А?шаны бас?ару

Қасмағанбет Рая Бөкесқызы

Астана қаласы, №15 мектеп-лицейі

экономика пәні мұғалімі

Пәні: Қаржы сауаттылығы

Сыныбы: 5 А

Тақырыбы: «Ақшаны басқару»

Сабақтың мақсаты: тұтынушының шешімдерді қабылдау мақсатындағы үрдісіндегі ақшаларды басқаруды;

шағын бизнес ашу мен басқаруға байланысты шешу жолдарын меңгеру.

Білімділік: бүгінгі нарық жолындағы ақша туралы білім – білік дағдыларын пысықтау.

Тәрбиелілік: еңбекқорлық, қаржысын үнемдеп, орнымен іске асыруға тәрбиелеу.

Сабақ түрі: аралас, ізденіс сабағы.

Сабақ әдісі: рольдік ойын сабағы.

Көрнектілігі: жұмыс дәптері, «Бизнес» ойыны алаңы, карточкалар жиынтығы, 4 ойын тасы

Сабақ құрылымы:

1. Теоретикалық бөлім: Жаңа тақырыпты меңгерту

2. Тәжірибелік бөлім: «Бизнес» ойыны

Сабақ барысы:

1. Теоретикалық бөлім:

1. Ой қозғау

• Топтастыру /ассоциация/ әдісімен «бизнес» деген сөздің мағынасын ашу.

Жеке іспен айналысу

Тауар және

қызметтерді сату/сатып алу

өз

Табыс табу

Мақсатыңды

жүзеге асыру

1. Сұрақтар арқылы проблеманы тудыру:

• Сенің құрдастарың бизнестің қандай түрімен айналыса алады?

• Бизнес ашпас бұрын не үшін жоспар жасайды?

/Оқушыларға бүгін сабақта тәжірибелі тұтынушы болу дегеніміз не екенін білетіндерін және бизнес басқару бойынша маңызды шешімдерді қабылдауға машықтанатынын айту/

1. Туындаған проблеманы шешуде Сызба жасау арқылы жаңа тақырыптың мағынасын ашу: /сызба/

Тұтынудың екі түрі бар:

1. Жеке тұтыну – сатып алынған тауармен қызмет түрі тек жеке мақсатта пайдаланылады.

2. Өндірістік тұтыну – тауармен қызмет бизнесте пайдалану үшін сатып алынады. Бұл жағдайда тауармен қызмет бизнесте пайдалану үшін, мысалы: бояу, қағаз, түрлі бөлшектер және т.б.

3. Ақшаны басқару – түскен кірісті шығындарға, жинақ ақшаға және қайырымдылыққа бөле отырып, ақшаны басқару.

Тәжірибелі тұтынушы болу дегеніміз – шешімдер қабылдауға қажетті ақпараттардан хабардар болуды айтады. Жеке басымызға пайдалануға немесе шаруашылық қызметін басқару мақсатында сатып алатын нәрселерімізге ақшамызды дұрыс жұмсау үшін тәжірибелі тұтынушылардың пайдаланып жүрген мына ережелерін ұғуымыз керек:

АЛТЫН ЕРЕЖЕ

Тәжірибелік бөлім: Оқушылар тәжірибелі тұтынушылар өздерін қалай ұстаулары керек екендігін көрсеткен бірнеше жағдаяттарды ойнайды. Әр рөлдік ойында оқушылар алдына мәселе қойып, тәжірибелі тұтынушы ережесін пайдалану керек. Рөлдік ойынға дайындалуға 5 минут, оқушыларға әр көріністің 3 минуттан артық болмау керек екенін ескерту.

1.Рөлдік ойын жағдаяттары:

1. Сіз оқулықтарыңызды салатын қолдорба сатып алғыңыз келеді. Жақын жердегі дүкенде ол 2500 теңге тұрады. Қолдорба сізге ұнайды, бірақ сіздің бар болғаны 1750 теңгеңіз ғана бар. Сіздің сыныптасыңыз 2 жеті ұстаған дәл осындай қолдорбасын сізге 1750 теңгеге беретінін айтады. Сіз не істейсіз?

2. Күн тым ыстық, сіздің отбасыңыз салқын сусынның бірнеше шөлмегін тауысты, жақын арадағы дүкенде сіз ұнататын сусынның жәшігі 750 теңге тұрады, ал 1 сағат жүріп баратын супермаркетте 500 теңге тұрады. Сіз не істейсіз?

3. Сіз шарбақты бояу үшін майлы бояу алмақшы болдыңыз, сізге майлы бояудың 1 литрін 250 теңгеден алуды тапсырды. Ал сатушы оларды литрі 100 теңге тұратын арзан бояу бар екенін айтты, бірақ ол бояумен екі рет жүру керектігін айтты. Сіз не істейсіз?

4. Сіз дүкенге жаңа велосипед сатып алуға келдіңіз. Сатушы велосипедтің жаңа озық үлгісі бүгін жеңілдікпен сатылатынын айтты. Алайда ол сапасы жағынан сіздің аламын деп келген велосипедіңізден жоғары, бірақ сіз үшін оны сатып алу қымбат. Сіз не істейсіз?

2. «Бизнес» ойыны:

Хабарлаңыз: сынып бүгін бизнесте маңызды шешімдерді қабылдауға машықтанады. «Бизнес» ойынының алаңын көрсетіңіз. Келесі беттегі нұсқаулықты пайдалана отырып, ойын ережесін түсіндіру.

Ойын ережесі:

• Командалар кезекпен ойын тастарын шиіріп, ойын алаңының сегменттері бойынша жүріс жасайды.

• Командалар тапсырманы дауыстап оқып, ойын алаңының сегментіне сай нұсқаулықты орындайды.

• Командалар нұсқаулықты орындап, банкілік шоттағы ақша қозғалысы туралы есебіне салымға немесе шығынға жұмсаған сомманы жазады.

• Ойын жүргізуші ойынның аяқталғаны туралы белгі бермейінше жалғасады.

III Алған білімін пысықтау:

1. Венн диаграммасы арқылы ж/т мен ө/т айырмашылығы мен ұқсастығын анықтау:

• Жеке тұтыну мен өндірістік тұтыну арасындағы айырмашылық қандай?

• Тәжірибелі тұтынушы дегеніміз кім?

• Тауар сатып алу туралы шешім қабылдай отырып, тәжірибелі тұтынушы не істейді?

• Сіздің командаңыз үшін қандай шешім ең қиын болды?

Бағалау, үйге тапсырма:

Оқушылардың білімдері бағаланады.

Үйге қосымша тапсырмалар беріледі (жұмыс дәптерінен).

Негізгі терминдер:

Кредит - уақытша белгілі бір пайыз мөлшерінде пайдалануға берілген ақша.

Әдістемелік кеңестер:

«Бизнестің» ойын карточкаларын қарап шығыңыз, сыныптың дайындық деңгейіне, жас ерекшелігіне және уақытқа қарай карточкаларды таңдаңыз.