Білім сайысы "Ойлы болсаң, озып көр"

Сайыстың тақырыбы: «Ойлы болсаң озып көр»

Сайыстың тақырыбы:

Сайыстың мақсаты: Оқушылардың әрбір пән бойынша алған білімдерін тиянақтау, топтар бойынша сайыс өткізу, шапшаңдыққа жинақтылыққа тәрбиелеу, ақыл – ойын дамыту. Оқушыларды білімді, жан-жақты болуға үйрету.Жарысуға, жарыста жеңімпаз болуға ұмтылуын дамыту. Білімді, дарынды, озық болуға үйрету.

Көрнекілігі: шарлар, сандар. Ақын-жазушылардың суреті.
Түрі: Сайыс сабақ

Сайыстың барысы: Психологиялық тренинг. «Бәріміз бірге». 
Мақсаты: балалардың бір-бірімен байланыс орнатуға үйрету, серіктесінің қозғалыс темпіне ыңғайлану. 
Жаттығудың жүргізілуі: балалар жұппен тұрып допты бірге ұстайды(әр бала допты екі қолымен ұстауы тиіс). Жетекшінің белгісінен кейін балалар бір уақытта отыруға допты қолдарынан түсіріп алмай бөлме ішінде жүруі, секіруі қажет. Ең бастысы, бірге әрекет жасап допты түсіріп алмау. 
Құрметті ұстаздар, оқушылар бүгінгі  біздің 3-сынып оқушылары арасында «Ойлы болсаң,озып көр » сайысымызға  хош келдіңіздер.

Бүгінгі білім сайысын бағалайтын әділқазылар алқасын таныстыруға рұқсат етіңіздер. Сайыстың кезеңдерімен таныстыру.

1-кезең  «Кім білімді?» ( пәндер бойынша сұрақтар)

2- кезең   «Жүйелі сөз, жүйрік ой» ( мақалдардың жалғасын табу)

3-кезең      «Мені таны»

4-кезең  «Ұйқасын тап» (өлеңнің соңғы жолы беріледі, соған өлең ұйқастырып құрастыру)

5-кезең     «Тіл өнері» ( дұрыс жауапты 2 тілде айту)

 Бәйгеге түсіп жарыспай,
Жүйріктің бағы жана ма?
Білім мен өнер жұптаспай,
Тәлім, тәрбие алар ма?
Бұл бәйге ойдың бәйгесі.
Кім жүйрік болса сол алда

1-кезең  «Кім білімді?»

«Тұлпар » тобына

1.Қыс айларын ата./желтоқсан,қаңтар, ақпан/

2.Зат есім дегеніміз не?/заттың атын білдіретін сөзді/

3.Табиғат нешеге бөлінеді? /2/

4.Шаршы дегеніміз не?/барлық қабырғалары бірдей геометриялық фигура/

5. Үй жануарларын ата. (сиыр, қой, жылқы, түйе т.б)

6.Жүз жасаған ақын? / Ж.Жабаев/

7.Бір тәулікте неше сағат бар?/24 сағат/

8. 7 жүздіктен 5 ондықтан 6 бірліктен тұратын сан. (756)

9.Отанды сүю неден басталады? /Отбасынан басталады/

10. Дарынды суретші кім? Әбілхан Қастеев

«  Барыс     » тобына

1.Көктем айларын ата? /наурыз,сәуір,мамыр/

2Сан есім дегеніміз не? /заттың санын білдіретін сөздерді/

3.Тірі табиғатқа нелер жатады? /өсімдік, адам,жануар/

4.Қазақтың ұлы ақыны кім? А.Құнанбаев

5.Фигураның ауданын қалай табады? /ұзын*еніне көбейтеміз/

6. 8 ондықтан 6 бірліктен тұратын сан. 86

7.Дауыссыз дыбыстар  нешеге бөлінеді? /3/

8. 1 сағатта неше минут бар? (60 мин)

9. Білім ұясы не? Мектеп

10.Қазақстан қай жылы Тәуелсіздік алды? 1991 ж 16 желтоқсан

2-кезең. «Жүйелі сөз, жүйрік ой»

1. Тіл тас жарады,

Тас жармаса бас жарады.

1. Кітап- білім бұлағы,

Білім-өмір шырағы.

1. Отансыз адам-

Ормансыз бұлбүл.

1. Аз сөз-алтын,

Көп сөз – көмір

1. Досы көпті жау алмайды,

Ақылы көпті дау алмайды.

ІІ топ.

1. Туған жердей жер болмас,

Туған елдей ел болмас.

1. Еңбек етсең ерінбей,

Тояды қарның тіленбей.

1. Батырды намыс өлтіреді,

Қоянды қамыс өлтіреді.

1. Ақыл азбайды,

Білім тозбайды.

1. Жаңбыр жауса –жер ырысы

Батыр туса ел ырысы.

3-кезең  «Мені таны»  Әр топқа суреттер көрсетіледі. Әр топқа 2 суреттен ол кісі кім ,қай жылы туған , шығармаларын атап өтсе 10 ұпай, ал тек қана аттарын айтса 5 ұпай.

4 суретті дайындау керек.

 4-кезең  «Ұйқасын тап,» Өлеңнің соңғы жолы беріледі, соған өлең ұйқастырып құрастыру.

І топқа

....... сүйемін,

....... өлеңім.

....... асыр сап,

........ келемін.

ІІ топқа

......... баламыз,

......... саламыз.

......... ойнаймыз,

.......... тойлаймыз.

5-кезең     «Тіл өнері»

«Тұлпар » тобына

1.Күн мен түн теңелетін жыл мезгілі / көктем-весна/

2.Мұрты бар иегінде сақалы жоқ, Тоны бар киеріне шапаны жоқ.

Пайдасы үй ішінен табылған соң. Далаға кіріп-шығар сапары жоқ  /мысық-кошка/

3.Жүз теңгең болғанша, жүз … болсын   /дос-друг/

4.Қабат-қабат қаттама, ақылың болса аттама.   /кітап-книга/

5. Көру мүщесі ( көз-глаза)

6. Балды қай аң жақсы көреді. (аю – медведь)

«  Барыс »  тобына

1.Футболшының  алаңдағы ойын заты / Доп-мяч/

2.Жеті қазынаның бірі-…….., адамды қорып жүретін досы           /ит- собака/

1. Әр адамның шағын отаны / Отбасы-семья/

4. Жесең ащы, көзіңнен шығарар жасты. ( пияз – лук)

5. Есту мүшесі... ( құлақ-уха)

6. Қанаты бар ұша алмас, Құрлықта қаша алмас. ( балық – рыба)

Қорытынды.

Қазылар орнықтырар әділдікті,
Кімдердің жауаптары кәміл шықты.
Білім мен тапқырлықтың жарысында,
Жеңіске жетер дейміз нағыз мықты, - дей келе сөз кезегін әділқазыларға беріледі.

Ғылымның сырын ұғына

Шығыңдар білім шыңына

Жеткізер сіздердей өренді,

Жеңістің биік шыңына.