Ашық сабақ: "Тік төртбұрыш"

Сабақтың тақырыбы: Қайталау. Тік төртбұрыш.

Мақсаты:

Білімділік: тік төртбұрыштың периметрін табуға үйрету; өрнектерді және олардың мәндерін табу, теңдеу шешу, мазмұнды есепті шығару дағдыларын жетілдіре түсу.

Дамытушылық: ойлау, зейін, есте сақтау қабілеттерін дамыту.

Тәрбиелік: оқушыларды өзгені тыңдап, өз ойын еркін айтуға баулу, пәнге қызығушылығын арттыру.

Сабақтың түрі: математикалық ойын.

Сабақтың әдістері: түсіндіпме әдіс, сұрақ-жауап.

Көрнекілігі: интерактивті тақта мүмкіндігі бойынша флипчарт беттері

Сабақтың барысы

І. Ұйымдастыру кезеңі.

«Жүректен жүрекке» психологиялық дайындық

Мен бәрін жасай аламын

Бүгінгі күн тамаша,

Мее өзімді жақсы сезінудемін.

Менің көңіл күйім керемет жақсы.

Мен жұмыс істеуге дайынмын.

Мен өзіме сенімдімін.

Мен барлығы қолымнан келетініне сенемін.

Мен жігерлілікпен мақсатыма қол жеткіземін.

ІІ. Негізгі кезең.

«Ғылымдар патшалығында»

Әлемді таңқалдырған сарай бар. Онда ақылды әрі білгір математика тұрады. Математика өз сарайына жалқаулар мен түк білместерді кіргізбейді. Ақылды, білімді, зейінділердің өзі сарайдың үш қақпасын өз қабілетімен ашып кіреді. Ал қабілетін дәлелдеген оқушыға сыйы да ерекше болады.

Оның шарты:

Ал, достарым, келіңдер!

Біріңе-бірің еріндер.

Біліміңді тексеріп,

Есеп шығарып көріңдер!

Олай болса, алдымен білімімізді кеңейтіп алайық. Ал іске сәт!

1.Өткен сабақты пысықтау тапсырмасына «Бәйге» сайысы.

1. Басталатын нүктесі бар түзу сызық..........................Ортадағы 20

2. 30 бен 5 санының қосындысы...................................Сол жақтағы 10

3. Тік төртбұрыштың қасиетін ата................................Сол жақтағы 30

4. 1 ғасырда неше жыл бар?...........................................Оң жақтағы 20

5. Екі жағы тұйықталған сызықты не дейміз?.............. Сол жақтағы 20

6. Периметр дегеніміз не?...............................................Ортадағы 30

7. Ең үлкен екі таңбалы сан............................................Ортадағы 10

8. Теңдеу деген не?.......................................................... Оң жақтағы 30

9. 7 ондық 3 бірліктен құралған санды ата.................... Оң жақтағы 10

Математика матшалығына ену үшін алдымен «Тас қақпаны» ашуға мына тапсырмаларды орындауымыз керек.

2.№1 тапсырманы түсіндіру.

1. Әр түрлі кесінділерден құрастырылған кесіндінің ұзындығын есептеп шығар

2. Үшбұрыштың әр қабырғасын өлше және периметрін тап

3.Өз бетінше жұмыс.

№2 (2,3)

Егер тапсырма дұрыс орындалса «Тас қақпа» ашылады.

Қорытынды: кесінділер өлшеміне қарай әр түрлі болатынын, периметр табу үшін оның қабырғаларының ұзындықтарын қосатынымыз туралы білімдеріңді көрсете білдіңдер.

Ойнайық та, ойлайық!

«Аққала жасау» ойыны.

Берілген өрнектердің нәтижесін есептеп, жауабына сәйкес аққаланы қасына әкелу.

20+7=

(30+7)-7=

100-60=

(43-3)-9=

93-7=

8онд.5бірл.=

Дұрыс жауаптары: 27,30,40,31,86,85

4. «Күміс қақпаның» тапсырмасы

Топпен жұмыс.

І топ: өрнектің мәнін табу

73+9 46+8 84-7

82-9 54-8 77+7

ІІ топ: теңдеу шешу

х+9= 17 х-36= 34

Қорытынды: Міне, балалар, бұл жерде сіздер екі таңбалы санға бір таңбалы санды қосу, азайту, белгісіз қосылғышты, белгісіз азайғышты табу туралы өз білімдеріңізді өте жақсы көрсете білдіңіздер.

5. «Ойлап тап!» дидактикалық ойын.

Бір қариядан қанша балаңыз бар деп сұрағанда берген жауабы мынадай: «Ұл мен қыздарымның саны бірдей, әр ұлымның 3 қарындасы бар.» Қарияның неше ұл, неше қызы бар? (3 ұл, 3 қыз).

Столдың төрт бұрышы бар. Егер бір бұрышты кесіп тастаса, неше бұрыш қалады? (5 бұрыш). Оңынан лқысан да, сол сан, солынан оқысан да, сол сан. Ол қандай екі таңбалы сан? (қырық).

«Алтын қақпаның» тапсырмасы.

Оқулықпен жұмыс: №3 тапсырма.

Қызыл қарындаш – 20тг

Жай қарындаш – 20 тг

Қалам - ?, 60тг қымбат

20+20+(20+60) = 120

Жауабы: барлығы 120тг

6.Сурет бойынша есеп құрастыр.

Оқушылар өз ойларынан есеп құрап, ауызша шығарылады

«Алтын қақпа» ашылады.

Қорытынды: Мінеки, балалар, біз мазмұнды есептерді шығару жолдарында жақсы меңгергенімізді көрсете білдіңдер.

Сарай ішінен «Алтын сандық» шығады

«Алтын сандықтан» көгершін ұшып шығып, тест тапсырмасын береді

Тест.

1. 30-бен 50-дің арасындағы толық ондықты көрсет

1. 20

2. 40

3. 60

1. Тік төртбұрыштың қасиеті.

1. Қарама-қарсы қабырғалары тең

2. Үш қабырғасы тең

3. Екі қабырғасы тең

1. 1 метрде неше сантиметр бар?

1. 90

2. 100

3. 99

ІІІ. «Ой қорыту»

Осы патшалықта математиканың «Байлық», «Бақыт», «Ақыл» серіктері де бар екен. Ол үшеуі адам баласына тигізген пайдасы жайында таласып қалады да данышпан математикаға келіп жүгінеді.

Байлық: менің арқамда ғана адам баласының төрт түлігі сай, үйі, дүние-мүлкі, ішіп-жемі мол болады.

Бақыт: мен кімнің басына қонсам, соның атақ-даңқын шығарамын. Мансабын аспанға көтеремім.

Ақыл: адам баласы менсіз өмір сүре алмайды. Нанбасаңдар Данышпаннан сұрайық.

Данышпан: «Байлық» - бір жұттық, «Бақыт» - баянсыз, «Ақыл» - еңбек, білім деген сүйеніші, тіреуі, тұтқасы бар.

Сондықтан да ақылды болып еңбек ете білген адам ғана байлыққа да, бақытқа да кенеліп, мәнді де, сәнді өмір сүре алады.

Міне, бұдан шығатын қорытынды: ақылды, білімді болған жерде бақытты да, бай боламыз.

Сондықтан да сабақты тек жақсы оқып, білімді де, білікті азамат болып өсуіміз керек. Олай болса менің айтқан мақал-мәтелдерімнің жалғасын айта қойындар:

Білім азбайды,..........(ақыл тозбайды)

Оқусыз – білім жоқ,..............(білімсіз күнің жоқ)

Оқу – білім бұлағы,.............(білім – өмір шырағы) деген мақалдарды әркез есте ұстап жүрулерін керек екен.

«Алтын сандық» ашылып, ішінен көгершіндер шығады. Көгершіндердің аузында «5»тік, «4»тік, бағалары көрінеді, оқушыларды бағалау.

ІV. Үйге тапсырма: №4, 137 бет.