күні: 25.02.2017ж Класы: 4 «Ә»

Білімді мыңды жығар

(сайыс сабақ)

Сабақтың мақсаты:
а) білімділік: Оқушылардың білімге деген құштарлығын, білім деңгейін нығайтып, біліктілігі мен білімділігін дамыту
ә) дамытушылық: Оқушылардың логикалық ойлау қабілетін, дүниетанымын, қызығушылығын арттыру.
б) тәрбиелік: Оқушыларды шығармашылық ізденіске баули отырып, ұқыптылыққа, бірлікке, ынтымақтастыққа, шапшаңдыққа, белсенділікке тәрбиелеу.
Сабақтың түрі: Сайыс сабақ (дәстүрлі емес сабақ)
Сабақтың әдісі: Ойын элементтері
Сабақ барысы:
Ұйымдастыру кезеңі:

Оқушылармен сәлемдесіп, түгелдеу. Сабаққа назарын аудару.
Құрамында 6 оқушы болатын екі топ қатысады. Сыныптың ұлдары мен қыздары қатысады.

Психологиялық сәт: Әрбір сабақ - үйрену, ұғу, ұлағат.
Әрбір ісің - тірлік, тірек, адамдық.
Әрбір сөзің - шындық, бірлік, адамдық.
Кіріспе сөз: бүгін біз сіздермен «Білекті бірді жығар, Білімді мыңды жығар» атты интеллектуалды ойынын өткіземіз. Оқушылар әр түрлі түстерді таңдау арқылы екі топқа бөлініп отырады.

Қыздар тобы - «Гүлдер», ұлдар тобы - «Жігіттер». Сайыс 8 айналымнан тұрады.
I айналым: «Сәлем - сөздің анасы».

ІІ айналым: «Бәйге»
IIІ. айналым: «Тіл өнері»
IҮ айналым: «Мақал сөздің мәйегі»
Ү айналым: «Анаграмма»
ҮІ айналым: «Кім жылдам?»
ҮІІ айналым: «Ойлан тап»

ҮІІІ. «Қисынды ойлау»
ІХ айналым: «Ұшқыр ой»

Қорытынды.

I айналым: «Сәлем - сөздің анасы»
Бұл шартта сыныптың ұлдары мен қыздары екі топқа болініп, топтарының атын қорғап, сәлемдеседі. Әр топ мүшелері өз ұрандарын атап, өздерін таныстырып шығады.
«Жігіттер» тобы:

Армысыздар, ұлағатты ұстаздар,
Бармысыздар, жігерлі дос, құрбылар!
Қарсыласым, сәлем бердік бәріңе,
Бас иеміз сәлем беріп иіле!
Біз дайынбыз жарысуға достарым,
Көрсетеміз бізде қандай күш барын.
Біздің тобымыздың ұраны: «Білімдіге - дүние жарық, білімсіздің күні - кәріп».

«Гүлдер» тобы:

Бір сыныпта оқимыз бәріміз де.
Достық сөзі әрқашан дәрі бізге.
Жарысуға сендермен келіп тұрмыз,
Мына жұрттың таңырқасын бәрі бізге.
Біздің тобымыздың ұраны: «Оқу - білім бұлағы, білім - өмір шырағы»

 ІІ. «Бәйге»

                                     «Жігіттер» тобы

1. Футболда бір командада неше адам болады?

2.  Құсбегі деген кім?

3. Суда жұбын жазбай жүретін құс?

4.Ұлы Отан соғысы қай жылдары аралығында болды?

5.Ұлы Отан соғысына қатысқан қазақтың батыр қыздарын ата?

6.  I ғасырда қанша жыл ?

«Гүлдер» тобы

7.  Басты байлық- не?

8.  Қимыл іс-әрекетті білдіретін сөз табын ата?

9.  Жұмадан кейінгі күн қалай аталады ?

10.  Кітап сөзінің орысша мағынасы қандай?

11.  Қылыштан   өткір не?

12. Біздің дініміз қалай аталады?

ІІІ.   «Тіл өнері»

«Гүлдер» тобы

1.  Жол үстінде қу қазық,

     Мергеншіге сол азық.

                                             Қоян-заяц.

2.  Қанатым бар ұшпаймын,

     Көл астында қыстаймын

  Балық - рыба

3. Алыстан қарасам аппақ,

    Татып қарасам тәтті-ақ.

                                             Қант-сахар.

4. Бұдан кір қорқады,

    Судан бұл қорқады.

                                         Сабын-мыло.  

«Жігіттер» тобы

5.  Көкпеңбек еді көктемде,

     Қызарады күзге жеткенде.

                                              Алма-яблоко.

6.  Білімнен мол сый-асы,

     Балғындардың ұясы.

                                          Мектеп-школа.   

7.Жеті қазынаның бірі

Адамды қорып жүретін досы

(ит - собака)

 8.Әр адамның шағын отаны

(отбасы – семья)

IҮ. Айналым: «Мақал - сөздің мәйегі»
«Жалғасын тап” .

«Гүлдер» тобы

1.Сөздің көркі-мақал (Жүздің көркі-сақал)

2.Өз үйім... (өлең төсегім)

3.Балапан ұядан не көрсе...(ұшқанда соны іледі)

4.Сөзің тәтті болсын...(ашуың қатты болсын)

5.Жақсы байкап сөйлер...(жаман кісі шайкап сөйлер)

6.Ананың көңілі балада...(баланың көңілі далада)

7.Батыр туса ел ырысы...(жаңбыр жауса жер ырысы)

«Жігіттер» тобы

1.Балалы үйдің...(ұрлығы жатпас)

2.Оқу- білім бұлағы...(білім-өмір шырағы)

3.Тіл тас жарады...(Тас жармаса ,бас жарады)

4.Ашу-дұшпан, ақыл дос..(Ақылына ақыл қос)

5.Тіліңмен жүгірме,..)Біліммен жүгір)

6.Ұста пышаққа жарымас..(етікші етікке жарымас)

7.Сөзде қаңқу жаман...(ауруда шаншу жаман)

Ү айналым: «Анаграмма»
Бұл айналымның шарты бойынша оқушылар адасқан әріптерді дұрыс жазу керек.
«Гүлдер» тобы

1.Кесіб - бесік
2.Иот - той
3.Арыбмод - домбыра
4.Саж - жас
5.Анызақ - қазына

«Жігіттер» тобы

1.Екерем - мереке
2.Ысабот - отбасы
3.Сытай - айтыс
4.Келйокит - иткөйлек 
5.Зыбоқ - қобыз

ҮІ айналым: «Кім жылдам?» шарты: берілген сұрақтарға жылдам жауап бер:

«Гүлдер» тобы:
1.Қымыз - түйенің сүті ме?
2.Қыз қуу - қазақтың ұлттық ойыны ма?
3.Наурыз жаз айында басталады ма?
4.Абай - қазақ халқының ұлы ақыны ма?
5.Қазақстанның Астанасы - Алматы қаласы ма?

«Жігіттер» тобы
1.Қуырдақ қазақтың ұлттық тағамы ма?
2.Абай жолы романын С. Сейфуллин жазды ма?
3.Сәукеле қазақтың ұлттық бас киімі ма?
4.Роза Рымбаева - Ресей әншісі ме?
5.Қазақстан АҚШ-пен шектеседі ме?

ҮІІ айналым: «Ойлан тап»
Бүл шартта оқушылар логикалық сұрақтарға жауап береді.
1. 1т мақта ауыр ма, 1т темір ауыр ма? ( тең)
1. Үш түйеқұс ұшып келеді, аңшылар біреуін атып алды. Қаншасы қалды? ( түйеқұс ұшпайды)
2. Сегізінші наурыз күні 2 шеше мен 2 қызына, әжей мен немересіне 3 орамал сыйға тартылды. Сонда қанша адамға орамал сыйға тартылды? (3 адам)
2. Көп үйрек ұшып келеді, екеуі артында, біреуі алдында, екеуі екі жағында, біреуі ортасында, екеуі артында, біреуі алдында. Барлығы қанша үйрек? (3 үйрек)
3. Егер «М»-дан бастасаң,
Тағамның бір түрімін.
«М»- ны алып тастасаң,
Түнгі аспанның нұрымын (Май - ай)
3. «К» - ден бастап оқысаң Құс атауы, қарашы!
«Е»- ден бастап оқысаң,
Жалқау бала бағасы. (кекілік - екілік)
4. Жұмулы көзбен нені көруге болады? (түс)
4. Әженің Мирас атты немересі, Ақтөс деген иті және мысығы бар. Әженің неше немересі бар? (1 немересі бар)
5. Теңізде қандай тастар болмайды? (құрғақ)
5. Төрт аққайың өсіп тұр. Әр қайыңның төрт бұтағы бар, әр бұтақтың төрт сабағы бар. Әр сабақта төрт алма өсіп тұр. Сонда қанша алма бар? (Аққайыңда алма өспейді)
6. 31 - ші ақпан күні не болады? (31 - ші ақпан болмайды)
6. Тамақ пісірер алдында қазанға ең бірінші не салады? (көз)

ҮІІІ.              « Қисынды ойлау  »

«Гүлдер» тобы

   1.  Екі құлағы екі езуіне жетті

                       Қуану

      2.Су жүрек

                Қорқақ

       3.Тайға таңба басқандай

                         Дәл, анық

       4.Қас пен көздің арасында

                    Тез, жылдам

«Жігіттер» тобы

      1.Сүт пісірім уақыт

                    Жылдамырақ

     2.Құлақ түрді

               Тыңдады

     3.Төбе шашы тік тұрды

                          Қорқу

     4.Ит өлген жер

                    Алыс

ІХ. айналым «Ұшқыр ой».
Берілген бір сөзден бірнеше сөз ойлап табуларың керек.
«Гүлдер» тобы: Атамекен.
«Жігіттер» тобы: Болашақ.
Өте жақсы, балалар, біздің әр сайысымызды әділқазылар бағалап отыр, нәтижесін соңында айтады.

Қорытынды Алған фишкалары есептеліп, жеңімпаз топтар марапатталады.