Ауа. Ауаның қасиеті.

Тақырып жоспары:

Еске түсіру. Адам өміріне қажетті жағдайлар

1.Ауа туралы ұғым.

2.Ауаның қасиеттері.

3.Ауа - тіршілік көзі.

Слайдтар:

1-слайд (титул)

2-слайд Сабақтың мақсаты

3-слайд Тақырып жоспары

4-слайд            Еске түсіру.             Қажеттіліктер

Бұлар аз ғана уақыт жоқ болса немесе жетіспесе, тірі ағзалар:                   адам, өсімдік, жануар қатты қиналады, өмір сүре алмайды.

5-слайд   1-тақырыпша.  Ауа туралы ұғым.

6-слайд                       Қажеттілік - ауа  

Мұрның мен аузыңды қолыңмен мықтап жап та іштей сана.

60-қа дейін санап үлгерер ме екенсің?

Не болды? Неге? Нені қажетсіндің?

Тұншыққанда – ауа қажет!

Адам ауасыз өте аз уақытқа шыдайды.

7-слайд                 Ауа туралы

        Ауа - барлық тіршілік дүниесінің тыныс алатын нәрсесі.

Онсыз бәрі тіршілігін жояр еді.

         Ауа кеңістігі бүкіл Жер бетін алып жатыр. Ауа бізді қоршап тұрады. Ауаны барлық заттың құрамынан табамыз.             

Жер шарын тегіс қоршайтын ауа қабаты атмосфера деп аталады.

8-слайд                                             Ауа туралы

       Жер бетіндегі ауаның қозғалысы жел деп аталады. Жел соққанда ағаштарды шайқайды, жапырақтарды түсіреді.                                                                     Адам ауаның соққанын сезеді.

9слайд         2-тақырыпша. Ауаның қасиеттері.

10-слайд                           Ауаның өзіндік қасиеттері бар

11-слайд          Ауаның қасиеті

         Біздің айналамызды ауа қоршап тұр. Біз оны көрмейміз, бірақ оны сеземіз. Егер бетіне парақ қағаз желпісең, ауаның соққанын сезінесің.

Демек ауа мөлдір және түссіз. 

12-слайд                       Ауаның қасиеті

Бос шыны сауытты түбін жоғары қаратып, суы бар ыдыстың ішіне төнкеріп, оны ыдыстың түбіне қарай басамыз. Не байқадың?

Шыны  сауыттың ішіне су кірмейді, онда ауа бар. Енді шыны сауытты бір жағына қарай қисайтамыз. Қандай өзгеріс болды?Неге?

Демек, ауа  орын алады және ол қандай ыдысқа құйылса, соның пішінін алады.

13-слайд                          Ауаның қасиеті

1.Екі май шамды үстел үстіне қойып, жағамыз.

2.Біреуінің  үстіне шыны ыдысты төңкереміз.

Не байқадық? 

Үстел үстіндегі май шам әбден таусылғанша жанады. Ал ыдыстың астындағы май шам біраздан  соң сөнеді. Себебі, ыдыстың ішіндегі ауа таусылды.

Демек, от жану үшін ауа керек.

14-слайд                      Ауаның қасиеті

Қоршап тұрған ауаны иіскеп көр.  Иіс жоқ.

Демек, таза ауада иіс болмайды

Біз кейде ауадан әртүрлі иістерді сеземіз.

Бұл тамақтың, гүлдің, иіс судың иістері болуы мүмкін.

15-слайд                   3 - тақырыпша.Ауа - тіршілік көзі.

16-слайд                     Ауа – тіршілік көзі.

Адам үнемі тыныс алады. Тыныс алу  үшін ауа қажет. Адам тамақсыз бірнеше апта, сусыз бірнеше күн, ал ауасыз бірнеше минутқа ғана шыдай алады. Сондықтан ауасыз тірі ағзалардың өмір сүруі мүмкін емес.

іі. лОГИКАЛЫҚ ТАПСЫРМАЛАР БЛОГЫ

Мына кестені толтыра отырып, сабақтың мазмұны бойынша қорытынды шығар.

Ауа ұғымы

Ауаның қасиеті.

Ауа - барлық тіршіліктің тыныс алатын нәрсесі. Ауа кеңістігі бүкіл Жер бетін алып жатыр.

Ауа кеңістігінің төменгі қабаты атмосфера деп аталады.

Мөлдір, түссіз, пішіні жоқ, таза ауада иіс болмайды, ауада от жақсы жанады.

Қорытынды:Ауа жер бетіндегі тіршілік көзі екенін түсініп, оның қасиеттерімен таныстым. Ауа мөлдір, түссіз, оның пішіні жоқ, таза ауада иіс болмайды. Ауасыз тірі ағзаның өмір сүруінің мүмкін еместігін білдім.

ііі. ЖАТТЫҚТЫРУ ЖӘНЕ БІЛІМДІ ЕСЕПКЕ АЛУ БЛОГЫ

 Деңгейлік тапсырмалар:

І деңгей тапсырмалары

1. Жұмбақты шеш.

Көзге көрінбес,

Қолға тоқтамас

Онсыз өмір сүрілмес.(Ауа)

1. Ауаның ең төменгі қабаты қалай аталады?

Атмосфера

1. Адам ауасыз қанша уақыт шыдайды?

Шамалы уақыт

1. Ауаның иісі бола ма?

Таза болса иісі жоқ

1. Айналадағы заттарды көруге ауа кедергі келтіреді ме?

Жоқ. Себебі ол түссіз

1. Ауаны қайдан табуға болады?

Барлық жерден

ІІ деңгей тапсырмалары

1. Оқулықтың 22 бетіндегі тәжірибе жұмысын жасап, не байқағаныңды және ауа туралы болжамыңды жаз.

______________________________________________________________________________________________________________________________________

ІІІ деңгей тапсырмалары

1. Доңғалағы тесілген велосипед неліктен  жүрмейді?

2.Жанып жатқан пештің астыңғы қақпағын толық жауып тастаса не болады?

Себебін ауаның қасиеттеріне байланысты түсіндір.

____________________________________________________________________________________________________________________________________________

іV. иНТЕЛЛЕКТУАЛДЫҚ ТРЕНИНГ БЛОГЫ

 Топтық жұмыс. Тәжірибе арқылы ауа қасиеттерін анықтап, олардың адам өміріндегі маңыздылығын түйіндеп, қорытынды шығар.

І   топ. Қажетті зат: оқулық.

 Оқулықтың бетіндегі суретті алақаныңмен жап. Не көресің? Әрине сен ештеңе көре алмадың. Алақаныңды көтер. Қазір сурет пен сенің аралығында тек ауа ғана бар. Оның арасынан сен суретті анық көресің.

Қорытынды жаса.

ІІ  топ.Қажетті заттар: түрлі-түсті мөлдір әйнек және ақ парақ.

Алдыңа ақ парақ қағазды жай. Оның түсі қандай? Параққа түрлі-түсті әйнек арқылы қара. Не байқадың? Егер түсті әйнекті алып қойсаң, сен қайтадан ақ қағазды көресің.

Қорытынды шығар.

ІІІ топ.Қажетті заттар: апельсин немесе иіссу.

Ауаны иіске. Не сездің? Сонан кейін иіссудың аузын аш немесе апельсиннің қабығын аршы. Ауаны иіскеп байқа. Не сездің? Неге ауаның иісі өзгерді?

V. КҮТІЛЕТІН НӘТИЖЕ БЛОГЫ

            Сабақтың мақсатына қалай қол жеткізгендігің туралы эссе жаз.

__________________________________________________________________________________________________________________________________________________________________________________________________________________