Ормандағы қоян!

Іс-әрекет кезеңдері

Педаготың іс-әрекеті

Балалардың іс-әрекеті

Мотивациялық-қозғаушылық

Ұйымдастырушылық-ізденістік

Шаттық шеңбері

Біздер жақсы баламыз

Өсті ақыл санамыз

Қонақтармен ең алғаш,

Амандасып аламыз.

Сәлеметсіздер ме!

-Балалар бір жылда неше мезгіл бар?

-Атайықшы

-Қазір жылдың қай мезгілі?

-Күз айларын атайықшы?

Күз мезгілінде ауа-райы қандай болады?

Балалар, біздер бүгін үйде және орманда мекендейтін аңмен танысамыз.

Балалар мен қазір сіздерге жұмбақ жасырамын.

Жұмбақ

Көлеңкесінен қорқып безектейді,

Ал оның баласын көжек дейді.

Тәрбиеші: Жарайсыңдар, балалар, бұл қоян. Балалар тақтаға назар аударайықшы.

• Бұл қандай аң?

• Ол қайда мекендейді?

• Қоянның баласын қалай атаймыз?

• Қоян қандай аң?

• Қоян немен қоректенеді?

• Қоянның түсі қандай болады?

Жабайы қояндар шөл-шөлейтте, орманды далада мекендейді. Өсімдіктермен қоректенеді. Қоянның құлағы ұзын, құйрығы үлпілдеген қысқа. Артқы аяқтары алдыңғы аяқтарына қарағанда ұзын. Сондықтан биіктеу жерлерге тез көтеріледі, ал биіктен түсерде қоян қиналады, кейде домалап та кетеді. Қоянның көзі басының ортасында емес, екі жағында орналасқан. Тісі өткір. Қоян маусымға байланысты өз түсін өзгертіп отырады.

Сөздік жұмыс: қоян-заяц, ұзын- длинный, құлақ- уши, сұр-серый.
Тосын сәт:

Балалар, бізге қонақ келген сияқты, есікті біреу қағып тұрған секілді.

Секіріп қоян кіріп келеді.

Сәлеметсіңдер ме, балалар!

Қоян:

Мен сендермен танысайын деп келе жатырмын.

Тәрбиеші:

Сәлеметсіз бе қоян! Қош келдіңіз, біз сіз туралы айтып жатқан едік.

Қоян: - Солай ма? Онда мен жақсы келген екенмін.

Тәрбиеші:

-Сіз жайғасып, тынығып алыңыз.

Қане, балалар кім қоянға тақпақтар айтып береді?

Айдын:

Ерінбе қояным,

Ертеңмен оянғын.

Секеңде сен енді

Шынықтыр денеңді.

Айару:

Ақ қоян-ау, ақ қоян,

Үркек қоян, сақ қоян.

Қаша берсең орманға,

Қорқағым деп ат қоям.

Інжу:

Мен кішентай көжекпін,

Қорқақ емес өжетпін.

Маған зорға тигені-ай

Үлкендерден кезектің.

Қоян: Ой, бәрекелді! Мен жайлы әдемі тақпақтар айтып бердіңдер. Рахмет сендерге!

Ал енді балалар жапырақтан қоянның бейнесін құрастырып берейікші.

Тәрбиеші: - Жарайсыңдар балалар! Олай болса орнымыздан тұрып, бойымызды сергітіп алайықшы.

Сергіту сәті:

Ұзын құлақ сұр қоян,

Естіп қалып сыбдырды.

Ойлы- қырлы жерлермен

Ытқып-ытқып секірді.

Қарап еді артына,

Қиығын сап көзінің.

Келе жатқан томпаңдап,

Көжегі екен өзінің.

Дидактикалық ойын:

«Сәбізді жинау»

Ендеше балалар ойын ойнайық. Мына себеттерге қоянның сүйікті асы «сәбізді» қоянымызға екі топқа бөлініп, жылдам жинап берейік. Тобымыздың атын қояйық. Бірінші топ қырандар, ал екінші топ жүйріктер болсын.

Себеттерге қанша сәбіз салғанымызды санайық. Сөйтіп жеңімпаз топты анықтаймыз.

Қоян: - Ой рахмет, жақсы балалар екенсіңдер. Мен туралы көп біледі екенсіңдер. Олай болса мен жүрейін, тағы да баратын жерлерім бар еді.

Балалар бірге қайталайды.

Төрт мезгіл

көктем, жаз, күз, қыс.

Күз

Қыркүйек, қазан,

қараша

Жапырақтар сарғаяды, күн суыта бастайды,жемістер мен көкөністер піседі.

Қоян

Қоян

Орманда, үйде

Көжек

Қорқақ, құлағы ұзын, сүйкімді аң.

Сәбіз, орамжапырақ

Ақ, сұр.

Балалар тәрбиешіні мұқият тыңдайды.

Балалар қайталап айтады.

Балалар қиыл-қозғалыс арқылы көрсетеді.

Балалар қоянға сәбізді жинап береді.

Балалар себеттердегі сәбіздерді үш тілде санап береді.

Жеңіске жеткен топ қуанады. Жинаған сәбіздерін қоянға сыйға тартады.

Рефлекциялық – түзетушілік.

-Балалар біз бүгін нені құрастырып үйрендік?

• Қоян

• Қоянның баласын не деп айтамыз?

• Қоян нені жақсы көреді?

• Қоянды неден құрастырдық?

• Балалар сендер оқу қызметіне жақсы қатысқандарың үшін қоян естелік ретінде суретін тастап кетті,соны сендерге таратып берейін.

• Осымен ұйымдастырылған оқу қызметіміз аяқталды.

• Тыңдағандарыңызға рахмет! Келген қонақтарға сау болыңыздар деп айтайық!

Сұрақтарға жауап береді.