Қазақстан картасы

Қазақстан Республикасы,

Ақтөбе облысы, Ойыл ауданы,

«Екпетал мектеп балабақшасы»

«Шың» баспаханасы ұйымдастырып жатқан «Ең үздік сабақ» жобасына жарияланатын сабақ үлгісі

Р/с	Тақырыбы	Класы	Уақыты	Пән мұғалімі
1	Тасымал. Қазақстан картасы. Мақал	1	3 бет слайд	Туркестанова Кулпаршын Болатовна

Жұмыс тел:87133272147

Ұялы тел:87786665875

Сабақтың тақырыбы:Тасымал. Қазақстан картасы. Мақал.

Сабақтың мақсаты:

А) Оқушылардың тасымал туралы түсініктерін, білімдерін кеңейту. Е.Өтетілеуовтың «Қазақстан картасы» өлеңімен таныстыру. Мақал жаттау. Ә) Есте сақтау, ойлау, өз ойларын жеткізе білу қабілеттерін дамыту. Сөздік қорларын молайту.

Б)Тазалыққа, ұқыптылыққа, елін сүюге тәрбиелеу

Сабақтың түрі: Аралас сабақ

Сабақта пайдаланатын көрнекті-құралдар:Қазақстан картасы, кесте

Пайдаланатын әдіс-тәсілдер:Сұрақ-жауап, әңгімелеу

Пәнаралық байланыс: Дүниетану

Сабақтың барысы:

І.Бағдарлау – мотивациялық кезең.

ІІ.Операциялық – орындаушылық кезең.

ІІІ.Рефлексиялық – бағалау кезеңі .

І.Бағдарлау кезеңі: Оқушылармен сәлемдесу, түгелдеу, класс бөлмесінің тазалығына көңіл бөлу, сабаққа дайындау.

«1» дегенім-жаман баға

Алады оны жаман бала

«2» дегенім нашар баға

Шәкірттерім нашарлама

«3» дегенім орта баға

Алады оны орта ғана

«4» дегенім жақсы баға

Алады оны жақсы бала

«5» дегенім үздік баға

Оқитын бол үздік қана!

Үй тапсырмасын сұрау:1.73-жаттығуды орындағандарын тексеру.

2. «Қазақстан- Республикам менің» өлеңін мәнерлеп оқу.

3.Ережелер сұрау

ІІ.Орындаушылық кезеңі:Тест жұмысы арқылы сабақтан алған білімдерін жан-жақты тексеру.

1.Сөз неден тұрады?

А) Сөздерден

Ә) Дыбыстардан

Б) Дауысты дыбыстардан

2.Сөйлем неден құралады?

А) Дыбыстардан

Ә) Сөздерден

Б) Әріптерден

3.Қандай дыбыс буын құрайды?

А) Дауыссыз дыбыстар

Ә) Дауысты дыбыстар

Б) Жуан дауыстылар

4.Тасымал дегеніміз не?

А) Сөздерді буынға бөлу

Ә) Сөздерге дыбыстық талдау жасау

Б) Жазу жолына сыймаған сөзді буынға бөліп, келесі жолға жазу

5.Қазақстан рәміздеріне нелер жатады?

А) Әнұран,елтаңба,ту

Ә) Ана тіліміз, оқулықтарымыз

Б) Туған жеріміз, еліміз, көліміз

Мақсат қою: Біз бүгін «Қазақстан картасы» өлеңімен танысып, Ермек Өтетілеу туралы мағлұмат аламыз. Тасымал туралы түсінікті кеңейту мақсатында жаттығу жұмыстарын орындаймыз.

Жаңа сабақ: «Қазақстан картасы» өлеңі. Тасымал.

• Мұғалімнің кіріспе сөзі: -Біз қайда тұрамыз?

• Балалар, біз бүгін «Қазақстан картасы» өлеңімен танысамыз.

Бұл өлеңнің авторы Ермек Өтетілеу

Ермек Өтетілеуов (1938-2006)-1 қаңтарда Ақмола қаласында туған.Қазақ педагогикалық институты филология факультетінің орыс тілі мен әдебиеті бөлімін бітірген.1962-1964жж.Целиноград (қазіргі Ақмола)облысы,Қорғалжың аудандық газетінде қызмет істеген.1964-1974жылдары республикалық “Балдырған”журналында,1974-1976жж. “Жалын”баспасында аға редактор,бөлім меңгерушісі болып істеді.
Шығармашылығы
Ақынның алғашқы өлеңдері алпысыншы жылдары жарық көре бастады.Жекеленген әңгіме,өлеңдері орыс,болгар,украин,грузин,армян,азербайжан,татар,
тілдеріне аударған.Біраз өлеңдері балаларға арналған басылымдарға,қазақ мектебінің оқулықтарына енген.Қазақ тілінде оның аудармасында балаларға арналған әңгімелері,өлеңдері жарық көрді.

• Карта дегеніміз –жер бетінің бірнеше есе кішірейтіліп түсірілген сұлбасы

• Қазақстанның облыстары туралы қысқаша түсінік беру

• Оқулықпен жұмыс. Өлеңді тізбектей оқыту.

• Сергіту сәті: «Гүлжазира Қазақстан» әнін орындау

• Дәптермен жұмыс.

Тасымал туралы түсінгендерін сұрай келе жаттығулар орындату.

74-жаттығу Сөздерді оқыту, й әрпінен басталған буындарды тапқызу. Сөз бөлігін и әрпінен бастап тасымалдау. Жа-йылым, тү-йе, қа-йық, сү-йек, ме-йірімді Әдеби мәтін тапсырмасымен жұмыс жүргізу. Ермек Өтетілеу туралы мағлұмат бере келе «Қазақстан картасы» өлеңімен таныстыру. Өлеңді оқып беру, түсіндіру. Картадан қалаларды көрсету. Өлеңді мәнерлеп кезекпен оқыту. Жер аттарын дәптерлеріне жаздырып, естеріне сақтату. Өздерінің облыстары туралы әңгімелету. Ж.Жабаевтың «Елім менің жерге бай, Айдынды шалқар көлге бай» мазмұнының мағнасын түсіндіріп, жаттату.

Жаңа материалды пысықтау: Тапсырмаларды орындату арқылы жаңа материал бойынша материалдарды меңгергендерін тексеру.

Қайың, шаңырақ, сүйек, қанат

(сөздерді буынға бөліп жазу)

ІІІ.Бағалау кезеңі:

Сәйкестендіру тестісі

Жуан дауыстылар ә,ө,і,ү,е,и

Әріпі айтамыз, естиміз

Жіңішке дауыстылар а,о,ы,ұ

Қазақ алфавитінде сонша буын болады

Сөзде қанша дауысты

Дыбыс болса, 42 әріп бар

Мақал айту

1.Туған жер –тұғырың, туған ел-қыдырың.

2.Бақа-көлін сүйеді,

Бұлдырық-шөлін сүйеді,

Ер жігіт- елін сүйеді.

Үйге тапсырма, бағалау:1. «Қазақстан картасы» өлеңін мәнерлеп оқу. 2.75-жаттығу. 3.Өлеңдегі жер аттарын жаттау.

« Отан деген-атамекен,

Отан деген –туған жер.

Отан –ана,

Отан-үлкен

Қазақстан-туған ел» -дей отырып, сабақты аяқтау.