"Ойлы болса? озып к?р " мероприятия

Батыс Қазақстан облысы. Қаратөбе ауданы.

Мұхит атындағы жалпы орта білім беретін мектебінің бастауыш сынып мұғалімі

Оразалина Самал Ыбырайқызы.

Тақырыбы: Ойлы болсаң, озып көр! ( математикалық сайыс)

Мақсаты: Оқушылардың математикадан алған білімдерін тереңдету. Ой өрісін кеңейту. Жылдамдыққа, ұйымшылдыққа тәрбиелеу.

Көрнекілігі: интерактивті тақта, тапсырмалар

Сайыс жоспары:

1. Таныстыру, ұрандары

2. Математика пәні бойынша сайыс есептерін шығару

Математикадан «Ойлы болсаң , озып көр» танымдық сайысымызды бастаймыз!

Сайысымызды бастамас бұрын бүгінгі сайысқа қатысушы топтармен таныс болыңыздар!

І топ: «Қыран»

ІІ топ «Тұлпар»

Әділқазылар алқасын таныстыру.

Сайысты бастау үшін екі топтың басшылары ортаға шығып 1 және 2 саны жазылған таңдау арқылы сайыстың жүрісін анықтап аламыз. Келесі кезеңдерді 1-ді таңдаған топ бастап отырады.

Сайыс кезеңдері:

1. Таныстыру

2. Сөзжұмбақ шешу

3. Кім шапшаң? Тест тапсырмалары

4. Бәйге жедел сұрақ

5. Жұмбақтар әлемі

6. Кім ұшқыр? ( топ басшыларының жарысы)

7. Логикалық есептер

1-кезең. Таныстыру. «Қыран тобы»

Қыран құстай самғаймыз,

Білім шыңын шарлаймыз.

Адаспай даналардың жолын ұстап,

Өрлейміз өркениет өріне біз.

«Тұлпар» тобы

Білім шыңына өрлейміз басып алға,

Бөгеліс жоқ ер қанаты «Тұлпарға»

Бойдағы бар күшімізді салуға,

Қорықпастан келдік бүгін жарысқа.

2- кезең.

Сөзжұмбақ шешу.

1. Ең кіші төрт таңбалы сан. (1000)

2. Қосуға қарсы амал. (азайту)

3. Бестен кейінгі сан. (6)

4. Бірдей екі санның арасына қойылатын таңба. (тең)

5. Ұзындық өлшем бірлігі. (метр)

6. 100 жыл. (ғасыр)

7. Тоғыз ондық. (90)

8. Фигураның барлық қабырғаларының қосындысы. (периметр)

9. 8 бен 10-ның көбейтіндісі. (80)

10. Кемге қарсы таңба. (артық)

3- кезең: Кім шапшаң?

1. топ:

1.Теңдеудегі х-тің мәнін тап: 6+х=9

А) 15 Ә) 4 Б) 3 В) 10 Жауабы: Б)3

2. 6 қапта 18 кг картоп бар. Бір қапта неше кг картоп бар?

А) 12 Ә) 24 Б) 2 В) 3 Жауабы: В) 3

3. Ұзындығы 45 см , ені 15 см тік төртбұрыш периметрін тап.

А) 120 Ә) 60 Б) 90 В) 30 Жауабы: А) 120

4. 3 ондыққа 4 ондықты қос.

А) 70 Ә) 10 Б) 80 В) 60 Жауабы: А) 70

ІІ топ.

1. Бір дәптер 7 тг тұрса, 3 дәптер қанша тұрады?

А) 21 Ә) 10 Б) 15 В) 4 Жауабы: А) 21

2. Қосындының мәні 17-ге тең өрнекті тап.

А) 9+6 Ә) 8+8 Б) 20-5 В) 9+8 Жауабы: В) 9+8

3. Теңдеудің дұрыс жауабын тап. 37+ х = 54

А) 17 Ә) 91 Б) 15 В) 20 Жауабы: А) 17

4. 9999 санынан кейінгі санды белгіле:

А) 10000 Ә) 9990 Б) 1000 В) 99991 Жауабы: А) 10000

4-кезең: Бәйге. Жедел сұрақ

1-топ:

1. Басталатын нүктесі бар сызық ( сәуле)

1. Қарама-қарсы қабырғалары өзара тең геометриялық фигураны қалай атаймыз? (тіктөртбұрыш)

2. Інісінің 14 асығы бар, ағасының одан 5 асығы артық. Екеуінің неше асығы бар? (33)

3. Шаршының периметрі 44 см қабырғасы нешеге тең? ( 11)

4. Дәптер 5 тг тұрады, Қалам дәптерден 3 тг қымбат. 5 дәптер мен 2 қалам қанша тұрады? (41тг)

5. 10 кг-ның бестен бірін тап. (2 кг)

6. 5-тен бірі 20-ға тең санды тап. (100)

7. Бір тәуліктің 6-дан 1 бөлігі неше сағат? (4 сағат)

8. Кез келген санды 0-ге көбейтсек неше шығады? (0)

9. Ұзындығы 4 см , ені 3 см тіктөртбұрыштың ауданын тап. (12 см²)

2-топ:

1. Тік бұрыш жасап қиылысатын түзу. (перпендикуляр)

2. Барлық қабырғалары өзара тең геометриялық фигураны ата. (шаршы)

3. Айманда 24 гүл бар үштен бірін досына берді. Неше гүл берді?(8 гүл)

4. Ұзындығы 5 см, ені 2 см. Тіктөртбұрыштың периметрін тап. (14 см)

5. Бір бөлке нан 24 тг тұрады. 6 бөлке нан қанша тұрады? (144 тг)

6. 1 кг конфет 150 тг тұрады. 3 кг конфет қанша тұрады? (450тг)

7. 8 метрдің 4-тен бір бөлігін тап. (2 метр)

8. Қандай екі санды бір бірімен көбейткенде олардың нәтижесі осы екі санның қосындысымен болады? ( 2 мен 2)

9. 1,2,3 цифрларын пайдаланып, неше екі таңбалы санды жазуға болады? (9)

10. Сағаттың 4-тен бір бөлігінде неше минут бар? (15 мин)

5- кезең: Жұмбақтар әлемі!

1 топ: Қанша ешкі, қанша қой?

Шұнақ құлақ бес ешкі

Қос-қос лақты қос ешкі,

Төрт қозылы, екі қой

Бәрі бірге ойлап қой. (жауабы: 17 қой мен ешкі)

Неше алма?

Бес бұтақты ағашта-

Бұтақ сайын бес алма

Біреуін бер Омашқа,

Сонда қалмақ неше алма? ( жауабы: 24 алма)

2-топ: Қанша жануар?

Он бір түйе, бес жылқы,

Екі сиыр, бес ешкі

Екі қоян, үш түлкі,

Таба алмасаң бол күлкі. ( жауабы: 28 жануар)

Бақшаға жақсы аға

Көп-көп ойыншық

Келді алып бір балық

Екі есек, төрт түлкі, бес бүркіт.

Алты арғымақ, жеті жарқанат

Сегіз саулық, тоғыз тауық, он торпақ

Болма есепке сен шорқақ

Ауызша, жазбаша қосып шық!

Бақшаға жақсы аға қаншама

Әкелді ойыншық? ( жауабы: 52 ойыншық)

6-кезең: Кім ұшқыр? ( топ басшыларына)

1-топ:

1. Ұшақ А қаласынан В қаласына дейін 1 сағат 20 мин ұшады да, қайтарда 80 мин ұшады. Себебін түсіндір! ( Екеуі бірдей 1 сағат 20 мин, 80 мин)

2. Бір үйдің үш ұлы бар. 3 ұлдың әрқайсысының 1 әпке 1 қарындасы бар. Бұл үйдің баласы неше? ( 5 бала. 3 ұл. 2 қыз)

3. Үш майшам жанып тұрды, екеуін сөндірсе нешеуі қалады? (екеуі, біреуі сөндірілмегесін жанып кетті)

2-топ:

1. Екі артқы аяғымен тұрған күшіктің салмағы 3 кг, ал күшік төрт аяғымен тұрса неше кг болады?(3 кг)

2. 6 кітапты қыздар мен ұлдарға бөліп берген кезде ұлдарда қыздардан 2-уі кем болды. Қыздар мен ұлдар әрқайсысы қанша кітаптан алды? ( ұлдарда 2 кітап, қыздарда 4 кітап)

3. Әділет 12 қабатты үйдің жоғарыдан санағанда 9 қабатында тұрады. Әділет үйдің нешінші қабатында тұрады? (3 қабат)

7- кезең: Логикалық есептер.

1 топ:

1. Ағаш үстінде 100 торғай отырды. Аңшы 10 торғайды атып алды. Торғайдың қаншасы қалды?

( 10 торғай)

1. Айжан мен Маржанның әкелерінің аттарын ата. Айжан мен Маржан, Асқар мен Мұраттың қыздары. Айжан Асқардың қызынан үш жас кіші болса, бұлардың әрқайсысының әкелерінің аты кім? (Айжан Мұраттың, Маржан Асқардың қызы)

2-топ

1. Қайрат Жанардан кіші, бірақ Талғаттан үлкен. Ал Ажар Жанардан үлкен болса, ең үлкені қайсысы? (Ажар)

2. Арман, Аян, Абзал ағайынды үшеуі әр түрлі класта оқиды. Абзал Арманнан, ал Аян Абзалдан кіші емес. Бұл үйдің үлкені, ортаншысы, кішісі кім? ( үлкені Аян, ортаншысы Абзал, кішісі Арман)

Қорытынды. Жеңіске жеткен топты анықтап, дипломдармен марапаттау.