"Көңілді тапқырлар" сайысы

Тақырыбы: « Көңілді тапқырлар» сайысы

Сайыстың мақсаты: Оқушылардың пәнге деген қызығушылығын, білімге құштарлығын арттыру, жылдам ойлауға, өз ойын және сөйлеу қабілетін дамыту, оқушыларды ізденушілікке, алғырлыққа, тапқырлыққа және өз беттерімен еңбектене білуге тәрбиелеу.

Көрнекіліктер: Кестелер, қанатты сөздер, тапсырмалар жазылған плакаттар.

Сайыстың шарты бойынша 6 – 7 сынып оқушылары екі топқа бөлінген. Ойынға төрелік жасайтын әділқазылар алқасын сайлаймыз.

Хош келдіңіздер, қадірлі ұстаздар және оқушылар!

Математика ғылымдар патшасы деп,

Мойындаған бар ғылым жер шарында.

Сол қағида тағы да дәлелденбек,

Бүгінгі кеш бағдарлы жоспарында.

Болашақ білім-ғылым тұтқасында,

Мұны әркім ойында әр кез ұстасында.

Заманның компьютердей кезеңінде,

Математика тағы тұр көш басында .- дей келе бүгінгі « Көңілді тапқырлар» атты сайысымызды бастаймыз. Сайысымызға қатысатын ақылды да, тапқыр оқушыларымызды қарсы алыңыздар. Ойынға үш сыныптан 6 оқушыдан қатысады (өз қалауымен). Алдымен ойыншыларымызды 2 топқа бөліп алайық.

Математикалық сайыс – бұл еңбек. Сондықтан сайыс кезінде өте ұқыпты , ойларың жинақталған болу керек және тәртіп сақталғаны жөн. Енді бүгінгі сайысымыздың жоспарымен танысыңдар:

І. Бәйге

ІІ. Кім тапқыр?

ІІІ. Кім жылдам?

ІV. Сиқырлы шаршы.

V. Мың бір мақал

V І. Жүз бір жұмбақ.

V ІІ. Жорға.

І. Бәйге

Біреу озса жарыста

Біреу артта қалады

Ренжімей тараса

Озбағандар жарады

Жарыс заңы ежелден

Жеңімпазды анықтау

Еңбектену, жалықпау!

1. Төрт пен бестің арасына қандай таңба қойылғанда 4-тен үлкен, 5-тен кіші сан шығады. (бүтін 4,5)

2. Себетте 5 алма бар. 5 алма себеттен 5 балаға таратып бергенде 1 алма қалыпты. Сонда қалай болғаны? (балаға себетімен берген).

3. Миллионда неше ноль бар (6)

4. Сағат тілі тәулігіне неше рет тік бұрыш жасайды? (4 рет)

5. Отбасында 7 қыз және әр қыздың бір-бірден бауыры бар. Отбасында барлығы неше бала? (8 бала).

6. Ең үлкен хорда не деп аталады? (диаметр)

7. 13 электр шамы жанып тұрды, екеуін өшірді. Қанша шам қалды? (13)

8. Қанша санның жазылуында қанша әріп болса, сонша цифр бар? (он, жүз, он мың).

9. Ұлу 10 метр ағашқа бір күнде 3 метр жоғары шығып, 1 метр төмен түседі. Ұлу 10 метр ағашқа неше күнде шығады. (5 күн)

10. Бөлмеде 5 майшам жанып тұр. Оның 2-уін сөндірсек нешеу қалады?. (2 майшам)

1. «Геометрия» сөзі грекше қандай мағынаны білдіреді? (жер өлшеу)

2. 2+2*2 нешеге тең? (6)

3. Столдың төрт бұрышы бар. Егер бір бұрышын кесіп тастаса, неше бұрыш қалады? (5 бұрыш)

4. Бір киллограмм мақта ауырма, әлде 1000 грамм темір ауыр ма? (екеуі тең)

5. Мектепке келе жатқан 5 балаға қарсы жолда тағы 4 бала жолықты. Мектепке неше бала барды? (5 бала)

6. Далада қараңғы түн болып тұр. Егер де біз 48 сағаттан соң қарасақ дала қандай болар еді? (түн болады)

7. Үшбұрыш төбесінен қарсы қабырғасының ортасына жүргізілген кесінді. (медиана)

8. Оқушы мектепке стадионның оң жағымен барса 15 минут жүреді, ал солжағымен барса 900 секунд жүреді. Жолаушы стадионның қай жағымен барса тез жетеді. (екеуі тең)

9. Алымы бөлімінен кіші бөлшек (дұрыс)

10. Дәрігер ауру адамға 4 дәрі беріп, «әрқайсысын әрбір жарты сағатта ішіп отырыңыз» - деп кетті. Дәрілерді ішіп бітіруге аурудың қанша сағат уақыты кетеді? (1,5 сағат).

11. Ең кіші жай сан? (2)

12. Алманың жартысы неге тең? (екінші жартысына)

. ІІ. Кім тапқыр

Қанша кісі?

Атам, әжем, ағаммен,

Әкем, інім және мен,

Анам және енесі,

Енесінің бөлесі

Отыр едік шай ішіп

Жеңгем келді майысып,

Арқасында кіші інім

Саны қанша айта ғой

Ұйдегі бар кісінің

(жауабы:11)

Қанша қонақ?

Нұрымбетов Нұрлан бүгін

Атап өтпек туған күнін.

Тойласуға Таңат келді,

Марат, Манат, Манап келді.

Жайық, Қанат, Жанат келді,

Барақ, Марат, Бабақ келді.

Сағат келмей Самат келді

Бірақ Самат қайтып кетті

Жай жапсарын айтып кетті.

Жайықта енді Саматқа ерді

Одан кейін Талап келді,

Одан кейін Орақ келді

Бәрі қанша қонақ келді.

(жауабы:11)

ІІІ. Кім жылдам.

ІV. Сиқырлы шаршы.

І топ

	5

Жауабы:

6	1	8
7	5	3
2	9	4

Әр торкөзге 1-ден 9-ға дейінгі сандарды орналастырғанда тігінен де, көлденеңіненде қосынды 15 саны болуы керек.

ІІ топ

	7

Жауабы:

10	3	8
5	7	9
6	11	4

Әр торкөзге 3-тен 11-ге дейінгі сандарды орналастырғанда тігінен де, көлденеңіненде қосынды 21 саны шығуы керек.

V. Мың бір мақал

Ал, балалар, балалар

Мақал- мәтел айтайық.

Асулардан асайық,

Білім шыңына жетейік

Кедергіні жеңейік

Бұл кезеңде топтар сандармен берілген мақал – мәтелдер айтып жарысады.

V І. Жүз бір жұмбақ.

1. Бес ін, бес іннің

Ауызы бір ін (қолғап)

1. Төрт қарны бар

Бір ауызы бар (үй)

1. Отыз омыртқа

Қырық қабырға

Ауыз омыртқа (уық, кереге, шаңырақ)

1. Екі тыңшысы

Отыз екі бөрісі бар (бас)

1. Жүз мүйізі бар

Үстінде киізі бар (киіз үй)

1. Әр күн сайын жыртылдық,

Өміріміз бір жылдық (күнтізбе)

1. Бірге барып класқа,

Бірге үйіңе қайтады.

Оның бетін кім ашса,

Әр бағаңды айтады. (Күнделік)

Қос құлақты жүз тісті,

Жүзінен бір ақ із түсті (ара)

V ІІ. Жорға.

1. Шеңбердің нүктесін центрмен қосатын кесінді радиус

2. Сәуленің ұшы бар ма иә

3. Барлық қабырғалары тең төртбұрыш шаршы

4. Тік бұрыштан кіші бұрыш сүйір

5. Қосудың теңдігі қосынды

6. Ең кіші үш таңбалы сан жүз

7. Санның жүзден бір бөлігі процент

8. Бұрышты өлшейтін құрал транспортир

9. Метрде қанша сантиметр жүз

10)Ең кіші жай сан 2

1. Бір жылда неше тәулік бар 365

2. Кесінді тұйықталған ба иә

3. Берілген фигураның қабырғаларының қосындысы периметр

4. Дөңгелектің ең үлкен хордасы диаметр

5. Азайтудың теңдігі азайтынды

6. Қай санға бөлуге бөлуге болмайды 0

7. Ең үлкен екі таңбалы сан 99

8. Шеңберді сызатын құрал циркуль

9. 1 кг-да қанша грамм бар 1000 гм

10)Ең кіші натурал сан 1

Жарыстың соңғы сәті таяп қалды,

Демеңіздер біз өнерді аяп қалды.

Сарапшылар сіздерге сөз береміз,

Жеңімпаздар кім болып сарапталды.

Қорытынды: Әділқазылар алқасы қай топтың жеңгенін анықтайды. Жеңімпаз топты атаған соң осы сайыс – сабағына қатысқан оқушыларды марапаттап, көрермендерге рахмет айтып қоштасамыз.

Қатысқандарыңызға көп рахмет!