Ашық тәрбие сағаты

Өтетін күні:18.01.2018жыл

Сабақтың тақырыбы: Рухани жаңғырудың жарқын жолы.

Сабақтың мақсаты: Рухани жаңғыруды сипаттау және патриоттық сананы ынталандыратын ұлттық құндылықтарды жаңғырту;

Оқушылардың бойында ұлттық сананы ояту, жас ұрпақ санасына, туған халқына деген құрмет, сүйіспеншілік, мақтаныш сезімін ұялату, ұлттық рухты сіңіру.

Оқыту нәтижесі: Оқушылар рухани жаңғырудың – табысты ел болуымыздың кепілі екенін біледі.

Түйінді идея: Рухани жаңғыру болашаққа бағдар

Көрнекіліктер: ноутбук, нақыл сөздер, суреттер, плакат т/б.

Саламатсыздар ма құрметті ұстаздар,оқушылар?

Бүгінгі «Рухани жаңғырудың жарқын жолы» атты сыныптан-тыс тәрбие сағатымызға қош келдіңіздер!!!

Еліміз жаңа тарихи кезеңге аяқ басты. Біздің мақсатымыз айқын, бағытымыз белгілі, ол – әлемдегі ең дамыған 30 елдің қатарына қосылу. Мақсатқа жету үшін біздің санамыз ісімізден озып жүруі, яғни одан бұрын жаңғырып отыруы тиіс.Сол себептен:

1. Бәсекелік қабілет Қазіргі таңда жеке адам ғана емес, тұтас халықтың өзі бәсекелік қабілетін арттырса ғана табысқа жетуге мүмкіндік алады.

2. Прагматизм Біз жаңғыру жолында бабалардан мирас болып, қанымызға сіңген, бүгінде тамырымызда бүлкілдеп жатқан ізгі қасиеттерді қайта түлетуіміз керек. Прагматизм – өзіңнің ұлттық және жеке байлығыңды нақты білу, оны үнемді пайдаланып, соған сәйкес болашағыңды жоспарлай алу, ысырапшылдық пен астамшылыққа, даңғойлық пен кердеңдікке жол бермеу деген сөз.

3. Ұлттық бірегейлікті сақтау Ұлттық жаңғыру деген ұғымның өзі ұлттық сананың кемелденуін білдіреді. Ұлттық салт-дәстүрлеріміз, тіліміз бен музыкамыз, әдебиетіміз, жоралғыларымыз, бір сөзбен айтқанда ұлттық рухымыз бойымызда мәңгі қалуға тиіс.

4. Білімнің салтанат құруы Білімді, көзі ашық, көкірегі ояу болуға ұмтылу – біздің қанымызда бар қасиет. Табысты болудың ең іргелі, басты факторы білім екенін әркім терең түсінуі керек. 5. Қазақстанның революциялық емес, эволюциялық дамуы Бұл кезеңде елімізде белгілі бір жаңғыру болды.

6. Сананың ашықтығы

Сабақ барысы

Шаттық шеңбер

Бәрі бәрге

Біз балдырған тең басқан,

Дос құшағын кең ашқан.

Тілегіміз тыныштық,

Ашық болсын кең аспан

Мықты болсын іргеміз

Бәрімізде біргеміз. (шарды ұшырады)

Дильназ:

-Қазақ елі дамыған ел

-Арманы орындалған ел

-Заман ағып таң қалмаған ел,

-Азаттығын асқақтатқан ел

-Қаһарман батырлар туған ел

-Сан ғасыр азап шеккен ел,

-Тәуелсіздік егемен алған ел,

-Азаматын ардақтаған ел

-Намысын сақтай білген ел.

(оқушылар әріптерді алып ортаға шығады)

Қ А З А Қ С Т А Н

Бәрі:

- Біз өз Отанымыздың патриотымыз.

- Мы патриоты нашей страны

- We are patriots of our countrу

Адина:

- Бүгінгі таңда Қазақстан Республикасында білім беру жүйесі жаңғыртылуда. Нұрсұлтан Назарбаевтың 2017 жылғы жолдауында «Болашаққа бағдар-рухани жаңғыру» деп аталады. Рухани жаңғыру дегеніміз балалар,әр адам өзінің елін,жерін,әдет-ғұрпын,салтанатын,

экономикасын барлық әлемге таңытып жақсы жағынан көрсету болып табылады. Барлық елдермен қатарлас болу. Терезесі тең,керегесі кең ел қатарын қосылу.

Видеоролик

Мұғалім:

Сұрақтар қойып, жауап алу.

1. Отан деген не?

2. Қазақстанның рәміздерін ата?

3. Қазақстан Республикасының Президентін ата.

Тудың авторы кім? - Шәкен Ниязбеков

Елтаңбаның авторы кім? - Шота Уәлиханов, Жандарбек Мәлібеков.

Әнұранның авторы кім?- Ш. Қалдаяқов, Жұмекен Нәжімеденов, Н. Ә. Назарбаев.

«Галерия» әдісі

Оқушыларға сөздер беріледі, соған байланысты жарда ілулі тұрған суреттерді тауып жабыстыру керек.

1-жұп: Астана қаласы Бәйтерек ЕХРО-2017

2-жұп: Ту Елтаңба Гимн

3-жұп: Ұлттық ою Ұлттық ойындар

Би «Астана вальсі»

Топтық жұмыс

(Постер дайындау және қорғау):

1-топ. Патриот адам кім? Ол өзін қалай көрсетуі керек?

2-топ. Қандай патриот адамды білесіңдер? Олар кімдер? Не үшін?

3-топ: Мен патриотпын себебі?

1-сұрақ бойынша:Нұрбақыт:- Патроиот адам өз Отаны үшін қызмет етеді, абыройын асырады, Отаны үшін жанын құрбан етуге дайын адам.

Нұрай :- Патриот- өз Отанын адал сүйетін, қызмет ететін, өз мүддесі жолында құрбан қылатын, басқа ұлттар мен ұлыстарға кеңпейілділікпен қарайтын адам өзінің Отанына берілген, оның

мүдделеріне қызмет ететін адам.

2-сұрақ бойынша:Мырзабек : - Отанға деген сүйіспеншілік, ұлтына деген ыстық сезімді Алашорда қайраткерлері Ахмет Байтұрсынов, Мыржақып Дулатов, Мағжан Жұмабаев, Сұлтанмахмұт Торайғыров, Тұрар Рысқұлов, Ә.Бөкейханов, М.Шоқай еңбектерінен де кездестіреміз.

Бегзат:-Лаура мен сенің ойынмен қосыламын. Ахмет Байтұрсынов:

- Қазағым елім!

Қайқайып белің,

Сынуға тұр таянып.

Талауда малың,

Қамауда жаның

Аш көзіңді оянып...- десе,

М.Дулатов:

«Көзіңді аш, оян, қазақ, көтер басты» - деген екен. Міне нағыз патриот адамдар

3-сұрақ бойынша: Бегзат :-Себебі біздің бойымызда Отанға деген сүйіспеншілігіміз мол. Болашақта біздер өзіміздің еліміз үшін еңбектенетін боламыз.

Лаура :-Және де елімізді,жеріміздің суын шынайы сүйетін адамбыз. Міне,сол себептен біз өзімізді патриотпыз деп мақтана айта аламыз.

Мұғалім:-Барлықтарыңызды ортаға шақырамын мен «адам» дегенімде билейсіздер, «Мәңгілік ел» дегенімде шеңбер құрып бір-бірімізді ұстап шеңбер құрамыз.

(музыка ойналады)

Мәңгілік Ел болу біздің өз қолымызда. (бәрі бірге)

Шеңбер ашылады ән орындалады. «Тәуелсіздік әні »

Қонақтармен ойын «Құпия сыйлық»

Ал оқушылар қанша заман, қанша ғасыр болса да, атымыз өшпейтіндей, тарихтан ойып тұрып орын алатындай, «Мәңгілік ел» атану қазіргі таңда барша қазақстандықтардың арманы. Ал, сендер балалар, еліміздің мәңгілік атануына, тарихта өшпестей із қалдыруына қандай үлес қоса аласыңдар?

-Ойларыңызды айтып мына қыран құсқа ілесіздер.

(білім аламын,армандаған мамандығым бойынша жұмыс жасап,адамдарға қол ұшын беремін,дәрігер боламын үлкен ата-әжелерімізді емдеймін)

Мұғалім:

“Сен де бір кірпіш дүниеге, Кетігін тап та бар қалан!”- деп Ұлы ақын Абай атамыздың сөзімен сабағымды аяқтаймын.

№52 негізгі мектебі

Сыныптан тыс сағаттың тақырыбы:

«Рухани жаңғырудың жарқын жолы»

Класс: 3 «А

Өткізген: А.И.Карагулова

2017-2018 оқу жылы