«Қызықты математика сағаты»

«Қызықты математика сағаты»

(сыныптан тыс шара, 6-сыныптар)

Мақсаты: дарынды оқушыларды табу; олардың қабілеттерін ашу; алған білімдерін өмірмен байланыстыра білуге үйрету; логикалық ойлау дағдыларын қалыптастыру, қазақ математиктері туралы білімдерін кеңейту.

Түрі: сайыс

Көрнекілігі: слайдтар, плакаттар, маркерлер

Барысы:

1-тур. Өзіңізді тексеріңіз: Бұл мәлімет шындық па немесе жалған ба?

2-тур. «Бізді қоршаған әлемдегі – математика» тақырыбында постер құрастыру.

3-тур. «Қазақтың математиктері» тақырыбында презентация дайындау.

5-тур. «Блиц-кездесу».

6-тур. Өлең құрау.

• Саламатсыздар ма, ұстаздар, оқушылар және сайысқа қатысушылар! Математика апталығы барысында ұйымдастырылған «Қызықты математика сағаты» атты білім сайысына қош келдіңіздер!

1-тур. Өзіңізді тексеріңіз: Бұл мәлімет шындық па немесе жалған ба? Әр топқа сұрақ қойылады, ол топ ия немесе жоқ деп жауап береді. 4 минут ішінде жауап беру керек. Дұрыс жауап 1 балл. Сұрақтар:

1-топқа:

1. Кері сандардың көбейтіндісі 1-ме? (ия)

2. Теріс сандар 0-ден кіші ме? (ия)

3. Шеңбердің бұрыштары бар ма? (жоқ)

4. Тәуелсіздік мерекесі күнін 2-ге бөлгенде шығатын сан 10-ба? (жоқ)

5. Екі теріс санның көбейтіндісі оң сан ба? (ия)

6. Математика пәнін жақсы қөресің бе?

2-топқа:

1. Араб сандарының көбейтіндісі 0-ге тең бе? (ия)

2. -9 саны -8 санынан үлкен бе? (жоқ)

3. Наурыз мейрамы күнін 2-ге бөлгенде 11 шыға ма? (ия)

4. Теріс сандарды сандарды қосқанда оң сан шығады ма? (жоқ)

5. Ең кіші жай сан 2 ма? (ия)

6. Мектепті аяқтаған соң математика пәнінің негізгі формулаларын ұмытпайсың ба?

3-топқа:

1. Алымы бөлімінен кіші бөлшек бұрыс бөлшек пе? (жоқ)

2. Шеңбердің ең үлкен хордасы диаметр ме? (ия)

3. 31 саны құрама сан ба? (жоқ)

4. Минуттың алпыстан бір бөлігі секунд па? (ия)

5. Әлемде 6 материк, 4 мұхит бар екені белгілі.Материк санын мұхит санына бөлгенде дұрыс бөлшек шыға ма? (жоқ)

6. Бүгінгі сайыста жеңіске жетуді қалайсың ба?

4-топқа:

1. Дұрыс бөлшек аралас санға айнала ма? (жоқ)

2. Бүтін және бөлшек бөліктен тұратын санды аралас сан деп атай ма? (ия)

3. «Алгебра» сөзіндегі әріптер санын 8-ге бөлгенде 8-ден 7 шыға ма? (ия)

4. Теріс санның модулі теріс сан ба? (жоқ)

5. Ең үлкен теріс сан -1 ма? (ия)

6. Өз сыныбың ұйымшыл сынып па?

2-тур. «Бізді қоршаған әлемдегі – математика» тақырыбында постер құрастыру. Топтарға постер құрастыруға 8-10 минут уақыт беріледі. Топтар постер құрастырғанша көрермендерге тапсырма беріледі. Қай топтың жанкүйерлері сұрақтарға дұрыс жауап берсе сол топқа 2 балл қосылады.

Көрермендерге тапсырмалар:

«Логикалық лобиринт»

1. Келесі сан қандай? 18 10 6 4 ? (3)

2. Келесі сан қандай? 1 4 5 ? (9)

3. Келесі сан қандай? 2 3 6 ? (18)

4. Д.

3-тур. «Қазақтың математиктері» тақырыбында презентация дайындау.

6а сыныбы – Жәутіков Орынбек Ахметбекұлы

6б сыныбы – Тайманов Асан Дабысұлы

6в сыныбы – Жұмаділдаев Асқар Серқұлұлы

6г сыныбы – Өмірбаев Уалбай Утмахамбетұлы

4-тур. «Блиц-кездесу». Қатысушы тақтаға, ал қалған топ мүшелері қарама-қарсы жақта отырады. Қатысушы конвертте жазылған сөзді немесе суретті 3 минуттың ішінде көмекшілеріне сол сөзді пайдаланбай түсіндіру керек. 4-конверт оқушы таңдап, сол конверттің ішіндегі сөзді немесе суретті тапқырлықпен көмекшілеріне түсіндіре білулері керек. Егер түсіндіре алса - 5 балл. Коверттегі сөздер мен суреттер:

1) Координаталық түзу (сурет)

2) Математика

3) Шеңбер (сурет)

4) Теңдеу.

5-тур. Өлең құрау. «Ақынжанды болмаған адам математик те бола алмайды» деген екен С.Ковалевская. Сондықтан да бүгінгі сабағымызда сендердің өлең құра білу тапқырлықтарыңа да бір кезек көз жеткізіп көрейік. 3 минут уақыт беріледі. Өлең шумақтарыңдағы соңғы сөздері беріледі, соған қатысты өлең құрау:

. . . . . . . . . . . . . . алады,

. . . . . . . . . . . . . . болады.

. . . . . . . . . . . . . . . .

. . . . . . . . . . . . . . қалады.

Құралған өлең мысалы:

Ақыл ойды математикадан алады,

Ойлағаннан математик болады.

Егер математиканы дұрыс меңгермесе,

Ол оқушы сол орнында қалады.

Қорытынды: Әділ-қазылар шешімі бойынша жарыс жеңімпазы анықталады.