Тақырыбы: "Менің елім- Қазақстаным"
Мақсаты: Балаларға Отанымыз жайлы, Қазақстан Республикасының мемлекеттік рәміздері,тәуелсіздік туралы қарапайым ұғым бере отырып, Қазақстан картасы,қалалары,ұлты,ана-тілі жайлы қалыптастыру.Туған жер, туған ел туралы ой-өрісін дамыту.Өз Отанның танып-білуге,жақсы көруге,өз халқын ана-тілін құрметтеуге,рәміздерді қастерлеуге тәрбиелеу.
Көрнекі-құралдар.Қазақстан картасы,қазақтың ұлттық киімдері немесе суреті,Қазақстан мемлекетінің рәміздері,ойынға керекті заттар.
Әдіс-тәсілдер: суреттеу,сұрақ-жауап,көрсету,түсіндіру,өлең оқу,әңгімелесу.
Жылулық шеңбері.
Армысын,шуақты!
Армысын,көгілді аспан!
Армысын,Жер Ана!
Қуанайық,шаттанайық бәріміз!
Күліп шықты күн бүгін.
-Балалар, біз бүгінгі сабақты сүйікті Отанымыз Қазақстанға арнаймыз. Ол үшін кең байтақ республикамызға пойызбен сапарға шығамыз.Сендер пойыздын қайда баратынын білесіңдер ме? Ол"Қазақстан" деген мерекелік пойыз екен. Оның ішінде тақпақ,әнде, ойында болады.Пойызда "Жолсерік" деген қызметкер бар.Ол жолаушыларға қызмет көрсетеді.Мен бүгін сендерге жолсерікпін.Бүкіл елімізді аралағанда бірнеше бекетке тоқтаймыз.Әр бекетте тапсырмалар болады.Сол тапсырмаларды орындағанда ғана келесі бекетке жолға шығамыз. Дайынбыз ба?
1-бекет "Отан"деп аталады.
-Балалар біз қай мемлекетте тұрамыз?
-Біз тұратын мемлекеттің аты қалай аталады?(Балалардың жауабы)
-Біздің республикамыз Қазақстан деп аталады.Біздің еліміздің өз мемлекеттік әнұраны,елтаңбасы және өзінің жалауы бар. Біздің ұлттық тіліміз-қазақ тілі.Республикамыздың президенті-Н.Ә.Назарбаев. Балалар,мынау біздің еліміздің туы.Тудан сендер ненің белгісін көріп тұрсыңдар?
-Күн,құс пен оюдың бейнесін көріп тұрмыз.
-Ия,өте жақсы,дұрыс айтасыңдар.
-Ал,енді,балалар,туымыздың түсі қандай екен, қараңдаршы?
-Көк,көгілдір түс.
-Неге ұқсайды?
-Аспанға ұқсайды.
-Яғни,біздің туымыздың түсі аспан түстес көк екен.
-Мынау біздің Қазақстан Республикасының елтаңбасы екен. Ал,балалар,нені көріп тұрсыңдар?
Сендерге не таныс? Қандай белгілер салынған екен.
-Шаңырақ,уық,ат деген белгілер.
-Ия.өте жақсы. Қазақстан Республикасының Әнұраны орындалады
2-бекет.Ана-тілі.Мақал-мәтелдер.
-Әр ұлттың өзінің тілі бар-ол ана тілі.Ана-тілі дегенде "ана","әке" ананың дауысы, өз үйіміз.Біз қазақпыз,қазақ тілі біздің ана тіліміз.
Ана тілім-ұраным,
Ана тілім-құралым,
Ана тілім болмаса.
Болмас еді жыр, әнім.
Мақал-мәтелдер.Балалар өз білген мақалдарын айтады.
- 1.Туған жердей жер болмас,
- Туған елдей ел болмас.
- 2.Отан оттанда ыстық.
- 3.Отан отбасынан басталады.
- 4.Туған жер-алтын бесік.
3-бекет. Сергіту сәті."Киіз үй"
Дөңгелене тұрайық,
Киіз үйді құрайық,
Кереге болып керіліп,
Уықтар боп иіліп,
Киіз үйді құрайық!
4-бекет.Қазақстан картасы, қалалары.-Қазақстан республикасы үлкен мемлекет.Біздің елімізде көптеген қалалар, ормандар, таулар, өзен-көлдер бар.Қазақстан картасына қарап бәрін көруге болады.Мысалы қалалары Астана,Алматы,Атырау т.б
1.Балалар еліміздің бас қаласы қандай қала? (Астана)
2.Астанада қандай биік, ғимарат бар? (Бәйтерек)
3.Тағы қандай қалаларды білесіңдер? (Ақтөбе, Алматы т.б)
5.бекет.Шығармашылық жұмыс.
Балалар өз қалауы бойынша сурет салу.Сабақтан алған әсерлерін берілген тапсырмалар арқылы жасап көрсетеді.(жалау, шуақты күн, ғимараттардың суреттерін салу)
Балалар жасаған жұмыстарына қысқаша талдау жасайды.
Қортынды.
-Міне,балалар бүгінгі сабақта барлық бекеттерден кідірмей өттік,сендердің жауаптарын,құрастырған жұмыстарын өте жақсы.Үлкен рахмет.Меніңелім, менің Отаным, Тәуелсіз Қазақстаным,-деген киелі ой жандарына әрдайым серік болсын!
