"Он көлеміндегі сандарды қосу және азайту"

1 сынып

Математика

Сабақтың тақырыбы: 10 көлеміндегі сандарды қосу және азайту

Сабақтың мақсаты:

1. Оқушылардың  математикалық ойлауын дамыту.  2-6  сандарын  қосу    және  азайтудың  кестелік    жағдайларындағы  есептеу  дағдыларына  машықтандыру,  айырмалық  салыстыруға  және  қалдықты  табуға  берілген  есептерді  шығару  білігін  дамыту.

2. Ой-өрісін, логикалық  ойлау, мұқият  тыңдау  қабілетін  дамыту.

3.Ұқыптылыққа,  тазалыққа  баулу,  аяушылық,  қамқорлық  сезімдерін  ояту.

Сабақтың көрнекіліктері: Бауырсақ ертегісінің кейіпкерлері, жолақшалар,аралар және гүлдер, ағаштың,  жапырақтың суреті.

Сабақтың барысы

1.Ұйымдастыру кезеңі: Оқушылардың зейінін сабаққа  аудару.

2. Шаттық шеңбері: Гүл беру арқылы бір-біріне жылы сөздер айтады. Оң қолдарын жүрекке қойып, жылуларын үрлеу арқылы таратады.

Жаңа сабақ:

-Балалар бүгін сабақта  10 көлеміндегі сандарды қосып алуды, салыстыруды, қалдықты табуға берілген есептерді қайталаймыз.

Көркем  жаздыру.         55  66   сандарын  көркем  етіп  жазу.

-Балалар, бүгін ерекше күн бізге көп қонақтар келді. Қонақтармен амандасамыз.  Сендер серуендегенді ұнатасыңдар ма?

 Ендеше біз сендермен орманға саяхатқа шығамыз.

 -Балалар не көріп тұрсыңдар?

Осы кедергіден өту үшін мына тапсырмаларды орындауымыз керек.

Ауызша есеп:

7+3         9+1         5+5            6+4      8+2

4+2         4+4         3+3         4+6         10-2

5+3         5+4         4-2

-Кедергіден өттік.

-Мынау не екен,  балалар, бір хат тұр. Алып оқимын.

Хат :

-  Сәлеметсіңдерме, 1 «А» сынып оқушылары, мені көп аңдар  қуып келеді, орманнан қорқып қашып келемін, маған көмек беріңдерші, құтқарыңдаршы. Тапсырманы орындасаңдар, менің не екенімді білетін боласыңдар.

Тапсырма: Миға шабу

-Көршіңнің көзі нешеу

-Бес торғайдың басы нешеу

-Екі балапанның аяғы нешеу

-Қолың мен аяғыңды қосқанда қанша болады

-Қандай аң ағаштан ін жасап алады.

-Саған әкеңнің әкесі кім болады

-Атуға болмайтын құс

-Алманың ішінен өзіне үй жасап алады,

Ол не

-Екі бұзаудың аяғы нешеу

Тапсырманы орындап болған соң, қағазды ашамын.

-Бұл не-

-Бауырсақ.

-Балалар,Бауырсақ  ертегісін бәріңде білесіңдер ме?

-Ол орман аңдарынан  қашып келеді екен, біз көмектесе аламыз ба?

-Көмектесеміз.

-Бұл жерде не жасырынған екен,қағазды алып оқимын.

Жұмбақ:

 Өз көлеңкесінен,

Өзі қорқады.    /қоян/

1.Қоянның тапсырмасы:

-Бауырсақты қояннан құтқару үшін оқулықтан 130 - беттегі  1-есепті шығару керекпіз.

-Балалар есептің тапсырмасын оқимыз.Іштей оқытамын.

-Кім оқып береді?

Бір балаға дауыстатып оқытамын, кейін өзім оқып беремін.

Оқы. Есепті салыстыр және шығар.

1-баған:

1-Есепте кім туралы айтылған?

-Айгүл туралы.

-Айгүл не істеді?

-Лента сатып алды.

-Ол қуыршағына қандай ленталар сатып алды:

-Қызыл, көк ленталар сатып алды.

-Неше см  қызыл лента сатып алды?

-10 см лента сатып алды.

-Неше см көк лента сатып алды?

-5 см лента сатып алды.

-Бізден не сұрап тұр?

-Көк лента қызыл лентадан неше  сантиметр қысқа?

Оқулықтан тауып оқытамын.

-Қай лента ұзын болып тұр?

-Қызыл.

-Ал, көк лента туралы не білеміз?

-Көк лента қысқа.

-Көк лента қызыл лентаға қарағанда неше сантиметрге қысқа болып тұр?

-5 см-ге.

-Ал қалай таптыңдар?

-10-5 алдық.

-Неге алдыңдар?

-Себебі қысқа деп тұр.

-Қандай амалмен шығардыңдар.

–Алу амалымен шығардық.

-Дұрыс, неше сантиметрге қысқа екенін табу үшін қанша, неше, артық, кем, қысқа десе, ылғида аламыз.

Кім есебін тақтаға шығарады.

10-5=5 /см/

-Енді не істейміз?

-Жауабын жазамыз.

-Қалай жауап береміз?

Жауабы: 5см қысқа.

Дәптерлеріне жазғызамын.

2-баған:

Іштерінен оқытып, балаға және өзім оқимын.

-Бұл есепте кім туралы айтып тұр

-Ажар туралы.

-Ажар қуыршағына не сатып алды

-Лента.

-Неше сантиметр лента сатып алды

-10см.

-Сатып алғаннан кейін Ажар не істеді

-Қиды.

-Не үшін қиып алды

-Қуыршағының шашына байлау үшін.

Неше сантиметр қиып алды

-5 см қиып алды.

-Ал, енді қиып алғаннан кейін  неше сатиметр қалды

-10-5=5 қалады.

-Қалай таптыңдар

-10-5 ті алдық.

-Неге алдыңдар

-Неден нені алдыңдар

-10-5

-Неше см қалды

-5см қалды.

Есепті тақтада жазғызу.

10-5=5 5/cм/

-Есепке жауап бердік пе

-Жоқ.

-Ал қалай жауап береміз

-Бізден не сұрады

-Неше сантиметр лента қалды?

Жауабы: 5см қалды.

Дәптермен жұмыс:    Дәптерлеріне жазғызу.

-Енді, балалар, есептерді салыстырайық.

-Бұл есептердің ұқсастығы неде

-Сандарында.

-Айырмашылығы неде

-Сұрақтарында.

Сергіту сәті:       Қара жорға биі

2.Жұмбақ:  

Ит десең ол ит емес,

Бірақ ол орманды мекен етеді.            /қасқыр/

Қағазды ашып,қасқыр екенін көрсету.

2. Қасқырдың тапсырмасы:   

2-есеп

Мәні  4-ке тең болатын қосындыларды жаз.

Қосылғыштардың компоненттерін қайталау.

3+1      2+2      1+3      0+4 

Тақтада шығарып, дәптерде жаздыру.

4. Жұмбақ:

Қыста ұйықтап,

Көктемде оянады.       /АЮ/

Аюдың тапсырмасы:

4-есеп.

Азайғышы 5 болатын айырмаларды ата. Айырмаларды мәндерінің өсу ретімен жаз.

Азайғыштың компоненттерін атау, жеке, хормен айтқызу.

Бірінші азағышы 5 болатын айырмаларды атату.

5-5=0

5-4=1

5-3=2

5-2=3

5-1=4

5-0=5

4. Жұмбақ:

Өзі қу,

Жүрген жүрі, айқай шу.    /түлкі/

4.Түлкінің тапсырмасы:

Кел, ойнайық:  Араларға бал жинауға көмектесейік!

4+2-3=3           5-5+4=4     7-4+3=6                2+5+3=10             3+2=5

6+1-4=3                10-7+2=5             2+3+1=6               4-2+6=8

6.Рефлексия:

Бүгінгі сабақта менің үйренгенім..

Маған өте қызықты болды.

Маған қиын болды..

7.Бағалау:

Тақтада екі ағаш іліп қоямын, егер сабақ ұнаса, жақсы қатыстым деп ойласаңдар жасыл жапырақты бірінші ағашқа, сабақ ұнамаса, дұрыс қатыспадым деп ойласаңдар сары жапырақты екінші ағашқа жапсырасыңдар.

8.Үйге тапсырма:  Дәптерден -26 беттегі  4-есеп.