"Ондық бөлшектерді қосу және азайту"

Математика 5^А,Г-сынып

Күні :

5- ТАРАУ Ондық бөлшектер .

Ондық бөлшектерді қосу және азайту

Сабақтың тақырыбы: Бөлшек сандардың ондық жазылуы

Сабақтың мақсаты:

• Ондық бөлшек туралы түсінікпен таныстыру , ондық бөлшекті жазып,оқи білуге үйрету, бөлімінде 2 немесе 5 сандарынан басқа жай көбейткіштер болмайтын жай бөлшектерді ондық бөлшек түрінде жазуға үйрету.

• Оқушылардың логикалық ойлау қабілеті мен есептеу дағдыларын жетілдіру. Белсенділіктерін арттыру, оқушылардың пәнге деген қызығушылығын дамыту.

• Оқуға саналы сезімге, жауапкершілікке өз бетінше еңбектенуге тәрбиелеу. Тез ойлап , тез қорытуға және сөйлеу мәнеріне тәрбиелеу.

Сабақтың түрі: Жаңа білім беру сабағы

Сабақтың әдісі: баяндау,әңгімелесе отырып түсіндіру,есептер шығару , сұрақ –жауап.

Сабақтың көрнекілігі: Сабаққа қатысты сызбалар , тірек схемалары , дидактикалық ойындар : «Күн»

Сабақтың өту жоспары:

1 .Ұйымдастыру бөлімі.

2. Сабақтың барысымен таныстыру.

3. Жаңа сабақ түсіндіру.

4. Жаттығу жұмыстары. А , В деңгейінің тапсырмалары.

5. Дидактикалық ойындар .

6. Үйге тапсырма.

7. Бағалау.

Сабақтың барысы:

Күрделі есептеулерді жай бөлшекпен есептеу қиындық туғызады. Сондықтан бөлімдері 10,100,1000 т.с.с жай бөлшектерді бөлімсіз жазу қабылданды.

Мысалы :

• Ондық бөлшектің бөлшек бөлігінің цифрлары ондық таңбалар деп аталады.

• Бірліктен де кіші разрядтары бар ондық жүйеде жазылған сан ондық бөлшек деп аталады.

• Бөлімдері 10,100,1000 т.с.с . разряд бірліктері болатын сандарды ондық бөлшек түрінде жазу үшін :

  1. санның бүтін бөлігін ( ол нөлге тең болуы мүмкін) жазып , одан кейін үтір қою керек;

  2. үтірдің оң жағына берілген бөлшектің алымын жазу керек;

  3. бөлшектің бөлімінде қанша нөл болса , үтірден кейін сонша ондық таңба жазылады. Алымдағы таңбалар аз болған жағдайда үтірден кейінгі (алымдағы ) цифрлардың алдына қажетінше нөлдерді (нөлді) жазу керек.

• Бөлімдерінің жай көбейткіштерге жіктелуінде 2 ме 5 сандары ғана болатын қысқартылмайтын жай бөлшектерді ондық бөлшек түрінде жазуға болады.

Мысалы :

• Демек , жай бөлшекті ондық бөлшек түрінде жазу үшін , жай бөлшектің бөлімі 10,100,100 және т.с.с. болатындай натурал санға оның алымын да , бөлімін де көбейту керек.

• Егер бөлшектің бөлімдерінің жай көбейткіштерге жіктелуінде 2 ме 5 тен басқа да жай көбейткіштер бар болса , онда оны жай бөлшек түрінде есептеу керек.

• Кез келген ондық бөлшекті жай бөлшек түрінде жазуға болады.

4. Жаттығу жұмысы. А деңгейінің тапсырмалары

Оқулықтан № 888,889,890,891,892,893,894 есептердің тақтары

В деңгейінің тапсырмалары. № 896,897

Дидактикалық ойындар. «Күн»

Тапсырмалар үлестірмелі парақтарға жазылады.

5. Сабақты қорытындылау.

1. Бөлімі 10,100,1000 және т.с.с. жай бөлшектерді бөлімсіз қалай жазуға болады?

2. Ондық бөлшектің жазылуында үтір қайда қойылады?

3. Ондық бөлшектің жазылуындағы қай цифрлар ондық таңбалар деп аталады?

6.Үйге тапсырма. № 889 ,892,893,894 есептердің жұптары

В деңгейінің тапсырмалары. № 896,897

7. Бағалау.

ондық таңбалар

35,418

бүтін бөлігі бөлшек бөлігі