Ұйымдастырылған оқу қызметінің технологиялық картасы
(ересек тобы)
Тәрбиеші: Жұмабаева Л.А.
Білім беру саласы: Таным. Математика
Тақырыбы: Ғарышқа саяхат
Мақсаты: Балалардың 1-ден 10-ға дейінгі сандарды тура және кері санай білу дағдыларын жетілдіру, геометриялық фигураларды ажырату. Кеңістік қатынастарын (үлкен – кіші, биік – аласа, жуан – жіңішке, ұзын – қысқа) анықтауға үйретуді жалғастыру. Балалардың зейіні мен логикалық ойлау қабілетін дамыту. Сұраққа дұрыс, толық жауап беруге үйрету
Сөздік жұмыс: зымыран, метеорит, инопланетянин
Билингвалдық компонент: зымыран - ракета
Қызмет кезеңдері
Тәрбиеші қызметі
Балалар қызметі
Ұйымдастырушы-қозғаушы қызмет
- Балалар, сендер саяхатқа баруды ұнатасыңдар ма?
- Саяхатқа немен баруға болады?
- Сендер мына тапсырманы орындасаңдар, саяхатқа немен шығатынымызды білесіңдер.
Ұнатамыз
Машина, пойыз, ұшақ т.б. жауаптары.
Ұйымдастыру-ізденушілік
Тапсырма. Алдарыңда қағаз жатыр, оның ішінде сандар. Сандарды ретімен қосу арқылы, біз сендермен немен саяхат жасайтынымызды білеміз.
Слайд 1. Зымыранның суреті
- Зымыранмен біз қайда ұшамыз?
- Зымыранның ішінде тыныштық сақтау керек. Орындарға отыру үшін билет алу керек.
Тапсырма. Заттарды санап, санды тап.
- Бәріміз жайғасып отырдық. Енді зымыранмен көтерілу үшін біз сендермен қажетті батырмаларды (кнопки) тауып, дұрысын таңдап алып, үстінен басуымыз керек. Олар сендердің алдарыңда жатыр.
- Ең үлкен дөңгелекті көтеріңдер
- Қызыл пішіндерді санаңдар.
- Оң қолға сары үшбұрыш, сол қолға жасыл шаршы алыңдар. Енді екеуін салыстырайық. Қандай ұқсастығы бар? Қандай айырмашылығы бар?
- Жарайсыңдар, балалар.
(Зымыранның дыбысы естіледі)
Слайд 2. Метеориттің суреті.
- Қараңдар, алдарыңда үлкен метеорит ұшып келеді. Оны айналу үшін біз тапсырма орындауымыз керек.
Тапсырма. Кестені толтыр. Кестедегі берілген саны бойынша пішіндерді сал.
- Біз тапсырманы орындадық, енді әрі қарай ұшамыз.
Слайд 3. Жұлдыздың суреті.
- Балалар, айнала жұлдыздарға толы. Бұл жұлдыздардың ішінде адаспау үшін тағы бір тапсырма орындау керек.
Тапсырма. Логикалық есептер
Қазда бар екі аяқ
Тауықта бар екі аяқ
Екеуін қосып санасақ
Болады сонда қанша аяқ
4 алманың біреуін
Досың сұрап алады
Айтшы сонда нешеуі
Өз қолыңда қалады
Дүкеннен анам үшбұрышты 3 доп алып келді. Оның біреуін ініме бердім. Менде неше доп қалды?
Табақта бес алма,
Қолымда екі алма.
Қосқанда барлығы
Болады неше алма?
Бір алма апама,
Бір алма атама.
Екі алма беремін
Мамам мен папама.
Нешеуі қалады табақта?
Орманда кірпі келеді,
Саңырауқұлақ тереді.
Кездесті, міне, керегі:
Төртеуі – қайың астынан.
Біреуі – терек қасынан.
Қанша олар болмақ есепте,
Тоқылған салса себетке?
Апай сау бол дейміз де
Бет түзейміз енді үйге
Бұл қай мезгіл, бұл қай кез
Атай қойшы ал тез.
- Дұрыс, балалар, еш кедергісіз шығатын болдық.
Слайд 4. Басқа планеталық адамдар (инопланетянин).
- Қараңдар, ғарышта адамдар тұрады екен. Бұл кімдер? Олар бізге қарап тұр, ендеше біз өзімізді көрсетейік.
Сергіту сәті.
- Бізге жолға шығу керек. Орнымызға отырайық. Балалар, не болды? Біздің зымыран ұшпай жатыр. Отын бітіп қалыпты. Отынды толтыру үшін тапсырма орындау керек.
Д.о. «Не артық»
Қарама-қарсы сөздер:
Күн –
Таңертең –
Үлкен –
Ұзын –
Жуан –
Биік –
Көп –
Оң –
Жоғары –
Үстінде –
Алдында –
Ауыр –
Тар –
- Енді жерге қону үшін біз 1-10 дейін тура және кері санауымыз керек.
Балалар сандарды ретімен қосады. Зымыран екенін анықтайды.
Зымыранмен ғарышқа ұшамыз
Балалар заттарды санап, санды тауып орнына отырады.
Балалар пішіндерді дұрыс тауып көрсетеді, салыстырады.
Балалар берілген саны бойынша пішіндерді салады.
Балалар жауабын табады
4
3
(үшбұрышты доп болмайды)
үшеу
5
(кешкі кез)
Балалардың жауаптары
Балалар өлеңнін сөзін тыңдап, қимылын жасайды.
Балалар артық затты атап, түсіндіреді.
Қарама-қарсы сөздерді айтады: түн
кеш
кіші
қысқа
жіңішке
аласа
аз
сол
төмен
астында
артында
жеңіл
кең
Балалар 1-10 дейін тура және кері санайды.
Жетекші-жөндеуші
Қорытынды. Біз қайда саяхат жасадық? Не білдіңдер? Не көрдіңдер? Сендерге ұнады ма?
Балалар қайда барғандарын, не көргендерін айтады.
Күтілетін нәтиже:
Ұғынады: Сұраққа дұрыс, толық жауап беруге
Түсінеді: Кеңістік қатынастарын (үлкен – кіші, биік – аласа, жуан – жіңішке, ұзын – қысқа) анықтауды
Қолданады: 1-ден 10-ға дейінгі сандарды тура және кері санай біледі, геометриялық фигураларды ажыратады.
