Мен ұнататын жыл мезгілі

Күні:

Сынып: 1

Сабақтың тақырыбы

Мен ұнататын жыл мезгілі. Дыбыс.

Осы сабақта қол жеткізілетін оқу мақсаттары (оқу бағдарламасына сілтеме)

2.5 Мәтін бойынша сұрақ қоя білу және жауап бере білу.

1.9 Сөздерді, дыбыстарды орфоэпиялық нормаларға сәйкес дұрыс айту.

1.3 Тыңдалған материалды мазмұндау.

2.5 Мәтін бойынша сұрақ қоя білу және жауап бере білу.

3.8 Каллиграфиялық, графикалық нормаларды сақтау.

Сабақтың мақсаттары

1.2.5.1 Мәтін иллюстрациясы бойынша сұрақтар қоя білу немесе қойылған сұраққа жауап беру (мұғалімнің көмегімен).

1.1.9.1 Сөздегі дыбыс түрлерін (дауысты, дауыссыз, жуан және жіңішке дауыстылар) ажырату және дұрыс дыбыстау

Жетістік критерийлері

Барлығы:Жыл мезгілі туралы біледі. Ай аттарын, маусымдардың ауысуын біледі, оларды ретімен айтады.

Көбі: Сөздерге дыбыстық талдау жасайды. Дауысты, дауыссыз дыбыстарды, жуан,жіңішке дауыстыларды ажыратады.

Кейбірі: Жыл мезгіліне байланысты суреттерді сәйкестендіреді.Әңгіме құрып, жыл мезгілінің неліктен ұнайтынын дәлелдейді.

Құндылықтарды дарыту

Табиғатқа қамқор болуға, оны аялауға тәрбиелеу.

Пәнаралық байланыс

Музыка, дүниетану, жаратылыстану

АКТ қолдану дағдылары

Аудиожазба ,үнтаспа, компьютер, интерактивтік тақта

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

Ынтымақтастық атмосферасын қалыптастыру

1 минут

Қызығушылықту ояту

3 минут

Шаттық шеңбері

Арайлап таң атты!

Алтын сәуле таратты!

Жарқырайды күніміз,

Жарқырайды даламыз.

• Балалар бүгінгі сабағымыз ерекше өтеді. Себебі қонаққа сиқыршы ханшайым келді. Оның бізге бірнеше тапсырмасы бар екен.

• Тақтаға сиқыршы ханшайымның суретін ілу.

• Балалар көзімізді бір сәтке жұмып, ханшайым еліне саяхатқа барайық.

Үнтаспадан табиғат дыбыстарын тыңдату.

• Балалар, бұл елден қандай дыбыстар естідіңдер? Айналамыздағы табиғат туралы не білесіңдер?

Жыл мезгілдеріне қарай 4 топқа бөлу (5 оқушыдан)

Шаттық шебері

Мағынаны тану

10 - минут

Ханшайымның 1 – ші тапсырмасын орындау «Сәйкестендір» әдісі бойынша үнтаспадан жыл мезгілін тыңдату, осы жыл мезгілі туралы айтқызу.

1. Қарды аяқпен басқан кезде шыққан дыбыс

2. Сарқыраған су дыбысы

3. Сарғайып, кепкен жапырақтар дыбысы

4. Шегіртке дыбыстаған дыбысы

• Қандай дыбыс арқылы осы жыл мезгілін ажыраттыңдар?

Әр топ бір-бірімен ақылдасып жауап береді.

Ханшайымның 2-ші тапсырмасы

«Кім жылдам ?» әдісі бойынша қар, өзен, жапырақ, шегіртке суреттерін көрсету. Осы сөздердегі дыбыстар санын анықтату. Әр топ өз мезгіліне байланысты сөзді таңдайды.

Дыбыстар санын домалақтар салу арқылы көрсетеді. Қағазға әр топтың оқушысы орындайды.

• Енді қай сөздер жуан немесе жіңішке айтылды?

Оқушылар анықтап айтады.

Сәйкес қорапқа осы сөздерді салады.

• Балалар ханшайымның бізге ескертуі бар екен.

Есіңде сақта!

Сөз дыбыстардан тұрады. Оны сызбамен былай белгілеуге болады.

Оқулықтан «Есіңе сақта!» мәліметін оқып беріп, талдау жасату

Сөздің дыбыстардан тұратынын, оны сызбамен белгілеу үлгісін мысалдар арқылы тақтада дәлелдеу жұмыстарын жасап көрсету

• Келесі ханшайымның тапсырмасы оқулықта .

Ханшайымның 3-ші тапсырмасы

Оқулықпен жұмыс

Суреттердегі жыл мезгілдерін ата. /интерактивті тақтаны қолдану

«Неліктен бұл мезгіл саған ұнайды?» сұрағының көмегімен оқушы өз ойын мезгілдің өзіне тән белгілерін санамалап атап айтып береді.

• Әр жыл мезгілдің астында сызба берілген.

• Бұл жыл мезгілінің атауына сәйкес дыбыс сызбасы

«Ойна да, ойла» әдісі бойынша әр топ өз мезгілінің атауындағы дауысты, дауыссыз дыбыстарды санап, анықтайды.

Үнтаспа

Жыл мезгілдерінің суреті

Суреттер жинағы

Интерактивті тақта

Сергіту сәті

1 минут

Өлең «Көңілді күн»

Қимыл жаттығулар жасайды.

Интерактивті тақта

Дәптермен жұмыс

4 минут

Бала қолының ұсақ бұлшық еттерін дамыту (бояу, сурет салу, түрлі бағытта сызықтар жүргізу, сұлбасын салу, элементтерді жазу) үшін мұғалім төменде берілген жазуға даярлау жұмыстарын басшылыққа алғаны дұрыс:

– дәптер бетіндегі суреттерді бояу;– әртүрлі (түзу, қисық, сынық) сызықтар сызу;– заттарды сызықтар арқылы қосу;– үзік сызықтарды бастырып жүргізу; әртүрлі сызықтар, ою-өрнек, таңбалар салу;– дәптер бетіндегі кеңістікті бағдарлау;– жазу жолдарымен (үлкен, кіші) таныстыру;– әріп элементтерімен таныстыру, оларды жазуға үйрету.

Жұмыс дәптері

Ой қорыту

10 минут

Ханшайымның 4-ші тапсырмасы

Әр топ «Топтастыр» әдісі бойынша оқулықта берілген екі жақтағы суреттерді сәйкестендіреді, қосымша топтастырады, яғни сол жыл мезгіліне байланысты басқа да суреттерді топтастырады.

Ханшайымның 5-ші тапсырмасы

Жұмбақ жасыру «Бұл қай кезде болады?»

Қар, мұз еріп,

Су көбейіп,

Жапырақ ашып,

Бәйшешектер басады

Айтыңдаршы балалар

Бұл қай кезед болады?

Күннің көзі шуақты

Балалар жүр шомылып,

Көбелек қуып ойнайтын

Қай мезгіл деп ойлайсың?

Жапырақтар сарғаяды

Күн бұлттанады

Жаңбыр жиі жауады

Құстар жылы жаққа ұшады

Айтыңдаршы балалар

Бұл қай кезде болады?

Шана зырғып, желетін

Шаңғы,коньки тебетін

Аққала жасап ойнайтын

Қай мезгіл деп ойлайсың?

Жыл мезгілдері туралы білімдерін бекіту.

Топ оқушылары плакатқа жыл мезгілінің суретін салады, бояйды. Жыл мезгілі туралы білімдерін бекітеді.

Стикерлер пайдаланып, әр түрлі суреттерді сәйкестендіреді

плакаттар

Сабақтың соңы

1 минут

Рефлексия

Смайликтер таңдау арқылы бүгінгі сабаққа өз көз-қарастарын білдіреді

Сабақ қызық өтті,мен барлығын түсіндім!

* *

ӨӨ

ӨӨ

---

ӨӨӨӨӨӨӨӨӨӨӨӨ

ӨӨӨӨӨӨӨ

Сабақ қызық өтті, бірақ сұрақтарым бар

Мен сабақты түсінбедім, маған көмек керек.

Смайликтер