Ашық сабақ. Тақырыбы: Менің атым Қожа

Сабақтың тақырыбы: Бердібек Соқпақбаев «Менің атым Қожа».

Сабақтың мақсаты:

а) білімділік: Оқушыларға Бердібек Соқпақбаев өмірі мен әлемге танылған шығармасы туралы білім беру, толықтыру; «Менің атым Қожа» шығармасымен таныстыру.

ә) дамытушылық: Көркем әдебиетке қызығушылықтарын арттыру, ояту, сөйлеу мәдениетін қалыптастыру;

б) тәрбиелік: Оқушыларды тәртіпті болуға, адамгершілікке тәрбиелеу;

Сабақтың түрі: салыстыру, талдау сабағы.

Сабақтың әдісі: Венн диаграмасы, топтастыру, сұрақ – жауап, түсіндіру.

Сабақтың көрнекі құралдары: интерактивті тақта, «Менің атым Қожа» фильм таспасы, слайд, карточкалар.

Сабақтың барысы:

І. Ұйымдастыру кезеңі:

Оқушылармен сәлемдесу, сабаққа қатысуын тексеру;

Құрал-жабдықтарын қадағалау;

ІІ. Үй тапсырмасын тексеру.

1. Бердібек Соқпақбаев кім?

2. Қандай шығармаларын білесіздер?

3. «Менің атым Қожа» шығармасы бойынша берілген алғашқы үш тарауын сұрақ-жауап әдісі бойынша сұрау.

«Сұрақ - жауап».

«Қай сәт бейнеленген?»

1. Адамның атының есімі зор бақыт па деймін. Мәселен...,деген аттарды алып қараңдаршы,айтуға да ықшамды. Ол қандай есімдер? (Мұрат, Ербол, Бақыт, Болат).

2. Көк көз келіншек сатушыға не деп дауыстады? Және ол көк көз келіншек кім еді? (Ана сұр кепкалы балаға бермеңіз деді, ол кісі оның сынып жетекшісі).

3. Қолтығымда добым бар.Бүгін оларды жеңуіміз керек.Қай команда ұтылған еді? (Біздің “Спартак”,кеше Қайраттықтардан 7/5 болып ұтылған еді).

4. Өзге ештеңең болмаса да, әуелі оқулықтарың сай болсын деп Қожа қандай мақал айтты? (Оқулығы сай бала-көңілі жай бала).

ІІІ. Үй тапсырмасын бекіту.

«Қай сәт бейнеленген?»

1. “Төбемнен жай түскендей болды. Не істерімді білмеген қалпымда орнымнан сүйретіліп түрегеле бердім. Маңдайымнан бұрқ етіп суық терім шығып кетті. Ох, шіркін,ай!” (30)

2. “Біздің кикілжіңіміз күзде ол осында мұғалім болып келген бетте-ақ басталды. Былай болды. ” (30)

3. – Бермесеңіз, қойыңыз, - дедім де жалт бұрылып, есікті бар күшіммен тарс жауып, жөнеле бердім. Осындай әділетсіздікке қаның қалай қайнамайды(30).

4. “ Біреуді біреуге атыстырып,от тастап жүретін қу,сабақ үстінде сыбырлап-сыпсыңдағыш” (40).

5. Мен сенің әкеңе қарыздыгер адаммын.Менің мойнымда оның тиыны емес,бақандай бір қарасы жүр (40).

6. “ Атымды айта бастасам, тілім таңдайыма жабысып қалғандай болады да тұрады. Адамның атының сүйкімді болуы да зор бақыт па деймін” (40).

7. “ – Ой, ұятсыз! Қай сыныпта оқисың?” – деп бір жұлқып қалды (50).

8.“ Қоңырау соғылып кетіпті. Бірінші сабақ орыс тілі болатын. Мұғалімдердің ішінде бұл өзі - алтын адам. Былтыр біздің мектепке педучилищені бітіріп келген” (50).

9. “Қадыр – менің әкем. Ех, шіркін дүние-ай десеңші! “Әке” деген сөзді айтқанда, жүрегім қарс айырыла жаздайды-ау” (50).

ІY. Жаңа сабақ. Ары қарай «Менің атым Қожа» шығармасының қалған тарауларын қарастырамыз. Оқушыларға шығарманы шағын түрде түсіндіріп өту.

1. Шығармадағы белсенді және тасадағы кейіпкерлерді топтастыру.

Белсенді кейіпкерлер Тасадағы кейіпкерлер

Қожаберген Жанар
Жантас Жақанов
Майқанова А.Михаиловна
Әжесі Сүттібайдың Қожасы
Мамасы Нүри кемпір
Сәйбекқарт
Оспанов

2. Кейіпкерлерге сипаттама беру.

Y. Жаңа сабақты пысықтау.

«Фильм және мен».

Қәнекей, ойынды бастаймыз ба? Ойын басталды.

1. Естеріңде ме, жаңа оқу жылының басталар шағында дүкенге кітап алуға келгенім.Сонда бір қолайсыз жағдайға тап болдым. Ол қандай оқиға еді? Сол уақытта бас киімімнің түсі қандай еді?Жауап: /оқушылардың жауабын экрандағы фильм үзіндісімен салыстыру/05.30.

2. Шығарма қалай басталып еді, сіздер білесіздер ме? Жауап: : /оқушылардың жауабын экрандағы фильм үзіндісімен салыстыру/ (00.25)

3. Майқанова апайдың сөмкесіне бақа салғаным ше...? Естеріңе түсті ме? Жақсы. Сөмкесінен бақа шыға келген Майқанова апайдың іс-әрекеті қандай еді? Жауап: /оқушылардың жауабын экрандағы фильм үзіндісімен салыстыру/38.37.

4. Қожаның құпия кеңесімен аяқтау (47.48).

YI. Жаңа сабақты бекіту.

1. «Бес жолды өлең».

Қожа –

2. «Жылы лебіз» стратегиясы.

«Қожаға хат».

Мұғалім сөзі:

«Менің атым Қожа» повесі қарапайымдылыққа, нанымдылыққа туған. «Өтірік ештеңе қоспаймын» - деп уәде берген автор уәдесін орындайды да. Бұл повесінде жазушы балаларға бала болып сырын ашады, өзінің бар болмысын, жамандығын да, жақсылығын да жасырмай жазады. Сол жасырмай жазуының арқасында оқырманның ыстық ықыласын өзіне аударады. Повестің өн бойында мейір қозғайтын, әдеп ұқтыратын және оны әдейілеп оңашаламай, оқиға барысында жымдастырып келтіретін тұстарымол. Қожаның тентектігі тектен-тек емес, белгілі бір логикадан туындайды. Адам жанын түсіне, ұға бермейтін шолақ белсенділерге, екі жүзділерге қаны қайнайды.
Повесть қалай аяқталды?
Лаула, лаула, жігер оты!
Самға, самға қиял күш!
Асығатыным да, аңсайтыным да,
Ертеңгі болашағым!
YІІ. Үйге тапсырма (2 мин).

«Менің атым Қожа» повесінің қалған бөлімдерін оқып келу. Ақиық ақын Мұқағали Мақатаев туралы материалдар жинап келу. Өмірі мен шығармашылығын оқып келу. Балалар, үйге тапсырма түсінікті ме? Түсінікті болса, бүгінгі сабаққа жақсы қатысқан оқушыларды бағалайық.

YІІІ. Бағалау.