« Қызықты математика.»

Сабақтан тыс

ашық іс-шара.

Пәні : Математика

Тақырыбы: Қызықты математика

Пән мұғалімі: Исатаева З.О.

Сыныбы: 2"А"

Қарағанды 2017 ж.

Пәні: Математика

Күні: 20.01.2017жыл

Сыныбы: 2"А"

Сабақтың тақырыбы: Қызықты математика

Сабақтың мақсаты:

Білімділік: Оқушылардың пәнге деген сүйіспеншілігін ояту, математика сабағында алған білімін өмірде пайдалана білуге үйрету, екі таңбалы сандарды оқу, жазу, салыстыруға машықтандыру, оқушылардың құрама есептер және оны шығару тәсілдері туралы білімдерін пысықтау, шығара білу дағдыларын қалыптастыру, теңдеу шешу тәсілдерін пысықтау.

Дамытушылық:Оқушылардың бойындағы шығармашылық қабілеттерін дамыту; есептеу дағдыларын жетілдіру, ынтасын, қызығушылығын арттыру. Математикалық тілін, ауызша қосу және азайту дағдысын,ойлау, есте сақтауын, қиялын, зейінін, тапқырлық қабілетін дамыту.
Тәрбиелік: Оқушыларды тезжәне логикалық ойлауға,шапшаң есептеуге баулу,ой -өрісін кеңейту, адамгершілікке, ұқыптылыққа, ұжымдыққа, ептілікке, шапшаңдыққа, тапқырлыққа тәрбиелеу . Өз бетімен жұмыс істеуге баулу, жауапкершілікке, еңбексүйгіштікке баулу.
Көрнекілігі: Слайдтар, парақшалар, дидактикалық материалдар, суреттер, топтамалар, сандар.
Пәнаралық байланыс: Әдебиеттік оқу, қазақ тілі ,дүниетану.
Әдісі:түсіндіру, ойын, жұмбақ,сұрақ - жауап, ұжымдық, топтық жұмыс, өлең, есеп шешу, түсіндіру, ізденушілік, талдау, түсіндіру.
Сабақ түрі:ойын сабағы.

Сабақтың барысы:
І.Ұйымдастыру кезеңі:

-Оқушылардың назарын, зейіндерін сабаққа аудару
Математика ғылымы-
Ой - санаңды кеңейтер.
Ойлап, бойлап есепке,
Аспай - саспай есепте.

-Балалар, бүгін біз осы кезге дейінгі алған білімімізді сынға салатын боламыз.
Екі топқа бөлу.(Бір таңбалы және екі таңбалы сандар бойынша топқа бөлу.)
«Бірліктер» және «Ондықтар» тобы.

Әрбір топтың ұранын анықтау.

Ол үшін шашылған сөздерден сөйлемдер құрастыруымыз керек.
«Бірліктер» тобының ұраны:

Білекті бірді жығады,
Білімді мыңды жығады.
«Ондықтар» тобының ұраны:

Оқы да біл,
Ойна да күл.

Сайысымыз 7 бөлімнен тұрады:

1. Ой ширату.1 ұпайдан беріледі.

2. "Сөздерді анықта" ойыны. Бұл есепке 4 ұпайдан беріледі.

3. Тапқыр болсаң, тауып көр!( Теңдеулердің мәнін табу). Бұл сайыста бір есепке 2 ұпайдан беріледі.

4. Ойлан, тап. Әр топқа екі логикалық есеп беріледі. Есеп дұрыс шығарылса, 2 ұпай беріледі.

5." Жас математик" сайысы. Екі топтың топ басшылары есеп шартын құрып шығару бойынша сайысқа түседі. 4 ұпайдан беріледі.

6.« Геометриялық фигураларды құрастыру » 2ұпай

7.Жұмбақтар шешу. 1ұпай

1- сайыс. " Ой ширату

«Бірліктер» тобына

1.Бір жылда неше ай бар?(12ай)

2.Бір аптада неше күн бар? ( 7 күн)

3.Үшінші және бесінші айды ата. (наурыз , мамыр)

4. Азайтудың нәтижесі қалай аталады?(айырманың мәні)

5.Ең үлкен бір таңбалы санды ата. (9)

6. Метр қандай өлшем бірлік? (ұзындық өлшем бірлігі)

7.Қарама-қарсы қабырғалары өзара тең фигура қалай аталады?(тік төртбұрыш)

8. 1 сағатта қанша минут бар? (60 минут)

9.Өрмекшінің аяғы нешеу? (6)

10.5 тырнаның неше аяғы бар? (10 )

«Ондықтар» тобына

1.Қыс мезгілінің үшінші айы.( ақпан)

2. Ең кіші екі таңбалы санды ата.(10)

3. Қосудың нәтижесі қалай аталады? (қосындының мәні)

4. 1 метрде неше дм бар? (10 дм)

5. Барлық қабырғалары тең фигура қалай аталады? ( шаршы)

6.Екі нүкте арасындағы түзу қалай аталады ? (кесінді )

7. Бұрыш түрлерін ата.( тік бұрыш, сүйір бұрыш , доғал бұрыш )

8. Бір қайшының неше сақинасы бар? ( 2сақина )

9. Төрт тышқанның құлағы нешеу? (8 құлақ )
10.Үстелдің бір бұрышын аралап кескеннен кейін неше бұрыш қалды?

(5 бұрыш)

Бағалау жетондары бойынша бағалау.

2. «Сөздерді анықта » ойыны. Бұл есепке 4 ұпайдан беріледі.
«Ондықтар» тобына:" Бірліктер" тобына:
Л 79-(6+3)=70 К 87-(4+3)=80

Р (62+5)-40=27 Е(65+3)-50=18

А (30+60)+5 = 95 З 68-(16 – 9)=61

Ғ 4 дм+2см=42 см Р 9дм+3см=93 см

Ы6дм - 2дм = 4дм Е 8дм- 3дм=5дм

Әр шығарылған есепті бағалау.

95	70	42	4	27		61	18	93	5	80

3. "Тапқыр болсаң, тауып көр!" сайысы. Теңдеулерді шешу. Тақтаға есептеп шығару. Бұл сайыста бір есепке 2 ұпайдан беріледі.

«Ондықтар» тобына: "Бірліктер" тобына:

а+13=26 а+14=35

43-а=22 58-а=42

Санамақ "Тез жалғастыр".

Бір дегенім-бесік
Шықтық содан өсіп
Екі дегенім-еңбек
Еңбек бәрін жеңбек
Үш дегенім –үміт
Үміт артар жігіт
Төрт дегенім-төзім
Төзе білем өзім
Бес дегенім-бақыт
Бағалайтын уақыт
Алты деген-ақыл
Тыңдағаның мақұл
Жеті деген-жалау
Жүректегі алау
Сегіз деген-сөзің
Серт беретін кезің
Тоғыз деген -тоқтау
Елдің жоғын жоқтау
Он дегенім-Отан
Қорға соны ботам

4." Ойлан, тап" сайысы. Әр топқа екі логикалық есеп беріледі. Есеп дұрыс шығарылса, 2 ұпай беріледі.

«Ондықтар» тобына:

1.Тал басында тізіліп,

Он жапырақ тұр еді.

Жел соқты да, үзіліп,

Ұшып кетті біреуі.

Ізінше оның жұлынып,

Түсті тағы бесеуі.

Тұр әлі де ілініп,

Жапырақтың нешеуі?

Жауабы: 4 жапырақ қалды.

2.Ағаш басында 2 балық отыр еді. Оларға тағы 2 балық ұшып келді.Барлығы неше балық болды?

Жауабы: Балық ағашта отырмайды және ұшпайды.

3. Көлден ұшты 50 қаз,
Қайтып қонды 20 қаз
Қонбады оның нешеуі,
Қане кім тез шешеді?
Жауабы: 30 қаз

"Бірліктер" тобына:

1. Табақта бес алма,

Қолымда үш алма,

Інімде екі алма,

Қосқанда барлығын

Болады неше алма?

Жауабы: барлығы 10 алма.

2.Алма ағашында 10 алма, ал үйеңкі ағашында одан екі алма аз өсіп тұр. Үйеңкі ағашында неше алма өсіп тұр?

Жауабы: Үйеңкі ағашында алма өспейді.

3. Аулада 60 үйрек,
Қорада 20 үйрек,
10 үйрек тығылды
10 үйрек жығылды,
Қалғаны неше үйрек?

Жауабы: 70 үйрек

5." Жас математик" сайысы. Екі топтың топ басшылары есеп шартын құрып шығару бойынша сайысқа түседі. 4 ұпайдан беріледі.

1. Тігінші бірінші күні 28 м мата жұмсады, ал екінші күні одан 8 м мата кем жұмсады.Тігінші екі күнде неше метр мата жұмсады?

Есептің шарты:

1-күні-28м

? метр

2-күні-?, 8м кем

Шешуі: 28+(28-8)=48(м)

Жауабы: Тігінші екі күнде 48м мата жұмсады.

2.Бір орамда 30м жіп бар, ал екінші орамда одан 8м жіп артық.Екі орамда неше метр жіп бар?

Есептің шарты:

1- орам-30м жіп

? метр

2-орам-?, 8м жіп артық

Шешуі:30+(30+8)=68(м)

Жауабы: екі орамда 68 м жіп бар.

6.Келесі тапсырма « Геометриялық фигураларды құрастыру » деп аталады.

Мақсаты: Қиылған бөліктерден геометриялық фигураларды құрастыру және ол қалай аталатындығын айту.Сонымен қатар оның белгілерін айту.

7.Жұмбақтар шешу.

«Ондықтар» тобына: "Бірліктер" тобына:

1.100 мүйізі бар,үстінде киізі бар. 1.Қос құлақты,жүз тісті.

(киіз үй) Жүзінен бір-ақ із түсті.

(ара)

2.Кіп-кішкентай 2 көзі, 2.Қалқиған 2 құлақты ,

Қалай көреді өзі? Елеңдеп қорқып тұрады.

Қолы екен ұзын мұрны. (Қоян)

Сол мұрнымен тамақ алып жүреді.

(піл)

Сабақты қорытындылау.

-Балалар, осымен сайысымызды қорытындылаймыз. Ұпай сандарын есептеп,жеңіске жеткен топты анықтау. Сайысқа белсенді қатысқан оқушыларды мадақтау.

Жұбыңды тап.
Мақсаты: тез есептеу дағдыларын қалыптастыру.
Қажетті құрал – жабдықтар: төмендегі үлгіде жазылған карточкалар. 20+10, 30, 50+ 20, 70.
Ойын мазмұны: Көрсетілген үлгідегі карточкалар оқушыларға үлестіріледі.
Мұғалім «жұбыңды тап!»- деген кезде әр оқушы өз жұбын тауып, қол ұстасып тұра қалулары керек. Ойын осылайша жалғаса береді.

Ұпай сандары.

«Ондықтар» тобы:

1. Ой ширату.
2. "Сөздерді анықта" ойыны.
3. Тапқыр болсаң, тауыпкөр!
4. Ойлан, тап.
5." Жас математик" сайысы.
6. Геометриялық фигура құрастыру
7. Жұмбақ шешу
Барлығы

Ұпай сандары.

«Бірліктер» тобы:

1. Ой ширату.
2. "Сөздерді анықта" ойыны.
3. Тапқыр болсаң, тауыпкөр!
4. Ойлан, тап.
5." Жас математик" сайысы.
6. Геометриялық фигура құрастыру
7. Жұмбақ шешу
Барлығы

5." Жас математик" сайысы. Екі топтың топ басшылары есеп шартын құрып шығару бойынша сайысқа түседі.

1. Тігінші бірінші күні 28 м мата жұмсады, ал екінші күні одан 8 м мата кем жұмсады.Тігінші екі күнде неше метр мата жұмсады?

2.Бір орамда 30м жіп бар, ал екінші орамда одан 8м жіп артық.Екі орамда неше метр жіп бар?

Бір — дегенім бірлік, 
Бірге ойнадық, күлдік. 
Бір үйдегі көп бала, 
Бір көлікке міндік.

Он саусақ

Жалғыз саусақ тіпті де,
Ұстай алмас жіпті де.

Екі саусақ бірікті,
Ине қолға ілікті.

Үш саусағым орамды,
Жүгіртеді қаламды.

Өнерлі екен он саусақ:
Қала салсақ, жол салсақ…

Екі – ерлік көрсет,

Үш – үлгі тұт,

Төрт – тәртіп керек,

Бес – бестік баға ал,

Алты – алғыс ал,

Жеті – жеңіс біздікі,

Сегіз – сенім керек.

Тоғыз – тоқу керек,

Он – оқу керек.                     

 

  

1-дегенің жаман баға,                       -Алады оны жаман бала.                

  2-дегенім нашар баға,
   Інішегім нашарлама.

   3-дегенім орта баға

   Сапасы да орта ғана.

 Бір дегенім – білеу,
Екі дегенім – егеу,
Үш дегенім – үскі,
Төрт дегенім – төсек,
Бес дегенім – бесік,
Алты дегенім – асық,
Жеті дегенім – желке,
Сегіз дегенім – серке,
Тоғыз дегенім – торқа,
Он дегенім – оймақ,
Он бір қара жұмбақ.

  

Апта
Жеті күнім- бір Апта:
Жету үшін мұратқа,
Апта бойы құр жатпай,
Алға қарай бір атта

Бір дегенің - Білім,

Екі дегенің - Ілім.

Үш дегенің - Ғылым.

Төрт дегенің - Таным,

Бес дегенің - Талғам,

Алты дегенің - Ақыл.

Жеті дегенің -

Парасатқа жақын.

Сегіз дегенің - Сана,

Тоғыз дегенің - Толғам,

Он дегенің - Ой,

Осыны ұғып қой!

1. 2 24 1

4 8 35 56

Білекті бірді жығады,
Білімді мыңды жығады.
Оқы да біл,
Ойна да күл.

20+10 30 50+ 20 70 64+30 94 58-8 50

62-60 2

Ондықтар

Бірліктер