Мерекелі,берекелі алтын к?з!

«Мерекелі ,берекелі алтын күз!» мерекесі

Мақсаты: 

Сынып оқушыларына күздің берекелі де, мерекелі екендігін түсіндіру,

Балаларды адамгершілікке, ынтымақтастыққа, еңбекқорлыққа баулу.

Көрнекілік: слайд, шарлар,банер.

1 - жүргізуші: Армысыздар, құрметті қонақтар! «Мерекелі, берекелі алтын күз» мерекесін бізбен бірге өткізуге қош келіпсіздер.

2 - жүргізуші:

Көбейді құт - береке,

Құтты болсын мереке,

Астық толы қоймамыз.

«Алтын күзді» тойламыз!

1 - жүргізуші:

Бүгін мейрам, бүгін той,

Қуаныш күн, біліп қой!

Күзгі бақтай сыңғырлап,

Алақанды соғып қой!

2 - жүргізуші:

Сыр беріп алтын күз келіп жетті,
Жылы жаққа құстар да ұшып кетті.
Күз болып жердің беті жайқалды - дей келе бүгінгі «Аяулы күз, алтын күз» сайысын бастауға рұқсат етіңіз.

1 - жүргізуші:

Жайдары күз, жарқын күз,

Аяулы күз, алтын күз

Дәнге толы кең дала,

Дариядай шалқар күз! – дей келе бүгінгі «Аяулы күз, алтын күз» сайысына қатысатын топтарды ортаға шақырайық. Қол соғып, хошеметпен қарсы алайық.

1- топ: ______________________

2- топ: ______________________

3- топ: ______________________

4- топ: ______________________

5- топ: ______________________

1 - жүргізуші:

Күз мейрамы құтты болсын баршаға,

Күздің сәні боп келіп қапты гүлдер ортаға.

Әділқазы алқалармен таныстырып,

Кетейінші осы отырған баршаңызға, -дей отырып құрметті көрермендер әділқазы алқаларымен таныстырып өтейін:

1 –

2 –

3 –

2 – жүргізуші:

- Бүгінгі сайысымыздың бағдарламасымен таныстырып өтейік:
1. «Біз біргеміз» /топ таныстыруы, кеуде тағар, ұраны, әні/
2. «Өнерлі өрге жүзер» /өнер сайысы/
3. «Білгенге-маржан» /сұрақ жауап/
4. «Күз көркі» /сән үлгісі, әр топтан 1 оқушы/
5. «Көрме» /үйден жасап әкелінген салат/

1-2 жүріргізушілер: Ал енді осымен сайысымызды бастаймыз.

Ән шашу: 4 «Г» сынып оқушысы Турусбекова Адия «Ән шашу»

1- жүргізуші:
І – бөлім: «Біз біргеміз» /топ таныстыруы, кеуде тағар, ұраны, әні/

Салқын тартып түз демі

Білдіреді күз нені?

Шым еткізер жүректі

Тырналардың тізбегі, - дей келе бірінші топты ортаға шаруға рұқсат етіңіздер!

________________________

2 – жүргізуші:

Ызғырықты жел өтіне

Шыдап баққан тербетіле.

Ағаш біткен шашып жатыр

Алтын теңге жер бетіне

Ортада екінші топ.

________________________

1- жүргізуші:
Тұратұғын құлап көктен,

Күн де салқын қыратты өпкен

Момақансып, сылдыр қақпай,

Жылтырайды бұлақ біткен.

Үшінші топты қошеметпен ортаға шақырайық.

________________________

2 – жүргізуші:

Құлақ түрсең аңдай қағып,

Күз кеткендей әнге айналып

Жел сынсытса, қобыз тартып

Қыр тыңдайды таңдай қағып

Төртінші топқа кезек берсек

________________________

1- жүргізуші:

Алма пісті бағымда

Пісті балдай қауын да

Жүзімдер тұр мөлдіреп, үзер шағың келді деп

Алтын дәнін сары дала

Құйып жатыр қамбаға

Күз еңкейе береді

Жер жемісін тереді – дей келе ортаға бесінші топты шақырайық.

________________________

Ән шашу: бір топ оқушылар «Қошақаным қайда екен.»

2 – жүргізуші:

Асыл тастан, өнер жастан,

Шығады деп дарынды.

Халық айтса, қалт айтпас,

Әрқашанда нанымды

Сол шындықты күнделікті,

Көріп жүрміз өмірден

Өнерімен танысайық,

Тілекші боп көңілден – деп, ІІ бөліміміз «Өнерлі өрге жүзер» /өнер сайысы/

1- топ: ______________________

2- топ: ______________________

3- топ: ______________________

4- топ: ______________________

5- топ: ______________________

Өзбек биі: Сұпығали Гүлназар

1 - жүргізуші:

Білім аққан сел дейді,

Бірақ оңай келмейді.

Ала білсең білім көп,

Ақыл ойға кел дейді

Білім ой мен арымыз,

Рухани ол нәріміз

Сайыскерлер сіздерге,

Қол соғамыз бәріміз! – ІІІ бөлім «Білгенге-маржан» /сұрақ жауап/

/Музыка қосып топтарды ортаға шығару/

1- топ: ______________________

2- топ: ______________________

3- топ: ______________________

4- топ: ______________________

5- топ: ______________________

Ән шашу:

2 - жүргізуші:

Бүгінгі кеш өтіп жатыр өз мәнімен,

Әр бала әсем болар өз жанымен

Өз қолынан шығарған киім үлгісін

Сіздерге көрсетеді өз сәнімен – ІҮ бөлім «Күз көркі» /сән үлгісі, әр топтан 1 оқушы/

1- топ: ______________________

2- топ: ______________________

3- топ: ______________________

4- топ: ______________________

5- топ: ______________________

1 - жүргізуші:

Күзгі жеміс - жидектен

Жасаған тамақ тұр міне
Мұрныңды жара есіктен
Неткен дәмді тағам ең! - деп, «Күзгі дастархан» көрмесі.

- Әділқазылар алқасы әр топ жасаған салаттарды бағалайды.

2 - жүргізуші:

- Міне, біз бүгін көптен бері ізденіп, тынбай дайындалған «Алтын күз» мерекесіне байланысты өтіп жатқан «Алтын күз» сайысын анықтайтын уақыт жетті. Әділқазылар алқасы сайыстың қорытындысын шығарғанша «Көңілді күн» әнін тамашалайық.

1 - жүргізуші:

Әділ қазы алқасы,
Берсін әділ бағасын - деп сөзді әділ қазылар алқасына сөз кезегін береміз.

/Мадақтау/

2 - жүргізуші:

Білім - теңіз, мектепті кеме дейміз,

Білім мен тәрбие егіз неге дейміз,

Әдемі мен тәлімі үндесетін,

Жастарды болашаққа жетелейміз.

Жеңістер мен жеңілістен тұратын

Өмір-күрес, жеткізе ме мұратын.

Жеңбедім деп, жеңілдім деп ренжімегің,

Қатысу да бір жеңіс, жан болсаң сен ұғатын.

Қош демейміз, әлі талай сайыстар бар

Өнерлерің өрлей берсін, қайыспаңдар,

Ойлы орта кеңейсін күннен-күнге

Өскен елдің жұртынан қалыспаңдар, - деп отырып бүгінгі «Алтын күз» атты сайысымызды аяқтаймыз.  Жеңісті күндерде кездескенше, достар!!!

Өткізген:Биязова Күләш Еділқызы