Бөлімі Математика
Тақырыбы: 6 саны мен цифры
Мақсаты:
Білімділік:. 6 саны, оның цифрымен таныстыру, 6 санының пайда болуы, қосу, азайту таңбаларын қолданып, есептер құрастыру.
Дамытушылық:. Ойын түріндегі тапсырмаларды беру арқылы логикалық ойлау қабілетін дамыту. Пәнге қызығушылығын арттыру.
Тәрбиелік: Түрлі математикалық тапсырмаларды орындау кезіндегі шапшаңдылыққа тәрбиелеу. Ұқыптылыққа, жинақтылыққа тәрбиелеу.
Көрнекілік: Кеспе цифрлар, суреттер.
Сабақ барысы: І. Ұйымдастыру.
Сабаққа қажет құрал жабдықтарды дайындау.
- Шаттық шеңбері:
Қол ұстасып бәріміз,
Жылылықты сезейік.
Шуақ шашқан күндей боп,
Күлімсіреп жүрейік.
IIӨткен сабақты қайталау 1-5 дейінгі сандарды қайталау
Ойын:»Сан тастамақ». Шарты:1-5 дейінгі сандарды ретімен қою
Тура жәнә кері санату
«Көршісін тап» ойыны.
М. Қуанышбековтың «Бес саусақ» өлеңін жатқа айту.
Ал, санайық,саналық,
Саусақтарға қарап -ап
Қане,қане,саналық
Санын біліп алайық,
Біреу,екеу,үшеу,төртеу,бесеу,
Қолымда саусағым нешеу?(5)
ІІІ. Жаңа сабақ.
Өрнек құрастыру.
Аулада 5 балапан жайылып жүр еді, оған 1 балапан келіп қосылды. Аулада неше балапан болды? (6)
6 цифрымен таныстыру.
6 саны қалай шыққанын айтып, өрнек жазу.
5+1=6
1+1+1+1+1+1=6
4.Оқулықпен жұмыс:
5. Суретте тізілген үшбұрыштың нешеуі боялған және қандай түсте?
- Алтауы боялған, қызыл түсте боялған.
№ 1 тапсырманы орындау.
- Суретте ақ тиіннің неше жаңғағы бар?
- Бесеу
- Енді біреуін қосып еді нешеу болды?
- 6 жаңғақ болды 5+1=6
- 6 торғай отыр еді, оның біреуі ұшып кетті? Нешеуі қалды?
6-1=5
5.Сан құрамын анықтау:
2) Бүгін бізге қонаққа Бағбан ата мен немересі келіп, олар күзде жеміс, көкөністерін жинап болып, сендерге алма ағашын алып келген екен, ондағы алмалар сиқырлы алмалар екен, әр алманы алып оның тапсырмасын орындаңдар.
1. 3 санының алдыңғы көршісін тап.3
2. 4 саңырауқұлаққа 2 саңырауқұлақты қосса, қанша саңырауқұлақ болады?
3. 3 қызанаққа, 3 қиярды қосса қанша болады?
IV. Сергіту сәті.
Шаршағанда ырғалып
Гүлге ұқсап демалам.
Қанатымды бір қағып,
Гүлдей болып жайқалам.
V.- Балалар 6 цифры неге ұнайды?
- Ожауға.
6. Дәптермен жұмыс.
6 санын үзік сызықтың үстінен бастырып жаздырту.
Сабақты балаларға бағалату.
Жақсы қатысқан топтарды мадақтау.
Сабақты сұрақ-жауап түрінде қорытындылау
Сабақты аяқтау.
