"?ліппеге рахмет"

Рамазан: Армысыздар ұстаздар!

 Гүлім:Армысыздар ата – ана.

Бірге:Болашаққа жол бастар,

«Әліппең» келді ортаға.

 

Рамазан : Бар кітапқа бас болған,

Әліппе – ғылым анасы.

Әліппеден басталған,

Даналықтың данасы.

 

Гүлім: Бұрқыраған білімнің,

Қайнар көзін көріп пе ең.

Том – том қалың кітаптың,

Басы болған Әліппем – демекші Рамазан «Әліппеге рахмет!» атты ертеңгілігімізді бастасақ қалай болады?

 

Рамазан : -Жарайды , Гүлім. Бастасақ бастайық!

Ендеше ортаға 1 «а»класының ұстазы Шынар апай мен 1 «А» класының балғын балғындарын қошеметпен ортаға шақырайық.

  

Қ: – Құрметті Шынар апай бүгінгі 1«А» сынып оқушыларының «Әліппеге рахмет! » атты ертеңгілігін ашып беру үшін сөз кезегі өзіңізге беріледі.

Мұғалім: Армысыздар құрметті қонақтар, оқушылар! Шәкірттердің қолдарына тұңғыш рет ұстап, бетін ашқан оқулығы «Әліппе». Барлық ғылымның атасы, болашағымыздың негізі- әліппені бітіру тойына хош келіпсіздер дей отырып, ертеңгілігімізді бастайық.

Бағлан:Ассалаумағалейкум, уа, халайық!

Армысыздар, аналар,

Бармысыздар, балалар,

Сөзіме құлақ салыңыз,

Бір серпіліп қалыңыз.

Әліппеге арналмақ,

Бүгінгі жыр,әніміз!

Әсемай: Армысыздар, мұғалімдер, әз жандар,

Білім іздеп ,инемен құдық қазғандар,

Құшақ жая қарсы аламыз сіздерді,

Би биленіп, әнде бүгін шырқарар.

Дильяра:Қош келіпсіз,ақ жаулықты аналар,

Жүздеріңнен мейірім мен нұр толар

Алдарыңда жауқазындай құлпырған

Біз алаңсыз балғын шақты балалар!

Мақсат: Көз салып қараңызшы бойымызға

Ортақ боп бүгінгі өскен ойымызға.
Хош келіпсіз, ұстаздар, ата-аналар,
Әліппемен қоштасу тойымызға.

ән: «Әліппе» (АНА, БАЛА, ОТАН шарға жазылған сөздерді жоғары көтеру)

Мұғалім:Қымбатты балалар!

Біз кітап пен журналдарды оқи алатын болдық. Бұл білімді бізге не үйретті?

Бірге: Әліппе досымыз!

Мұғалім: Өсті міне бойларың,

Өсті ақыл ойларың

Қуанышқа ортақпын,

Құтты болсын тойларың.

-Бәрімізге ең қымбат әліппені ортаға шақырайық

Хормен: Әліппе (3рет)

Әліппе:Сәлеметсіздер ме, балалар!

Бірге: Қош келдіңіз, Әліппе!

Әліппе:Армысыңдар, жас достар!

Армысыңдар, ата-ана!

Болашаққа жол ашар,

Әліппе келді ортаға.

Білім деген ғаламның,

Әліппесін меңгерген.

Келешегі қазақтың,

Басталады сендерден.

Жақсы білім-көрімдік,

Болсын сізге халайық.

Не үйрендік, не білдік,

Қане, ортаға салайық!

1-оқушы:
Әліппем менің Әліппем,
Сені қолға алып мен.
Есігін аштым мектептің,
Ертеңгі сәуле жарықпен.
2-оқушы:
Келгенде алғаш мектепке,
Білмеуші едік әріпте,
Оқимыз қазір ертекте,
Үйреткен оны Әліппе!
3-оқушы:
Әліппе деген алтын жол
Апарар сені алысқа.
Жеңіл емес ауыр жол
Тырысып бақ намысқа.

4-оқушы
Оқулықпен достассақ,

Әліппемен қоштаспақ.

Өсті білім, бойымыз,

Құтты болсын тойымыз.

5-оқушы

Әліппем, менің әліппем,

Өмірді келем танып мен,

Қайталап айтам мың рет,

Өзіңе көп рақмет

6-оқушы

Таныстырған 42 әріппен

Қош бол менің, қасиетті Әліппем.

Сенің арқаң оқи жаза білгенім,

Сауатты адам санатына енгенім.

7-оқушы

Қош бол, құтты «Әліппем

Көп нәрсені үйреттің

Таныстырып әріппен,

Тақылдатып сөйлеттің.

8-оқушы

Енді біз жаза білеміз,

Әріпті қосып әріпке

Риза боп саған жүреміз,

Сүйікті біздің, Әліппе!

9-оқушы

Әліппем, менің әліппем,

Өмірді келем танып мен,

Қайталап айтам мың рет,

Өзіңе көп рақмет .

Оқушы : Иә, бүгін біздің қуанышымызда шек жоқ. Өйткені біз тұңғыш сауатымызды ашқан «Әліппені» бітірдік.

Рахмет саған,Әліппе (хормен)

Әліппе. Қане, бері қарайық,

Зейін қойып тыңдайық.

Әріптермен танысу,

Тақпақтарын бастайық.

1-оқушы

Қ әрпінен құралған

Бас-аяғы қазақтың,

Жарылқасын бір Аллам!

2-оқушы:

Алатаудай айбарлы,

Астанам аты – Астана.

Ақтауым – ару жас қалам,

Жасай берсін Азат күн!

Мына менен басталған.

3-оқушы:

Зергерлікті кім білер,

Балқытады күмісті.

Сақинаны, сырғаны,

Күміс сымнан тартады.

4-оқушы:

Ата-ананың тілегі –

Адам болып өскенің.

Адамдықтың тірегі-

Адал болып өскенің.

5-оқушы:

Қиындықтан қорықпа,

Қаймығып еш торықпа.

6-оқушы:

Сара сауды сиырды,

Сексеуілді сындырды.

Сазан балық қырда,

Сан шаруаны тындырды.

7-оқушы:

Таңнан тұрып тай мініп,

Тауда тазы жүгірттім.

Таңқурай жеп, сай қуып,

Таңдайымды жібіттім.

8-оқушы:

Астана –астанам,

Астана – бас қалам.

Ардақтап атыңды,

Аузымнан тастаман.

9-оқушы:

Наркөз бота үнемі,

Нарға ілесіп жүреді.

Нағыз еңбек кепілі,

Нан – тіршілік тірегі.

-Балалар, мына әріптерде бір сыр бар тәрізді, қане кім байқады?

-оқушылар өз ойын айтады?

Ән:

Математика:

Есептеуге жүйрік болсаң жасыңнан,

Математикаға орын берер қасыңнан,

Барлық ғылым саған үйір болады,

Досың болар табылатын қасыңнан.

Өмірдегі заттарды,

Есептейтін бәрін мен.

4 амалды қолданған,

Математика пәнімін.

Сандар таласы:

. 1 саны: Дәптер беті теп-тегіс жазықтай,

Бірлік саны қағып қойған қазықтай.

Мен 1 санымын. Мен сандар қатарына қосыламын.

. 2 саны: Екі саны кім басқаша ойлайды,

Имек мойын аққудан мен аумаймын.

Мен 2 санымын мен де сандар қатарына қосыламын.

3 саны: Үш саны қоста мейлі, қостама,

Екі ұшынан байластырған қос таға.

Мен үш санымын. Мен де сандар қатарына жатамын.

4 саны: Төрттік саны теңеу табар ескерген,

Жауынгердей саған сәлем ант берген.

Мен 4 санымын. Мен де сандар қатарына жатамын.

5 саны: Бестік саны салыстырып тексерген,

Іліп қойған қолғабындай боксердің.

Мен 5 санымын. Мен де сандар қатарына жатамын.

6 саны: Дәл айтылса, теңеуге кім нанбады,

Алты саны құдды құрық шалмалы

Мен 6 санымын. Мен де сандар қатарына жатамын.

. 7 саны: Жеті саны жүрсең ол санды,

Кәдімгі тіке тұрған қол шалғы.

Мен 7 санымын. Мен сандар қатарына жатамын.

. 8 саны: Сегіз саны-ол жауабын шапшаң бар,

Асты-үсті қос тәрелке, қос шеңбер

Мен 8 санымын. Мен сандар қатарына жатамын.

. 9 саны: Тоғыз саны тоқпан жілік теңесек,

Телефонның трубкасы немесе

Мен 9 санымын. Мен де сандар қатарына жатамын.

. 0 саны: Сандар мені де өз қатарларыңа қосыңдаршы.

Сандар: Сен бізге қосылмайсың. Себебі, сен жоқсың. Нөл деген жоқ деген сөз.

Математика: Қойыңдар, сандар! Бұл нөл саны керек.Егер де 1 санының қасына нөл санын қойсаққанша болады, ал 2 санының қасына қойсақ ше, сонда әр санның қасына нөлді қойсақ 10 есе көбейеді екен. Сол үшін нөл саны бізге керек.

Мысалы, нөл саны арқылы мынадай амалдар орныдауға болады:

1+0 2-2 1-1

Ең кіші екі таңбалы сан-10

Ең кіші үш таңбалы сан-100 екен.

Олай болса,нөл де сандар қатарына қосылады.

Оқушы:Оқымап ем, «бір» алдым,

Кейіп қалды мұғалім.

Әкеп едім «екілік »

Анам шықты жекіріп.

Үш алғанда байқадым,

Әкем басын шайқады.

«Бес» деп едім бүгін кеп,

Қалды бәрі күлімдеп.

Мұғалім: Балалар, сендер аз ғана уақыттың ішінде көп нәрсені – оқуды, жазуды, есептеуді меңгердіңдер. Осының

бәрін кім үйретті?

Бірге: Мектеп, әліппе, ұстаз, ата-ана.

Ән:

-Балалар біздің алдымызда қандай мереке келе жатыр?

-Жаңа жыл

-Дұрыс айтасыңдар,балалар. Жаңа жылда не безендіреміз?

-шырша

-Дұрыс оқушылар. Олай болса мына алдымыздағы шыршаға нелер жетіспей тұр?

-ойыншықтар.

-Олай болса ,оқушылар осы шыршаны біз қазір өз білімімізбен безендіреміз.

(оқушыларға тапсырмалар беріледі, сол тапсырмалар шыршаға ілінеді. Соңында шырақ жағылады.)

-енді осы шыршанын жанында кім жетіспейді?

-Аққала

-Дұрыс балалар енді аққаламызды қазір біздің ата-аналарымыз жасап шығарады.

-ата-аналар сол жерде қазағдан аққала жасап шығарады.

Әліппе:

Ризамын балалар,

Меңгердің, болмадың босқа тер.

Ана тілі атты әпкем бар

Сендерді жетелеп әкетер.

Ортаға ана тілі келеді.

Ана тілі:

Сәлеметсіздер ме, балалар?

Бірге:

Қош келдіңіз, Ана тілі.

Ана тілі:

Сөйлетер сөзді шеберлеп,

Өзіңнің ана тіліңмін.

Байыптап жақсы оқысаң,

Негізі менде білімнің.

Туған елдің тілімін,

Ақылы мен танымын

Түсіндірер бәріне

Ана тілі пәнімін.

Ана тілің – құралың,

Ана тілің – ұраның

Ана тілің болмаса,

Мықты болмас тұрағың.

оқушы:

Ақыл-ойын даланың,

Ана тілден аламын.

Ана тілім ардақты,

Ақ сүтіндей анамның.

оқушы:

-Ана тілің – арың бұл,

Ұятың боп тұр бетте.

Өзге тілдің бәрін біл,

Өз тіліңді құрметте.

Оқушы.

Әліппемен қош айтысып қаламыз,

Енді қолға басқа кітап аламыз.

Ата-ана қуанышқа ортақ бол,

Сауатты болып шықты, міне балаңыз.

Әліппе:

Оқуда зейінді болыңдар,

Еңбекке бейімді болыңдар.

Кір шалмасын қабақты,

Ақ жол болсын балалар.

Оқығандарың есте болсын

Күнделіктерің беске толсын.

-Ал балалар сау болыңдар!

-Қош болыңыз (Бәрі бірге)

оқушы:

Әліппе, даңғыл жол ашты,

Жаңа пәнмен жалғасты.

Әліппе сырын ұқтырған

Рақмет, ұстаз алғашқы.

Ән:

Мұғалім:Бүгінгі кеш әр үйдің « Той басы» деп саналар.

Балалардың есімі әулеттерге таралар.

Ырым етіп сондықтан ертеңгілік соңында,

Ақ тілекпен баршаға тілек айтар қонақтар

(Қонақтарға сөз беріледі)

-Құрметті ата-аналар мен ұстаздар!

Уақыттарыңызды бөліп, қуанышымызға ортақтасып келгендеріңізге үлкен рахмет.