«Берекелі алтын күз!»
(«Көгершін» 2-кіші тобына арналған сценарий)
Мақсаты: Балаларды күз әлемімен таныстыру. Күз мезгілінде болатын ерекшеліктерді сахналандыру. Балаларды күз байлықтарымен, күзгі еңбекпен таныстыру. Табиғатты сүю, қорғауға тәрбиелеу.
Музыка ойнап, әсем безендірілген залға балалар келіп кіреді.
Жүргізуші:
Тілегім аман болсын ел іргесі,
Алтын күз қайта келді берекесі.
Молшылықтың жаршысы бола білді,
Алтын күз-ырыс,береке,бірлік ала келді.
Армысыздар ата-аналар мен қадірлі қонақтар! «Берекелі алтын күз!» атты ертеңгілігімізге қош келдіңіздер!
Жүргізуші: Балалар, айтыңдаршы бүгін біздің балабақшада қандай мереке болып жатыр?
Балалар: Күз мерекесі
Ән: « Күз»
Тақпақтар:
Ербақыт
Берекесін сыйлауға
Өлкемізге күз келді.
Жемістерін жинауға
Шақырады біздерді.
Ғ.Айша
Күздің қазан айында,
Алма, алмұрт піседі.
Жапырақтар сарғайып,
Сыбдыр - сыбдыр түседі.
Тамирлан
Алтын нұрдай тамшылап
Жапырақтар төгілді
Біздің өмір таң шуақ
Біздің өмір көңілді
Айзере
Думан толы асқарлы,
Күз мезгілі басталды.
Куз әуені кеп жетті,
Әнге бөлеп біздерді
Айнель
Көрініп еліме,
Күндері мереке
Келді ғой жеріме
Күз дейтін мереке.
Фатима
Алтын азық күз келді
Желмен жаңбыр әкелді
Құстар ұшып кетеді
Ән салмайды өтеді
Қаламқас
Қуандырып біздерді
Мерекелі күз келді
Кел, жемісті алтын күз
Кемелденсін халқымыз
Айсұлтан
Келеді көшіп комбайн,
Алтын дария егінді.
Жинап маржан бидайын,
Күзіміз неткен көңілді.
Жүргізуші: Жарайсыңдар, балалар! Балалар, тыңдандаршы, бұл не шу? (Осы кезде әдемі әуенмен Күз ханшайымы келеді.
«Күз ханшайымы» Амансыңдарма балалар!
Балалар: Сәлеметсіз бе!
Күз ханшайымы: Ерінбестен еңбек етіп келетін
Еңбекшіл бар жемісін беретін,
Мен Күз ханшайымымын
Ынтымақты елімнің,
Күз: Балалар, сендерді көргеніме қуаныштымын. Мен сендерге бір жұмбақ жасырайыншы.
Ағайынды бәрі
Жазда жасыл
Күзде –сары. Бұл не?
Балалар: Жапырақ.
Күз: Дұрыс таптындар, жарайсындар!
Жүргізуші: Алтын күз, біздің балалар күз туралы өлен, тақпақтар біледі. Сіз жәйланып отырып, балалардың өнерін тамашалаңыз.
Жүргізуші. Жел тұрады жалықпайды
Күн жылытып жарытпайды,
Жапырықтар жерге қарай
Қалықтайды, қалықтайды
Қыздарымыздың «Жапырақтар» биін тамашалаңыздар
Би: «Жапырақтар»
(Билеп болғаннан кейін қыздар жапырақтарды жерге жашып кетеді. Оларды ұлдар жинайды. Көп жинаған бала жеңімпаз болып есептеледі)
Ойын: «Кім жапырақты көп жинайды»
Тақпақтар:
Санжар
Алтын, сары, қызыл, көк
Алуан, алуан жапырақ.
Күзгі бақта күлімдеп
Көз тартады жапырлап.
Раяна
Гүл жайнаған даланың,
Жапырағы солыпты.
Таңырқадым, қарадым,
Танымастай болыпты.
Ж.Айша
Алақай – алақай
Шаттанды балақай
Береке – салты күз
Мереке – Алтын күз.
Шахнияр
Жапырақ ұшты
Суық та түсті
Сонда да бізге
Қызық көп күзде
Ясмин
Жетті желмен алтын күз
Жеміс жинау салтымыз
Жиып-теріп болған соң
Той жасайды халқымыз
Димаш
Кездескен соң күзімен
Бұтағынан үзілген
Ай жапырақ- сары алтын
Айналаның бәрі алтын
Ақәділ
Ағаштардан жамырап,
Ұшты кенет жапырақ.
Ой, алақай, тамаша,
Шашу шашты жапырақ!
Ән: «Қолшатыр»
Жүргізуші: Ал кімнің өнері бар қаншалықты
Би билеп,ал біреулер ән салыпты
Бүгінгі «Берекелі Алтын күз» мерекеге
Бүлдіршіндер аямай жан салыпты
Ұлдарымыздың «Саңырауқұлақтар» биін тамашалаңыздар.
Би: «Саңырауқұлақтар»
Күз ханшайымы: (Балаларды мақтап мадақтайды, осы мезгілде есік қағылады,)
Жүргізуші. Балалар бізге қонаққа біреу келген сияқты кім болды екен, осы кезде қолында үлкен сәбізі бар қоян кіріп келеді.
Қоян. Балалар сәлематсыздарма мен сендерге қонаққа келдім, сендерге Күз ханшайымы келіпті ғой –қандай тамаша, олай болса мен сендермен ойын ойнағым келіп тұр ойнаймызба? Алдымен шартын тыңдаңдар.
Шарты: Менің қолымдағы себетте жемістермен көкөністер бар оларды жерге шашып тастаймын, ал менің жейтінім тек сәбіз ғана.Сондықтан осылардың арасынан тек сәбізді жинап, менің себетіме салып берсеңдер, мен қуанып қалар едім.Кәне балалар ойынды бастайық.(ойын 3-4 рет қайталанады.)
Тақпақтар:
Д.Нұрислам
Ел егінді жинайды,
Қырманға дән сыймайды
Біздің дала – бай дала
Алтын астық айнала.
Эльдар, К.Амина
Сап-сары маңай
Сап-сары тоғай
Соңғы әнін айтып
Құс кетті қайтып
Әлия
Көбейді құт-береке
Астық толы қоймамыз.
Құтты болсын мереке
Алтын күзді тойлаймыз.
Б. Нұрислам
Жайдары күз, жарқын күз
Аяулы күз, алтын күз.
Дәнге толы кең далам,
Дариядай шалқар күз
С.Амина, Алихан
Сарғайды тоғай,
Сап - сары маңай.
Соңғы әнін айтып,
Құс кетті қайтып.
Дамир
Көктен көзін бір алмай,
Қызғылт тартты кәрі құз…
Жер қызығын қия алмай,
Маужырап тұр сары күз…
Келді міне күз
Айнала сары түс
Керемет, тамаша
Қандай әсем күз
Сап - сары ғып даланы,
Бояпты ғой күз деген.
Құстар қанат қағады,
Қоштасқандай бізбенен.
Ән: « Жаңбыр»
Жүргізуші: Аспанды сұрғылт бұлт
Жан-жақтан жабады.
Күн бірте суытып
Жауын көп жауады.
Би: «Қолшатыр»
«Күз ханшайымы мен Қоян» : Берекелі бақ дәулет
Артта түссін тойланып.
Сау болыңдар, балалар,
Келгенше жыл айланып.
Балаларға риза болып рахметтерін айтып «Күз ханшайымы қолындағы жемістерді балаларға таратып бередіде қоян екеуі қоштасып шығып кетеді.
Құрметті қонақтар, ата-аналар бүгінгі «Берекелі алтын күз»» -атты ертеңгілігімізді аяқтай отырып, күз берекелі, астықты болсын демекпіз.
« Берекелі бақ дәулет, арта түссін тойланып
Сау болыңыздар қонақтар, келгенше жыл айналып.»
