Математика еліне саяхат

іс-әрекет

кезеңдері

Педагоктің іс -әрекеті

Балалардың іс-әрекеті

Мотивациялық-қозғаушылық

Балалар, бүгін бізде ерекше күн, бізге қонақтар келіпті. Қонақтарға «Сәлем- тәрбиенің басы» демекші, сәлемдесейік.

Күннің көзі ашылып,

Көкке шуақ шашаылып,

Құтты қонақ келіпті,

Төріме міне еніпті.

Амандасу үлкенге

Тәрбиенің басы ғой

Ал, кәнекей бәріміз,

«Сәлем» дейік үлкенге,

Сәлеметсіздер ме, апайлар!

Балар қонақтармен сәлемдеседі.

Ұйымдастырушылық-ізденістік

Балалар, бүгін бізде, қарапайым математикалық ұғымдар туралы ашық оқу қызыметі. Мен сендерге «бүгінгі күндерің сәтті болсын» деймін. Балалар қазір жылдың қай мезгілі?

Қыс мезгілінде неше ай бар?

Бір аптада неше күн бар?

Балалар, мен сендерге жұмбақ жасырайын, мұқият тыңдаңдар.

Туысқан бес кісі

Бірінен-бірі кіші

Бәрінің аты бар

Ең кішісі шеткісі.

Сандарға арналған санамақты кім біледі?

«Бір уйде біз нешеуміз?» санамағы.

Бас бармақ – әкем.

Балан уйрек- шешем,

Ортан үйрек – ағам,

Шылдыр шүмек- әпкем,

Кішкентай бөбек – мен .

Бір үйде біз нешеуміз?

Бір үйде біз бесеуміз.

Жазық далада үлкен емес, кіші емес бір үйшік тұрады. Сол жазық дала бойымен 1 саны жүгіріп келіп, үйшікті көреді де есікті қағады.

1 саны ешкім дауыс бермеген соң ішке кіреді. Осында мен тұрайын деп отырады.

2 саны Келе жатып жазық далада тұрған үйшікке жақын келіп, есікті қағады.

-Кім бар?

1 саны: Мен- 1 санымен, өте нәзік жіңішке.

Ал сен кімсің?

2 саны: Мен 2санымын, қызыға сен қарағын.

Мен сенімен тұрайыншы?

1 саны: Менің тапсырмамды орындасаң, бірге тұрамыз. Мен тұрған үйдің төбесі неше бұрыштан жасалған?

2 саны санай отырып: Үшбұрыш- деп жауап береді де ішке кіреді.

3 саны келе жатып жазық далада тұрған үйшікке келіп есікті қағады.

-Кім бар?

1 саны: Мен- 1 санымен, өте нәзік жіңішке.

2 саны: Мен 2санымын, қызыға сен қарағын. Ал сен кімсің?

3 саны: Мен 3 санымын, құралған екі ілмектен.

Мен сендермен тұрайыншы?

1-2 сандары: Біздің тапсырмамызды орындасаң бірге тұрамыз. Біз тұрған үйшіктің қабырғасы неше бұрыштан жасалған?

3 саны Төрт бұрыштан, - деп үйдің қабырғаларын санап жауап беріп, үйге кіреді.

4 саны келе жатып жазық далада тұрған үйшікке жақын келіп, есікті қағады.

-Кім бар?

1-2-3 сандары:

1 саны: Мен- 1 санымен, өте нәзік жіңішке.

2 саны: Мен 2санымын, қызыға сен қарағын.

3 саны: Мен 3 санымын, құралған екі ілмектен.

Ал сен кімсің?

4 саны: Мен 4 санымын, иілген үшкір шығанағым.

Мен сендермен тұрайыншы?

1-2-3 сандары: біздің тапсырмамызды орындасаң бірге тұрамыз. Біз тұрған үйшіктің терезесі қандай пішіннен жасалған?

4 саны ойланып тұрып: Дөңгелек пішіннен, - деп жауап береді де үйдің ішіне кіреді.

5 саны келе жатып жазық далада тұрған үйшікті көріп жақын келіп есікті қағады.

-Кім бар?

5 саны: Есік тұтқасын ұстап ойланады. Әрі ойланып, бері ойланып сопақша пішін деп жауап беріп, үй ішіне кіреді. Осылайша сандар бірге тату-тәтті дос болып бірге тұрады.(сандар қатарымен бірге тұрады)

Балалар, қандай сандар екен?

Осы сандармен ойын ойнайық.

Бірінші ойын «Қандай сан жоқ?»

Мақсаты: Ойлау қабілеттері арқылы сандарды санау арқылы, жоқ санды табу.

Сергіту сәті:

1 дегенде тұрайық.

2,3,4 – алақанды соғайық.

Оң жаққа бұрылып,

Сол жаққа бұрылып

Бір отырып бір тұрып

Біз жүгіріп алайық.

5 дегенде асықпай

Орнымызды табайық.

Тәрбиеші: Балалар, есікті біреу қағып жатқан сияқты, естисіңдер ме?

• Хош келдің, сен кімсің?

Жалқаубек: Саламатсыңдар ма, балалар, менің есімім Жалқаубек. Мен жолда келе жатып көп құлыптар тауып алғанын айтады. Қолындагы алтын кілті ашпай балалардан көмек сұрайды. Оған қоса тәрбиеші апайым тапсырма беріп еді. Сендер көмектесесіңдер ме?

Жалқаубек:

1-тапсырма: сандарды тура және кері санау.

2-тапсырма: мына пішіндер қандай пішіндер деп аталады? Қанша бұрыштары бар? Түстері қандай?

Санамақ таяқшалардан қандай пішіндер құастыруға болады?

«Кілтті тап» дидактикалық ойын:

Мақсаты құлыптарға сай геометриялық пішіндерден кілттерді тауып орналастыру.

Тәрбиеші Жалқаубекпен бірге ойын ойнайық.

«Не өзгереді?» ойыны

Мақсаты: Орын алмасқан заттардың оң жақ, ортасында, сол жақ, арт жақ, алды жақта не зат тұрғанын, не өзгергенін ойлау қабілеттерін дамыта отырып жауап беру.

Тәрбиеші: Жарайсыңдар, балалар, орындарыңа отырып дәптерде берілген тапсырманы орындайық. Жалқаубек сен де бізбен бірге орында. Жалқаубек біздің балардың білімге деген құштарлығын байқаған боларсың. Сен де апайлар берген тапсырмаларды күнделікті орындап жүр. Балалар, сендерге көп-көп рахмет. Сау болыңдар балалар.

Қыс мезгілі.

Үш ай: желтоқсан, қаңтар, ақпан.

Жеті күн: дүйсенбі, сейсенбі, сәрсенбі, бейсенбі, жұма, сенбі, жексенбі.

Бес саусақ.

Балалар барлығы бірге айтады.

1,2,3,4,5.

Балалар жоқ сандарды табады.

Көмектесеміз.

(Балалар тапсырманы орындады)

1-тапсырма жауабы:1,2,3,4,5; 5,4,3,2,1.

2 – тапсырма жауабы: Геометриялық пішіндер.

Үшбұрыш- сары түс

Тіктөртбұрыш-көк түс

Шеңбер- күлгін түс

Сопақша- қызыл түс

Бесбұрыш – сәбіз түстес

Шаршы- жасыл түс.

санамақ таяқшалардан үшбұрыш, төртбұрыш құрастырады.

Құлыптарға сай пішіндерден жасалған кілттерді орналастырады.

Балалар берілген тапсырманы қызыға орындайды.

Балалар ойынды қызыға орындады.

Сау бол.

Рефлексиялық-түзетушілік

Балалар бүгін қандай сандармен таныстық?

Пішіндерді атаңдар?

Біз кімге көмектестік?

1 2 3 4 5

Балалардын жауабы.

Жалқаубекке көмектестік.