Математика - ғылымдар патшасы

Тақырыбы: «Математика-ғылымдар патшасы» математикалық сайыс

Мақсаты: Оқушылардың пәнге қызығушылығын арттыру, пән бойынша алған білімдерін пысықтау және қорытындылау. Әрбір жеке тұлғаның ақыл-ойының дамуына, шығармашылық даму мүмкіндігіне жағдай жасау, оқушылардың ой - өрістерін кеңейтіп, шығармашылық қабілетін дамыту, танымдық белсенділіктерін арттыру. Білім, білік дағдыларын дамыта отырып, интеллектуалдығын қалыптастыру. Оқушыларды жауапкершілікке, өзін - өзі басқара білуге, өз еңбегін бағалай білуге, мақсатына жете білуге, ұқыптылыққа және дәлдікке тәрбиелеу.

Түрі: көңілді жарыс сабағы

Әдісі: сұрақ – жауап, топтық жұмыс, шығармашылық, интербелсенді әдіс

Қолданылатын көрнекіліктер: мультимедиа, презентация, нақыл сөздер, карточкалық тапсырмалар, логикалық есептер, әр топқа даярланған үстел.  Топтың аты жазылған алдарына қоятын қағаздар.

 Жоспары:

1. Ұйымдастыру кезеңі;

2. «Ойлан тап» ойыны;

3. «Қызықты санау» ойыны;

4. «Мен жаңылмаймын» жаңылтпаштар сайысы;

5. «Кім жылдам» ойыны;

6. «Үшбұрыштар нешеу» геометриялық ойыны

7. «Есепке кім жүйрік?»

1. Қорытындылау

Қолданылған нақыл сөздер:

1. «Логика өнері – адамның ақыл-парасатын жетілдіруге көмектесетін құрал.» Әбу Насыр Әл-Фараби

2. «Математика – барлық ғылымдардың тұңғышы және оларға пайдалы да, қажет те» Р.Бэкон

3. Арифметика математиканың, ал математика ғылымдардың патшасы.
   (К. Гаусс)

4. Ақыл-ойды тәртіпке келтіретін математика.
   (М. В. Ломоносов)
   
   
   

Сабақтың жүру барысы:

І. Ұйымдастыру кезеңі

Кіріспе сөз.

     Құрметті оқушылар, ұстаздар! Бүгінгі  біз математиканың қыр-сырымен танысып, көңілді демалып, білім күшімізді сынау үшін «Математика-ғылымдар патшасы»» атты сайысқа жиналып отырмыз.

Математика сырлары,

Қызықтырды біздерді.

Ойынға бірге қатысуға,

Шақырамыз сіздерді-

Мұғалімнің үстелінің үстіндегі фигураларды алу арқылы сыныпты үш топқа бөліп отырғызу.

Оқытушы: Бұл сайыста үш топтың білімдерін сынағалы тұрмыз. Олай болса, сайысымызды бастайық.

Сайысты бастамас бұрын әр топтың білімін дұрыс бағалау үшін әділқазылар алқасын сайлап алайық. Бүгінгі сайыс шарттары әрбір әділқазының алдында дайындалып қойылған. Әр команданы ортаға шақырамыз, кешіміздің өтілу, тәртібімен таныстырайық.

Сайыс 5 кезеңнен тұрады.

1. «Ойлан тап» ойыны;

2. «Қызықты санау» ойыны;

3. «Мен жаңылмаймын» жаңылтпаштар сайысы;

4. «Кім жылдам» ойыны;

5. «Үшбұрыштар нешеу» геометриялық ойыны

6. «Есепке кім жүйрік?»

Сайысымыздың бірінші кезеңінде әр топқа екі жұмбақ есептен беріледі, дұрыс жауабын табу керек.

І. «Ойлан, тап» математикалық жұмбақ есептер беріледі.
«Білімділер» тобына

Көлден ұшқан 15 қаз

Қайтып қонды 9 қаз

Қонбады оның нешеуі

Кәне, кім тез табады? (6)

Бес бұтақты ағашта,

Бұтақ сайын бір алма

Біреуін бер Маратқа

Сонда қалмақ неше алма (4)

«Озаттар» тобына

1.Бір-бірімен жарысқан

Төрт аю,бір арыстан.

Екі қоян,бір түлкі,

Бәрі нешеу кім білді? (8)

2.Үшеуі қызыл, үшеуі ақ

Оң қолымда неше алма?

Төртеуі қызыл, төртеуі ақ

Сол қолымда неше алма? (6 және 8)

«Жүйріктер» тобына

1. Түйе, бота маң басқан

Төрт аяғын тең басқан.

Шұнақ құлақ бес ешкі

Қос лақпен қос ешкі.

Төрт қозылы екі қой

Бәрін бірге санап қой. (17)

2. Аулада 3 үйрек,

Қорада 1 үйрек.

1 үйрек тығылды,

1 үйрек жығылды.

Қалғаны неше үйрек? (2)

ІІ . «Қызықты санау» ойыны

Мұнда әр топқа жеміс – жидек, жануарлардың суреттері салынған беттер беріледі. Соңында әр жемістің немесе жануардың санын жеке жеке айту керек.

ІІІ. «Мен жаңылмаймын» жаңылтпаштар сайысы

1. Ұшып кетті үш құс

Ұшып келді ұшқыш.

(С. Көшекбаев)

2. Жоғалды бес шыбыш,

Жоқ әлі еш сыбыс,

Жоқ әлі еш сыбыс,

Жоғалды бес шыбыш.

(Қ. Мырзалиев)

3. Ұшы үшкір ұшқыр үш жебе алдым,

Үшеуі де үшкір, үшқыр деп алдым.

(М. Әлімбаев)

4. Есет ағам ет асатар

Ет асатса, бес асатар.

(Қазақ ауыз эдебиетінен.)

5.Қырық үш қызғыш құсқа,

Қырық үш қызғыш құс қосса,

Қанша қызғыш құс болады?

6.Кермеде тұр қырық кір қыстырғыш,

Қырық кір қыстырғышқа

Қырық қыз келіп, кір қыстырды.

ІV. Тақтаға 1- ден 21- ге дейін ретсіз жазылған сандар тізбегі ілінеді. Әр командадан бір – бір оқушыдан шығып 21 – ге кім бірінші шықса, сол команда жеңген болып саналады.

V. «Үшбұрыштар нешеу» геометриялық ойыны

Берілген сурет бойынша әр команда үшбұрыштар санын табу керек.

(17 үшбұрыш)

VІ. «Өшіп қалған» амалды тап ойыны

VІІ. «Есепке кім жүйрік?»

Қорытындылау, жеңімпаздарды марапаттау;