Л ?рпі мен дыбысы

Тақырыбы: «Л» дыбысы және әрпі.
Кезең: дыбыс қою.
Сабақтың мақсаты: дұрыс артикуляция қалпы дағдыларын өндеу.
Құрал - жабдықтар: айна, артикуляциялық жаттығулардың фото жинағы, заттық суреттер, белгі беретін жалауша.

Сабақтың жоспары:
1. «Л» дыбысын қоюға арналған дайындық артикуляция жаттығуларын орындау.
2. Дыбысты қою.
3. Сабақтың қорытындысы.
4. Үй тапсырмасы.
Сабақ барысы

1. Логопед: «Л» дыбысын дұрыс айтып үйрену үшін тіл мен ерінді жаттықтыру қажет. Мен саған фото көрсетемін, ал сен есіне жаттығуды түсіріп, өзің істеп көрші. Жаттығудың орындалу дұрыстығын айна алдында бақыла. (Оқушы жаттығуды орындайды).

Логопед: келесі жаттығу «тәтті тосап» деп аталады. Жоғарғы ерінде тәтті тосап тұр деп елестет. Жоғарғы ерінді жалайық. (суретті көрсете отырып, логопед жаттығуды орындайды. Санау арқылы (1 - 3) оқушы жаттығуды орындайды).
- «Кесе» жаттығуы. Тілдің бүйір жақтары жоғары қарай қайырылған. (Логопед жаттығуды орындайды және суреттеді көрсетеді). Жаттығу оқушымен орындалады.
- Мен тағы бір жаттығу жасаймын қарашы. Кесе күйіндегі тілді ауызға кіргізу, ал ерінді дөңестеу. Оқушы жаттығуды қайталайды.

Логопед: Сен мені тыңда, мұқият. Елестет біз екеуміз өзеннің бойында тұрмыз. Жанымыздан пароход өтіп бара жатыр, іші толған адам. Ал енді, пароходтың дауысы қалай шығады, тыңдап көрейікші: Л – ллл.... Енді сен айтып көрші.
Оқушы: «Л – ллл» ( қолымен моторчигін сезініп жасайды)
Логопед: Жарайсын. Енді, «Бағынбайтын тілді жазалау»
Ауызды ашып, тілді төменгі ерінге қойып «пя - пя – пя...» деп айтайықшы. Ауызды ашып тұрып тілді жалпақ күйінде бірден 5-10-ға дейін санап, ұстап тұр.
Оқушы: Жасайды.
Логопед: Қане, есімізге түсірейік. Пя – пя – пя созып айтайықшы.
Оқушы: Пя – пя – пя...
Логопед: Пароход қалай дыбыс шығарады?
Оқушы: Л – л – ллл...
Логопед: Мен қазір саған бірнеше дыбыстарды айтамын, ал сен «л» дыбысын естігенде жалаушаны көтер. « Р, Л, М, Н, Ж, Т, Д, Ж»

3. Сабақтың қорытындысы. Баланың жұмысын бағалау.
4. Үй тапсырмасы. Қарлығаш және үйректің әнін айтып үйрену.

Сабақтың тақырыбы: «C» дыбысын сөзде дұрыс айтуға машықтандыру.
Сабақтың мақсаты: «C» дыбысын буында қайталап сөзде анық айтуға машықтандыру.
«С» дыбысын буын, сөз ішінде дұрыс ажырата білуге үйрету. Фонематикалық қабылдауын
дамыту, ойын тапсырмалар арқылы ойлау, есте сақтау қабілеттерін дамыту.
Сабақтың түрі: Жеке
Көрнекілігі: «С» дыбысының артикуляциясы, артикуляциялық
жаттығулар, слаид, түрлі суреттер, тапсырмалар.
І Ұйымдастыру бөлімі
: Оқушыларды сабаққа дайындау.
Артикуляцияны дамыту жаттығулары
1. Ұртын үрлеу.
2. Ернін созу "у", "о"
3. Жымияды " и"
4. Қасын көтеру "Ой" (таң қалу)
5. Көзін қатты жұму
6. Дем алу және тыныс шығару: са – со – су - сы.
ІІ Негізгі бөлім
Асылай біз бүгінгі сабағымызға келген поиздың тапсырмаларын орындап, вагондарды ашамыз, ол үлкен қалаға кетіп бара жатыр, әр вагон тапсырмасын орындасаң, вагондар саған поиздың қай қалаға бара жатқанын көмектеседі
Қай әріп екенін айтыңдар. Алфавиттік жұмбақтарды шешіңдер. І вагон
Сауысқанды, сәбізді
Сарымсақты, сағызды
Бастап тұрған қай әріп? «С»

Қыста бар,
Жазда жоқ
Түсте бар,
Кеште жоқ «С»
Сарада бар,
Шарада жоқ
Сақанда бар
Шоқанда жоқ «С»

«С дыбысының артикуляциясы»
• Ерін жымиып тұрады;
• Тістердің арасы шамамен 1 мм ашық;
• Тілдің ұшы төменгі тістерге тіреліп тұрады;
• Тілдің ортасы көтеріңкі, ортасында
жырашық болады, сонымен ауа жолы шығады.
• Тілдің бүйір жақтаулары жоғарғы азу
тістерге тиіп тұрады;
• Жұмсақ таңдай көтеріліп, мұрынға баратын ауа жолын жабады, дыбыс перделері ашылады;
Артикуляциялық жаттығулар
«Кесе», «Сағат», «Саңырау құлақтарды», «Тәтті шырын»,
«Ат шауып келеді»

«С» дыбысын дұрыс айт, анық айт.

ІІ вагон
Са – со – су – сы
Со – су – са - сы
Сұ – со – са – сы

Аса асы Усу осы
Осо асу Ысы ұсы
«С» дыбысын сөзде дұрыс айтуға машықтандыру.
Ма..... са 
Ала.... са 
Бол....са 
тол..... са
айт..... са
қайт.... са

«Сы» буынын қосып сөзді аяқта.
Дыб............. ыс ту............... ыс
Айт............... ыс қу.............. ыс
Жар................ ыс ал.............. ыс

Жұмбақ шешеміз ІІІ вагон
Сыртылдайды күнімен,
Сыртылдайды түнімен.
Білгің келсе уақытты,
Көрсетеді тілімен. (Сағат)

Мұрны пұшық,
Көзі қысық,
Өзі пысық
Бұл не? Мысық

«С» дыбысы бар аңдар: қасқыр, арыстан, жолбарыс
«С» дыбысы бар кісі аттары: Сымбат, Самат, Асылай, Қасым

Мына жануарлар нені азық етеді?V Вагон
Сөздерді көпше түрде айт
Құс – құстар
Сабақ – сабақтар
Ыдыс – ыдыстар
Қасқыр - қасқырлар
Сона - соналар

Дәптермен жұмыс
Мына сөздерге «С» дыбысын қойып оқы.
С + ай = сай
С + ана = сана
С + ұлу = сұлу
С + ара = Сара

Қарамен белгіленген сөздерге «С» дыбысын қойып оқы.
ҚЫМБАТ - 1, ЖАБЫН - 1, ТОҚТЫ - 1, ҚАТЫҚ - 3, ЖУАН - 4, ТАРЫ - 1

АЛАТАУ, АУДАН – сөздердің ішінен қарамен жазылған буынмен, дыбысты алып сөздің басына С дыбысын қойып оқы.
Қандай қалаға келді Астана (Бәйтеректің суреті) шығады.

Қол саусақтарына арналған жаттығулар:
«Көзілдірік», «Қайшы», «Қоян» - тақпақты бірге қайталау.

Қорытынды: Бүгінгі өткен сабағымызды қорытындылаймыз.
Есіңе сақта!
Апта деген ағайдың
Жеті бірдей ұлы бар:
Бірінші – Дүйсенбі,
Екінші – Сейсенбі,
Үшінші – Сәрсенбі,
Төртінші – Бейсенбі,
Жұма деген бесінші ұл
Алтыншы ұл - ол Сенбі
Жетінші – Жексенбі.
[С] дыбысы бар жануарларды көрсет Слайд
[С] дыбысы бар ыдыстарды көрсет Слайд
Суреттерді ата

«С дыбысы сөздің қай жерінде» Слайд

Үйге тапсырма.
Жаңылтпаш жаттау
1. Асан массаж жасар,
Массаж жасап шаршар.
2. Биыл жазда маса аз,
Маса азда,
Маза аз.