"Ойлы болса? озып к?р" сыныптан тыс шара

Бекітемін: 21.11.2015 ж

Сыныптан тыс - іс шара: «Ойлы болсаң, озып көр» (білімділер сайысы)

Мақсаты: 1. Білімділік: Cынып оқушыларының пәндер бойынша алған білімдерін саралау, ой ұшқырлықтарын байқау, топпен бірлесе отырып жұмыс істей білуге және өз білімдерін көрсете үйрету.
2. Дамытушылығы:
Оқушылардың сөздік қорын молайту, дүниетанымдарын кеңейту, тіл байлығын, шығармашылық қиялын, логикалық ойлау қабілеттерін дамыту, өз ойларын еркін жеткізе білуге және шығармашылықпен еңбек ете білуге дағдыландыру.
3. Тәрбиелілігі: болашаққа өз үлесін қоса білетін, ізденімпаз ұрпақ етіп тәрбиелеу. Жан - жақты білімділікке, тапқырлыққа, жылдамдыққа, ұйымшылдыққа тәрбиелеу.
Сабақтың түрі: сайыс сабақ
Сабақтың әдіс - тәсілдері: сұрақ - жауап, топпен жұмыс.
Пәнаралық байланыс: ана тілі, математика, қазақ тілі, дүниетану.
Көрнекілігі: топ аттары жазылған қағаздар, мақал - мәтелдер, қанатты сөздер,АКТ,маркерлер,стикерлер,суреттер
Сабақтың барысы:
I. Ұйымдастыру бөлімі.
Кіріспе сөз:

Армысыздар ұстаздар, оқушылар. «Білім - адамның байлығы » демекші,халқымыз ең қымбат та,асыл қазынасы өзінің жас ұрпағын,оның бүгінгі мен ертеңгі нұрлы болашағын мұғалімдердің адал жүрегіне сеніп тапсырып отыр. «Білекті бірді жығады,білімді мыңды жығады» демекші ,сіздер 2 – 4 сынып оқушылар арасында өткелі отырған «Ойлы болсаң,озып көр» білімділер сайысына қош келдіңіздер.
Таластың тәрбиелі ұл – қызысыз,

Білімменен, өнермен бұлқыныңыз

Бұл өмір сайыстардан тұрады ылғи

Сайыста гүлдей жайнап құлпырыңыз дей келе оқушыларды ортаға шаттық шеңберіне шақырайық.
Тренинг. «Сәттілік » Оқушылар шеңбер арқылы бір- біріне сәттілік тілеп топқа бөлінеді.
I. топ"Сұңқарлар"
II. топ " Тұлпарлар"
Жарыс ережесімен таныстыру.
Әділқазылар мүшелерімен таныстыру.
Жарыс 8 кезеңнен тұрады.
1. Таныстыру
2. «Кім жылдам»

3. «Ұшқыр ой »

4. «Мың бір мақал»
5. «Білгенге маржан»
6 «Эрудиттер сайысы»
7. « Жеті жұрттың тілін біл»

8 Жұптық жұмыс « Ең тұңғыш»

9. Метаграммалар

10. Постер қорғау

Бас иіп топ алдына шығатын
Сәлемдесу парызы әрбір жастың
Білімдерін паш етер сайыскерлер
Сәті келіп қалғандай танысатын дегендей сайысымыздың ойыншыларын таныстырайық.

Бала өсірген ата-ана

Бала болып ойнайды

Бала оқытқан мұғалім

Бала болып ойлайды

Біреуінің жүрегінің түгі бар

Біреуінің арқалап жүрген қоғамдағы жүгі бар.

Бәрінен де бастысы – барлығының қатты істейтін миы бар! – деп сайыскерлерімізді таныстырып өтейік.

1 топ. Сұңқарлар тобы 2 топ. Тұлпарлар тобы

1.Қалиева Дилназ 1.Даулетияров Зауырбек

2.Илясова Тахмина 2. Шаяхметова Асем

3.Ибатова Инабат 3.Қазбекова Жансауле

4.Аққайрақ Тұрар 4.Самиғолла Ералхан

5.Қайруллина Ләззат 5.Ахметов Жарқын

6.Ермек Жансая 6.Қапиятоллина Қырмызы

Бірінші кезеңі "Таныстыруды бастайық"!
Сөз кезегін " Сұңқарлар" және "Тұлпарлар"топтарына береміз. (Әр топ өз тобының атын, ұранын таныстырады.)
1 - кезең: Таныстыру.

1 топ басшысы: Ермекова Жансая

Топтың аты: «Сұңқарлар»

Сұңқармыз ұша жетілер,

Төменде бәрін қалдырып

Жамбы тұр көкте біз ілер,

Қанатты нұрға малдырып!

Топтың ұраны:

Сұңқарлар ұша жетіледі

2 топ басшысы: Самиғолла Ералхан

Топтың аты: «Тұлпарлар»

Тұлпармыз шаба жетілер,

Жаралған жігер, намыстан

Жеңістің туы желбірер

Жүйрікпіз желмен жарысқан!

Топтың ұраны

Тұлпарлар шаба жетіледі.

2 - кезеңі."Кім жылдам" кезеңінде берілген сұраққа бірінші жауап беруге тырысу керек.

Математика пәнінен сұрақтар қойылады. Қай топ бірінші болып жалауды көтерсе, сол топ жауап береді.
1. Мен бір сан ойладым, оған 30-ды қосқанда 80 шықты. Мен қандай сан ойладым?(50)
2. 1 дм - де неше см бар ?( 10)
3. Ұзындық өлшем бірлігі? ( мм, см, дм, м)
4 47 санында неше ондық, неше бірлік бар?(4 ондық,7 бірлік)
5. Туристер 3 адамнан 3 қайыққа отырып, жорыққа аттанды. Барлығы неше адам жорыққа аттанды?(9)
6. Адам тамақ істерде, ең бірінші қазанға не салады?( көз)
7. Тауық 1 аяқпен тұрғанда 3 кг, екі аяқпен неше кг болады? (3)
8. 2 жылда неше ай бар? (24)
9. Бір жылда неше күн бар?( 365-366)
10. Үстелдің 4 бұрышы бар, бір бұрышын кесіп тастағанда оның неше бұрышы болады? (5)

11.1 сағатта неше минут бар? (60 минут)

12.Көлемнің өлшем бірліктерін ата? (куб)

13.Белгісіз санды әріппен белгілейтін теңдік? ( теңдеу)

14.Тік төртбұрыштың ауданың қалай табамыз? (Ұзындығы мен енін көбейтеміз)

15.1 ғасыр – (100 жыл)

3 - кезең "Ұшқыр ой" кезеңі бойынша әдебиеттік оқу және қазақ тілі пәндерінен сұрақтар қойылады.
1. Қазақтың үш биін ата?(Әйтеке би, Қазыбек би, Төле би)
2. Қазақ әліпбиінде неше әріп бар? (42)
3. Мәтін түрлерін ата? (сипаттау,пайымдау,әңгімелеу)
5. Қазақтың батыр қыздары? (Әлия Молдағұлова,Мәншүк Мәмбетова)
6. "Ғылым таппай мақтанба " өлеңінің авторы кім? (Абай)
7. Дауыссыз дыбыстар нешеге бөлінеді? (3 )
8. Сөз құрамын ата (түбір ,қосымша)
9. Заттың атын білдіретін сөз табы? (зат есім)
10.Заттың сының білдіретін сөздер? (сын есім)

11.Жылқыға жұрнақ жалғанса,кім болады? (жылқышы)

12.Абайдың шын аты кім? (Ибраһим)

Абай Құнанбайұлы қай жылы дүниеге келді? (1845 ж)

13. «Үш бақытым» өлеңінің авторы кім? (М.Мақатаев)

14. «Білім керек бәріңе» өлеңінің авторы кім? (Ф.Оңғарсынова)

15, «Бақ - ұзатылған қыз,Байлық - еритін мұз,Бала артта қалған із.

Өмірдің адамға ең жақсы сыйы – Сыйласқан сіз бен біз», - деген сөздерді қай би айтқан. (Төле би)

4 - кезең "Мың бір мақал" Бұл кезеңде әр топ кезек - кезек мақалдың жалғасын айтудан жарысады.

1.Сыйлап берсе, суын ... ( іш)

2.Мектеп кеме,білім - ..... (теңіз)

3.Жігіттің екі сөйлегені ....( өлгені)

4.Жылы,жылы сөйлесең, .....( жылан інінен шығады)

5.Өнер алды - ...... (қызыл тіл)

6.Досы көппен сыйлас, .................(Досы азбен сырлас)

7.Ас атасы - ........(нан)

8.Оқу инемен,..........................(құдық қазғандай)

9.Ер қанаты, ...(ат)

10.Шешеннің тілі ортақ, .........................(шебердің қолы ортақ)

11.Тіл қылыштан............................................(өткір)

12Алыстан арбалағанша,............................(жақыннан дорбала)

13.Ананың көңілі балада,.....................(баланың көңілі далада)

14.Бал тамған тілден,....................( у да тамады)

15.Сөз тапқанға,...........................(қолқа жоқ)

5 - кезең "Білгенге маржан" кезеңінде дүниетану пәнінен сұрақтар қойылады. Егер дұрыс жауап бермесе, ұпай саны дұрыс жауап берген топқа есептеледі. Дұрыс жауап бермесе қарсы топ жауап беруге болады.
1. Ұя салмайтын құс? ( көкек )
2. Көру мүшес не - (көз)
3. Адам денесінің тірегі – (қаңқа)
4. Орман дәрігері - ( тоқылдақ)
5. Табиғат нешеге бөлінеді? ( тірі, өлі)
6. Адамға қажетті бес нәрсені ата ( ауа, су, күн, жылу, қорек)
7. Қара алтын дегеніміз не?( мұнай,көмір)
8. Қағаз неден жасалады? (ағаштан)
9. Топырақтың құрамында нелер бар? ( су,ауа,шірінді,құм,саз)
10. Шөлге шыдамды жануар ( түйе)

11.Табиғат құбылысына нелер жатады?( боран, жаңбыр ,аяз)

12.Көкжиек тұстарын анықтайтын құрал? (құбылнама)

13.Көкжиектің неше тұсы бар? (оңтүстік,солтүстік,батыс,шығыс)

14.Қазақстанның көмір өндіретін қаласы (Қарағанды)

15.Жер бетінің қағазға кішірейтіліп салынған бейнесі?(карта)
6 кезең: «Эрудиттер сайысы»
Бұл кезеңде топтарымыз салт - дәстүр, әдет - ғұрып бойынша қойылған сұрақтарға жауап береді.
1. Мұсылманның қасиетті кітабы? (құран)
2. Қазақ шопандарының шахматы не? (тоғызқұмалақ)
3. Қылыштан өткір не бар? (тіл)
4. Ең киелі құс не? (аққу)
5. Қазақ ырымында балаға ми жегізбейді. Ол нені білдіреді? (Себебі мидай былжыр, бос белбеу, ынжық болып өседі дейді)
6. Киіз үйдің құрылысында кереге мен шаңырақ ортасын қосатын бөлігі не?(уық)

7. Жеті атаны ата?
8.. Жеті қазына не?
9. Жолаушының мұраты не? (жету)
10. Саудагердің мұраты не? (сату)
11. Ал біздің мұратымыз не? (оқып, білім алу)

12.Қазақ халқы өзінің тұңғыш президентін қашан сайлады? (1 желтоқсан 1991 ж)

13. Саусаққа тағатын бұйым? (жүзік)

14.Жылдың төрт мезгіліне өлең жазған ақын кім? (Абай)

15.Сөзге шебер адамды кім дейді? (шешен)

7 кезең «Жеті жұрттың тілін біл!» Берілген жұмбақты шешіп,мақал – мәтелдерді жалғастыру,жауабын қазақша – орысша,ағылшынша айту

1.Тіл жоқ өзінде, 1. Шықпайды үйден,
Сөзі бар ізінде. (қаламсап-ручка-pen) Тоны жібектен
Күндіз ұйықтайды
2.Қабат-қабат қатталған, Түнде дамыл таппайды
Асыл сөзбен апталған. (мысық-кошка -kat)
Парағы бар сөйлейтін , 2.Білімнің жол басшысы
Ол қазына өлмейтін. (кітап-книга-book) Шәкірттің қолбасшысы

3.Тұмсығымен жорғалар (мұғалім –учитель –teacher)
Соңында аппақ із қалар 3. Ілулі тұр кең алаң (бор – мел- chaIk) Керегімді мен одан

Жазып алам көшіріп
Сүртем сосын өшіріп

(тақта –доска- bIakbood)

4.Әдепті ...........арлы бала, 4. Қыз өссе – елдің көркі.

Әдепсіз бала сорлы бала ........ өссе – жердің көркі

(бала- мальчик- boy) (гүл – цветок -fIower)

8 кезең . Жұптық жұмыс. Қазақта ең тұңғыш...
1. Ең тұңғыш шешен (Жиренше)
2. Ең тұңғыш ғалым, саяхатшы (Шоқан Уәлиханов)
3. Ең тұңғыш қазақ әліппесін жазған (Ахмет Байтұрсынов)
4. Ең тұңғыш биші (Шара Жиенқұлова)
5. Ең тұңғыш елбасшымыз (Н. Ә. Назарбаев)
6. Ең тұңғыш дүние жүзі чемпионы алған палуан (Қажмұқан Мұңайтпасов)

7. Ең тұңғыш ғарышкер (Т..Әубәкіров)

8.Ең тұңғыш қазақтың ағартушы ұстазы (Ыбырай Алтынсарин 1841-1889 ж)

9 кезең. Метаграммалар

1.Ж – дан басталса жыл мезгілі,

Қ –дан басталса ,ол құс белгісі (жаз, қаз)

2.А – дан бастасаң,

Ұлы ақын атамын

А –ны алып тастасаң

Молшылыққа батамын (Абай, бай)

3.Т – дан бастасаң,

Танытамын еліңді

С –дан бастасаң

Қандырамын шөліңді (ту, су)

4.Мені жұтсаң қуанып,

Тыныс алып тұрасың

Қоссаң алдан бір әріп,

Маған суды құясың (ауа-науа)

10 кезең.Топтық жұмыс. Постер қоғау.Балалар біз бүгін «Ойлы болсаң, озып көр» сайсында екі топ өлең шумақтарын өз ойымыздан шығару

«Сұңқарлар» тобы Мектеп,білім туралы

«Тұлпарлар» тобы Туған жер туралы

Хор: Мектеп

ІҮ. Қорытынды.
Мұғалім: Құрметті оқушылар,ұстаздар,біздің бүгінгі «Ойлы бала озар » білімділер сайысы сабағымыз аяқталды. «Бүгінгі білім –ертеңгі байлығымыз».Біз өткенімізді білетін,бүгінді түсінетін, ертеңімізге сеніммен қарайтын азамат болыңдар.Ол үшін Абай атамыздың өсиетті сөздерін есімізде сақтайық.
І топ: Бес нәрседен қашық бол,
Өсек, өтірік, мақтаншақ,
Еріншек, бекер мал шашпақ,
Бес дұшпаның білсеңіз.

ІІ топ: Бес нәрсеге асық бол,
Талап, еңбек, терең ой,
Қанағат, рақым, ойлап қой.
Бес асыл іс көнсеңіз.

Жеңімпаз топты марапаттау.