Жас дарын интеллектуалды сайыс

«Жас дарын» интеллектуальдық сайыс

(Сыныптан тыс жұмыс)

Мақсаты:
Білімділік: Оқушылардың ойлау қабілетін арттыру, ой-өрісін дамыту, жаңашылдық, ғылым мен техниканың жетістіктерін пайдалану. Математикаға ынтасын, зейінін арттыру, алған білімдерін тереңдету.
Дамытушылық: Оқушының пәнге деген қызығушылығын арттыру. Оқығанын есте сақтай білуге, тиімді тәсілдерді тез таңдай білуге дағдыландыру. Ой-өрісін кеңейту, логикалық ойлау қаблеттерін дамыту, ұжымшылдық қаблеттерін дамыту.
Тәрбиелік: Өз бетімен жұмыс жасай білуге баулу, шапшаңдыққа, ізденімпаздыққа баулу. Сайыскерлердің ойлау, сөйлеу дағдысын дамыту, өз ойын жеткізе білуге, ізденуге қалыптастыру..

Түрі: топтық сайыс сағаты
Типі: ойын түрінде
Көрнекілік: Презентация, математиктердің нақыл сөздер жазылған плакаттар, суреттер, сіріңке таяқшалары, әріптер жазылған қағаздар

Барысы:

Жүргізуші: Армысыздар, қадірлі ұстаздар және де білімін сынамаққа келген құрметті оқушылар! Бүгінгі сайысымызды елбасымыз Н.Ә.Назарбаевтың сөзімен бастайық: “Білімді, интеллектуалды адамдарсыз, озық ғылымсыз Қазақстанның перспективасы жоқ. Қазір адамдардың бәсекелестігі, білімнің бәсекелестігі, ғылымның бәсекелестігі жүруде. Бұған дайындалу қажет.” Осы сайыста көрсеткен білімдерің, күнделікті жақсы оқығандарың - өздеріңнің болашаққа алғашқы қадамдарың болып табылады..

Ойынға 5 топ қатысады, әр топта 3оқушыдан.

Әр топтың ұраны, эмблемасы, сәлемдемесі болуы керек.

Ғылымдардың патшасы атанғансың,

Евклид, Фалес, Пифагордан бата алғансың

«Ақыл ойды тәртіпке» келтіретін,

Нағыз пән математика атанғансың!

Құрметті көрермендер! Сіздерді әділ-қазы алқасымен таныстырып кетуге рухсат етіңіздер:

Біздің «Интеллектуалды жарыс» төрт кезеңнен тұрады.

Бірінші кезең «Математикалық спринт». Бұл кезең шарты бойынша әр команда белгілі уақыт ішінде неғұрлым көп сұраққа жауап беруге ұмтылады.

Екінші кезең «Математика және …». Командалар әр тараудан құны, қиындығына байланысты тапсырмаларды таңдайды, ойлануға 1 минут уақыт беріледі.

Үшінші « Үй тапсырмасы » кезеңінде сіздерге әр команда дайындап келген сұрақтарын қояды.

Төртінші кезең « Сиқырлы әріптер».

Жүргізуші: Бүгін, біз мұнда математика ғылымының қыр – сырымен танысу үшін.

Викториналар шешу үшін жиналдық.

Жүргізуші.

Сайыс бізге сын болсын,

Білмегенге мін болсын.

Командаларды қолпаштап,

Қол соғыңдар кім болсын.

1 Жүргізуші:Ал, енді сөз кезегін, өздерін таныстыру үшін команда мүшелеріне береміз.

2 Жүргізуші: Сайыскерлерге рахмет. Енді асыға күткен сәтке жеттік.

1-жүргізуші. Біз сайысымыздың алғашқы кезеңін бастаймыз. «Математикалық спринт». кезеңінің шартын еске түсірейік, әр команда белгілі уақыт ішінде неғұрлым көп сұраққа жауап беруге ұмтылады. (презентация)

Екінші кезең «Математика және …». Командалар әр тараудан құны, қиындығына байланысты тапсырмаларды таңдайды, ойлануға 1 минут уақыт беріледі. (презентация)

Математика және Дүниетану

20: Ұлу биіктігі 10 м бағанмен жоғары өрмелейді. Күндіз 5 м-ге көтеріледі, ал түнде 4 м төмен түседі.Қанша уақытта ұлу бағанның төбесіне жетеді?

30: Көлде лотос гүлі өседі. Бір тәуілікте ол қақ бөлінеді де , бір гүлдің орнына екі гүл пайда болады.Тағы бір тәуіліктен кейін тағы да екіге бөлінеді. және тағы сол сияқты.30 тәуіліктен кейін көлдің беті гүлге толды. Қанша уақытта көлдің беті жартылай гүлмен толады?

40: Бактериялар қақ бөлу арқылы көбейеді. әр бактерия минут сайын қақ бөлінеді. Егер колбаға 1 бактерия салсақ ол 1 сағатта бактериямен толады. Егер алғашқыда 2 бактерия болса, онда колба қанша уақытта толады?

50: 9 бірдей торғай 1001 ден аз дәнді шұқиды, ал 10 торғай 1100- ден артық дән шұқиды.Әр торғай қанша дәннен шұқып жейді?

Математика және қазақ тілі

1. 20: Ертеден ұзындық өлшеміне не алынбады десеңші: қадам, оқ жетер жер, шынтақ және алақан. Аз қашықтықты өлшеуге бармақтың буыны қолданылған. Бұл өлшемнің атауы голланд тілінен аударғанда «бармақ» дегенді білдіреді. Бұл қандай ұзындық өлшемі?

2.  30: Бұл есепті тарихи деп қарауға болады, себебі қазір ондай таразы қолданылмайды. «бір таразыға дөңгелек ірімшікті салды, ал екіншісіне дөңгелек ірімшіктің ¾-ін және килограмдық кірді салды. Сонда теңбе-тең болды. Дөңгелек ірімшік қанша тартады?і»

3.  40: ХІХ ғасырда өмір сүрген ұлы математик Карл Гаусс жас кезінен математикаға қабілеті зор болды. Ол үш жасында әкесінің есептеуден жіберген қателерін түзеткен,- дейді.Жеті жасынан ол мектепке барды. Ол кезде бір сынып бөлмесінде бірнеше сынып оқушылары дайындалатын. Үшінші сынып оқушыларымен жұмыс істеу керек болғандықтан, бірінші сынып оқушыларына 1-ден 100-ге дейінгі сандарды қосуды тапсырады.Мұғалім тапсырманы айтып болмастан, кішкентай Карл өзінің парағына жауапты жазып мұғалімнің үстеліне қояды.Сендер 1-ден 100-ге дейінгі сандардың қосындысын тез таба аласыңдар ма?

4. 50: Біз қазір қолданып жүрген цифрларды арабтар Үндістаннан әкелген. Ежелгі Грецияда цифрлар үшін арнайы белгілердің орынына әріптер қолданылған. Ежелгі грек цифрлары тарих қойнауында қалды, ал ежелгі рим цифрларын біз әлі күнге дейін қолданып жүрміз. Рим цифрларын I, C, X, M, V, D, L араб цифрларымен 1, 5, 10, 50 , 100, 500, 1000 сәйкестігін табыңдар.

• Ребустар.

1. 20: Сіріңке шилерінен үй жасалған (суретті қара). Екі шиді қозғау арқылы үйді екінші жағына бұру керек.

2. 30: Сіріңке шиінен істелген шаян жоғары өрмелеп барады (суретті қара). Үш шиді қозғау арқылы төмен қарай қалай жылжытамыз.

3. 40: Тоғыз сіріңке шиінен жасалған таразы теңгерілмей тұр (суретті қара). Бес шиді қозғау арқылы, қалай теңестіруге болады?

50: Он сіріңке шиінен істелген екі стаканнан алты шиді қозғап, қалай үй жасауға болады?

Ребустар.

20: Шаруа адам өзеннен қасқырды, ешкіні және шөпі өткізу керек.Қайыққа тек бір ғана адам сыяды және ол өзімен не қасқырды, не ешкіні, не шөпті алып өте алады.Егер ешкі мен қасқырды тастап, шөпті алса, онда қасқыр ешкіні жеп қояды. Егер шөппен ешкіні қалдырса, онда ешкі шөпті жеп қояды.Шаруа өз жүктерін қалай алып өтеді?

30: Торғайлар ұшып келді де , бұтаққа отырды.Егер әр бұтақта бір торғайдан болса,онда бір торғайға бұтақ жетпейді. Егер әр бұтаққа екі торғайдан қонса, онда бір бұтақта торғай болмайды. Қанша бұтақ және қанша торғай болған?

40: Торда қояндар мен тауықтар бар. Олардың 35 басы және 94 аяқтар бар.Торда қанша қоян және қанша тауық бар.

50: Бес балықшы бес балықты бес күн жеді. Ал он балықшы он балықты неше күн жейді?

Үшінші « Үй тапсырмасы» кезеңінде сіздерге әр команда дайындап келген сұрақтарын қояды. (презентация)

Төртінші кезең «Сиқырлы әріптер»
Мына әріптерден неғұрлым көп математикалық терминдер жазыңдар.

2-жүргізуші. Әділ-қазылар алқасы нәтижесін шығарғанша, музыкалық үзіліске кезек берейік.

Шеберлікті, білімді,

Сараптап сендер көрдіңдер.

Әділқазы алқасы

Әділ баға беріңіздер, деп

Сайысымыздың қорытындысын шығару үшін сөз кезегін әділқазы алқасына берейік.

« Озық ойлы» атағының иегері...

«Білімі шексіз» атағына ие болған

«Жас аналитик» атағына ие болған

«Ең тапқыр » атағына ие болған

1-жүргізуші:

Негізі бар ғылымның математика

Жалықпай оқып үйрен тек қана

Білімнің кілтін ашты,көзін тауып,

Ньютон, Колмогоров,Ковалевская.

Бүгінде математика барлық жерде

Құрылыста, техникада өндірісте

Сырларын бұл ғылымның үйреніңдер,

Жас достар зерделікпен меңгеріңдер.

2-жүргізуші:

Осымен «Жас дарын» атты интеллектуальды сайысымызды аяқтауға рұхсат етіңіздер.

Өткізген: Джамалиева Молдир Дилдабековна