3-сынып
Сабақ түрі:қайталау. Сабақ типі:жарыс сабақ.
Тақырыбы: Математикалық Ғаламға саяхат.
Мақсаты: Оқушылардың бойындағы шығармашылық қабілеттерін дамыту; есептеу дағдыларын жетілдіріп, математика пәніне деген қызығушылығын ояту; жауапкершілік сезімін қалыптастыру.
Сабақтың жабдығы: ракета моделі ,аялдамалар жоспары,командалар аттары, жұлдызшалар (қызыл, сары, көк).
Сабақтың барысы: сыныпты 2топқа бөлу. Топ командирлері тағайындалады.
Топ-Ай, Топ-Күн
Экипаж командирі дайындығы жөнінде рапорт беріп, ракетаның ұшуына секундтарды санайды.
Ғылымның сырын ұғына
Шығыңдар білім шыңына!
Ұқыптылық пен зеректік
Жеткізсін сіздей өренді
Математика сырына.
- Жарайсыңдар! Біздің ракетамыздың стартына дейін 10 секунд қалды.
Санауышты жағыңдар!
Секундтарды санаймыз: 10, 9, 8, 7, 6, 5, 4, 3, 2, 1. Старт!
1.« Архимед» аялдамасы.
- Балалар, сендер барлықтарың қазір – ғарышкерсіңдер. Ұшу кезіндегі сендердің ең бірінші сынақтарың – «Қай ракета жылдам?» сайысы. Қаламдарыңды дайындап, ережелерін мұқият тыңдаңдар.
Әр командир ішінде тапсырма жазылған ракета алады. Тапсырманы тез орындап, келесі оқушыға беруі тиіс. Соңғы тапсырманы орындаған экипаж мүшесі ракетаны орнына әкеледі.
1топ - тапсырмасы:
256 :□ + 101 • 2
6 • (240 - □) = 240
63 =□• 9
54 =□ • 2
819:9 .= □
2 топ-тапсырмасы
740 + 180 = 560 + □
(60 + 60) □ 3 = 40
54 = □ • 6
63 = □ • 3
327:3 = □
Егер экипаж тапсырманы тез және дұрыс орындаса, ол жұлдызшамен марапатталады (1 орын – қызыл, 2 орын – сары, 3 орын – көк жұлдызша).
2. Командирлер аялдамасы.Экипаж командирлері ортаға шақырылады.
тапсырма екеуіне бірдей оқылады.Кім шапшаң жауап берсе жұлдызшаны сол алады.
- Назар аударыңдар! Старт! Есептеуге кірісеміз.
1. Наурыз, сәуір және мамыр – көктем айлары. Көктемде неше күн барын сана. (90 күн)
2. Баспалдақта 15 басқыш бар. Баспалдақтың орта тұсындағы басқыш нешінші болады? (сегізінші басқыш)
3. Ұзындығы 10 м жіпті әрқайсысы 2 м болатын бөліктерге бөлу қажет. Сонда жіпті неше рет қию керек? (2 метрден 4 рет)
4. Дене шынықтыру сабағында оқушылар араларына 1м салып, бір қатарға тұрды. Қатар 25 метрге созылды. Қатарда қанша оқушы бар?(26 оқушы)
Қайсысы дұрыс жауап берсе, дұрыс жауабына жұлдызша алып отырады.
Топқа қосамша бонус әкеледі.
Сайыстың қорытындысы шығарылады.
- Біздің ракетамыз ұшуын жалғастырады. Келесі аялдамаға ұшамыз.
Санауышты жағыңдар! Секундтарды санаймыз: 10, 9, 8, 7, 6, 5, 4, 3, 2, 1. Старт!
3.«Қызықты» аялдамасы
- «Қызықты» аялдамасында сендерді қуанышты хабар күтіп тұр: Ғарышқа геометриялық фигуралардан және цифрлардан құрастырылған адам ұшып кетті.
Қазір экипаж суретшілері сол адамның суретін салуға кіріседі.
Оқушылар кезекпен суретті салып береді.
- Жарайсыңдар, балалар! Ал қазір сурет сайысының қорытындысын шығарайық. Жақсы ,тез салынған суретке қызыл жұлдызша,орташасына сары,нашарына көк жұлдызша беріледі.
« Сергіту сәті» аялдамасы.
Сергіту сәті барлық оқушыларға арналады.
- Балалар, ғарышкерлер әрқашан спортпен айналысып, жаттығулар жасайтынын білесіңдер ме?
Тіпті ұшу кезінде де спорттық жаттығуларға уақыт табуға тырысады. Шаршағанды басу үшін біз де сендермен жаттығу жасайық. (Барлығы орындарынан тұрып, спорттық жаттығуды қайталайды).
Ғаламшарға ұшу үшін
Жылдам ракета күтіп тұр.
Ұшқымыз келген әр жерде
Әп сәтте – ақ ұшамыз.
Бар ойынның бір сыры
Шапшаң бала озады,
Аңқау бала қалады.
1, 2, 3. Старт!
- Жарайсыңдар! Сендер – жақсы спортшысыңдар.
Назар аударыңдар! « Ғарышкер» аялдамасына ұшып келеміз. Экипаж штурманы санауышты жақ!
Секундтарды санаймыз: 10, 9, 8, 7, 6, 5, 4, 3, 2, 1. Старт!
4.« Ғарышкер» аялдамасы.
- Осы аялдамада сендер ғарыш туралы есептерді шығарасыңдар.
4- тапсырма:
1. Тұңғыш ғарышкер Юрий Алексеевич Гагарин болды. Ол Жер айналасын 108 минутта ұшып өтті. Жер айналасындағы ғарыштық ұшу неше сағат және неше минутқа созылды? (1 сағат 48 минут)
2. «Союз - 9» ғарыштық кемесі 18 тәулік бойы ғарышта болды. Ұшу неше сағатқа созылды? (432 сағат)
3. 1979 жылдың 25 ақпанында «Союз - 33» ғарыштық кемесі ұшты. Ұшу 175 күнге дейін созылды. Ғарыштық кеменің жерге орылу мерзімін атаңдар. (19 тамыз 1979жыл).
4. «Союз - 35» ғарыштық кемесі 1980ж. 10 сәуірінен 11 қазанды қоса ұшуда болды. Ұшу қанша күнге созылды? (185күн)
Топтардың қайсысы жауап берсе,солар жұлдызша алады.
Жұлдыздар аялдамасы.
Біліміңді бағала, 2 топқа сұрақтар беріледі, топ мүшелері сұраққа жауап береді. Қай топ дұрыс жауап берсе, сол топ жұлдызша алады.
1) Таяқшаның екі шеті бар.
Бір шетін кескенде таяқшаның шеті неше болады?
2) Үстелдің 4бұрышы бар. Бір бұрышын кесіп тастасақ
неше бұрышы қалады?(5)
3) Әжесі немересіне 8 қолғап тоқиды. Немересі нешеу? (4)
4) Қандай тастар суда жоқ?(құрғақ)
5) Су қайда құрғақ болады?(картада)
6. Ғарыштағы математика аялдамасы
Топ-1
1. Бірдей 9 ыдыста 45кгбал бар. Осындай 12 ыдыста неше кг бал бар?
(5.12=60 кг бал)
2. Әлібек 1айда 8қызықты кітап оқыды. Осы қарқынмен 1жылда қанша кітап оқиды?(8.12= 96 кітап оқиды
3. 936 саны 9 - ға бөліне ме?(104 бөлінеді)
Топ-2
.1. Тік төртбұрыштың ұзындығы 6см, ені 4см периметрін тап.(20см)
2. Әлібек 1айда 7қызықты кітап оқыды. Осы қарқынмен 1жылда қанша кітап оқиды?(7.12=84 кітап оқиды)
3) 1050 саны 5бөліне ме?(210)
Санамақтар сәті:көрермендер үшін
Бес бұтақты ағашта, ----------------------------11 түйе, 5 жылқы,
Бұтақ сайын бес алма, -------------------------2 сиыр, 2 ешкі,
Біреуін бер Омарға, -----------------------------2 қоян, 3 түлкі,
Сонда қалмақ қанша алма? (24) ----------- Таба алмасаң бұл күлкі?(25)
Қай команда жанашыры дұрыс жауап береді,жұлдызша сол топқа беріледі.
Осы бөлімнің және барлық ойынның қорытынды бағасы шығарылады.
Енді көрермендер экипаждар жинаған жұлдызшаларды санайды.Қай команда көп жинаса,сол жеңіске жетеді.
Экипаж жерге оралып, алған әсерлерімен бөліседі. Естелік ретінде әр оқушыға жұлдызша сыйланады.
Мараппаттау .
