Логикалы? саяхат

Ж.Аймауытов атындағы жалпы орта білім беру мектебінің математика пәнінің мұғалімі

Ахметова Арайлым Сайлаубаевна

Сабақтың мақсаты:

1. Білімділік: Логикалық есептер жайлы түсінік беру;

2. Дамытушылық: Белсенділіктерін және оқушылардың пәнге қызығушылығын арттыру, дамыту;

3. Тәрбиелік: Оқуға, саналы сезімге, жауапкершілікке өз бетінше еңбектенуге тәрбиелеу. Тез ойлап, тез қорытуға және сөйлеу мәнеріне тәрбиелеу.

Сабақтың түрі: Сыныптан тыс іс- шара

Логикалық және математикалық өлең есептер жинағы.

Сабақтың әдісі: көрнекілік, түсіндірмелі, сұрақ-жауап, ой қозғау

Сабақтың көрнекілігі: Слайд

Сабақтың барысы: І. Ұйымдастыру кезеңі (сәлемдесу, сабаққа дайындықтарын тексеру)

ІІ. Логика және математикалық өлең есептер

Сабақ 7- сыныпта өткізілді. 7- сыныптың оқушылары екі топқа бөлініп логикалық және математикалық өлең есептермен сайыс түрінде өткізілді.

Сайыс шарттары:

І кезең: «Өмірдерек»

ІІ кезең: «Ізгі дәстүр»

ІІІ кезең: «Математика тарихы»

ІҮ кезең: «Сапалы білім»

Ү кезең: «Қимылды ойын».

Сайысымыз 5 кезеңнен тұрады.

І кезең «Өмірдерек» деп аталады. Бұл кезеңде сайыскерлер өз топтарын таныстырып, қорғау керек.

ІІ кезең: «Ізгі дәстүр» бұл кезеңде оқушылар тек құрамында саны бар сандарға қатысты ұлағатты ұғымдар, кезек-кезек мүдірмей айтып жарысады. Бір адам 2-3 ұлағатты сөз қатар айтуға болады., бірақ сөздер екінші рет қайталанбауы керек.

1. Бір кісдей, бір жеңнен қол, бір табан жақын, бір көруге зар болды.

2. Екі оттың арасында, екі сөзге келу, екі жеп биге шықты, екі сөзді адам,екі шоқып бір қарады.

3. Үйірімен үш тоғыз, ер кезегі үшке дейін, үш қайнаса, үш ұйықтаса, жыланды үш кессе де...

1. Төрт көзі түгел отырып, төрт құбыласы сай, төрт аяғы тең жорға, төрт түлік, екі көзі төрт болып...

2. Бес бересі, бес саусағындай, бес биеніңң сабасындай, бес сандырақ, бес тиындық, бес енеден белгілі...

3. Жеті басты, жеті атадан бері, алты арыс....

ІІІ кезең: «Математика тарихы» бұл кезеңде оқушыларға математика пәніне байланысты сұрақтар қойылады.

1. Қосу мен азайту (+,-) белгілерін 489 жылы алғаш рет пайдаланаған ғалым? (Я.Видман)

2. Геометрия терминінің мағынасы? (жер өлшеу, грек)

3. Нөл қай елдің не деген сөзі? (латын Мисса, ешқандай, ештене емес)

4. Математика сөзінің мағынасы? (матем грекше ілім, ғылым)

5. Цифр сөзінің мағынасы? (цифр арабша бос орын)

6. «Функция» термині ең алғаш кімнің қолжазбасында кездеседі? (Г.Лейцбниц)

ІҮ кезең: «Сапалы білім» бұл кезеңде оқушыларға логикалық сұрақтар жұмбақтар жасырылады.

1. Аулада жүрген бұзаулар мен тауықтардың аяқтарының саны-он.Аулада

неше тауық ,неше бұзау болуы мүмкін?

  2. Ағаш басында 2 балық отыр еді.Оларға тағы 2 балық ұшып келді.Барлығы

неше балық болды?

3. Аулада тұрған әртүрлі көліктердің (жеңіл машина ,мотоцикл,велосипед)

дөңгелектерінің саны-он болады.Аулада неше жеңіл    машина,мотоцикл,

велосипед тұр?

4. Бір ағаштың он екі бұтағы бар,
Әр бұтағында отыздан жапырағы бар.
Жапырақтың бір жағы ақ,
бір жағы қара. (жыл, ай, тәулік, күн мен түн).

5. Алпыс төрт бөлмеде
Отыз екі тұрғын бар.
Ақ, қара қып бөлгенде
Бірін-бірі қуғандар
Жаны үшін де, саны үшін де
Бермейді олар намысын. (шахмат).

6. Бір көлден он екіден қаз ойнайды,
Алсам деп бірін бірі наз ойлайды.
Келгенде жақындасып қолтықтасып,
Бір бүгін алмасына еш қоймайды. (дойбы)

7. Мұз айдында жеті бала.
Асыр сап жүр сырғанап.
Сырғанамай екі бала.
Жағалауда тұр қарап.
Енді осы бар баланың
Санын айтсаң –жарадың!

8.Көлден ұшты жеті қаз,
Қайтып қонды екі қаз,
Қонбады оның нешеуі?
Кәне, кім тез шешеді?

9.Жаңа ғана шалғында,
Алты бұзау жүр еді.
Әлде шаршап қалды ма,
Жатып қапты біреуі.
Нешеуі енді жайылып,
Айт, жүргенін айырып.

10. Егер тырна бір аяғымен тұрса 3 кг болады, ал екі аяғымен тұрса оның салмағы қанша?(3 кг)
11. Үстел беті төртбұрышты, оның бір бұрышын арамен кесіп алсақ, неше бұрыш қалады? (5 бұрыш)
12. Төрт қойдың неше аяғы бар? (16 аяқ)
13. Ағаш үстінде 100 торғай отырады. Аңшы 10 торғайды атып алады. Торғайдың қаншасы қалады? (10 торғай).
14. 1 жұмыртқа 3 минутта піссе, 4 жұмыртқа қанша минутта піседі? (3 минут)
15. 1 т мақта ауыр ма, 10ц темір ауыр ма?(тең)
16. Бөлменің төрт бұрышында бір-бір мысықтан отыр.әр мысықтың алдында үш мысықтан отыр. Барлығы бөлмеде неше мысық бар? (4мысық)
17. Асханаға 100 кг пияз және одан 3 есе артық картоп әкелінді. Асханаға неше кг картоп әкелінді? (300 кг)
18. Бір жанұяның бес ер баласы және олардың әрқайсысының қарындастары бар. Жанұяның қанша баласы бар? (6 бала)

19..Ағаш басында 2 балық отыр еді. Оларға тағы 2 балық ұшып келді. Барлығы неше балық болды? ( балықтар ағашта отырмайды және ұшпайды.)
20.Алма ағашында 10 алма, ал үйеңкі ағашында одан 2 алма аз өсіп тұр. Үйеңкі ағашында неше алма өсіп тұр? (Үйеңкіде алма өспейді)
21.Тақта алдында 3 бала тұр.Олар:Самат,Марат,Қанат. Марат ортасында тұр. Маратты қозғамай қалай шетке тұрғызуға болады?
22.Үй тышқанның неше құлағы бар?
23.Жанұяда 7 ер баланың бір-бірден қарындасы бар. Жанұяда қанша бала бар? (8 бала:7 ұл,1 қыз)
24.Самат,Марат,Қанатты орындыққа әртүрлі ретпен қалай отырғызуға болады? ( а)Самат, Марат, Қанат. ә)Самат,Қанат,Марат. б)Марат,Самат,Қанат. в) Марат,Қанат, Самат. г)Қанат,Самат,Марат. ғ)Қанат,Марат,Самат.)

Ү кезең: «Қимылды ойын». Бұл кезеңде оқушылар стаканға қасықпен су толтыру арқылы жарысады.

су тасу сәті

Сабақты қорытындылау: Осымен сабағымыз аяқталды. Болашақ ел тұтқасы сендердің қолдарында. Білімді де парасатты, әділ де турашыл, ержүрек те табанды болуларына тілектеспін.