Сабақтың тақырыбы: Гүл күтімі

Тақырыбы: Гүл күтімі

Сабақтың мақсаттары:Білімділік: Оқушыларға гүлдердің атауларын, сырт келбетін, жеке бөлшек атауларын айтуын, оларды баптап, күту ережелерімен таныстыру. Әдемілікті сезіне білуге, кез келген бөлме гүлдерін үй жағдайында өсіруде жарық, ауа ылғалдылығы, температура, суару және тыңайту маңызды рөл атқаратының түсіндіру Дамытушылық: Оқушылардың сөздік қорын кеңейту.Тақырып бойынша өзара сұхбаттаса алуға, мәтін мазмұнын қисынды жеткізіп, өзіне ұнайтын гүлі туралы ой бөлісе алуға үйрету.
Тәрбиелік Табиғатты сүюге, әдемілікке деген құштарлықты оятып, елімізді жасыл желекке айналдырып, гүлденуіне үлес қосуға тәрбиелеу.
Сабақтың типі.Аралас сабақ Сабақтың түрі:Дәстүрлі

Әдіс-тәсілдері:Тыңдалым,оқылым,айтылым және жазылым әрекеттерін қалыптастыру.

Көрнекіліктер: Тақырыптық суреттер,пазлдар

Сабақтың барысы:

- Балалар, қазір жылдың қай мезгілі?
- Қыс мезгілі.
- Балалар біз сендермен ненің суретін салдық?
- Үйдің суреті
- Үйдің нелері болады?
- Қабырғалары, шатыры, терезелері, есігі.
- Терезелердің алдында не тұрады?
- Гүлдер.
- Дұрыс айтасыңдар, ендеше бүгінгі сабағымыз гүлдер туралы өтеміз.
- Гүл дегеніміз - өсімдік, олар өмір сәні, табиғат көркі. Гүлдер терезелердің алдына сән бергенімен қоймай, бөлме ауасын тазартады, адамдарға жақсы көңіл - күй сыйлайды. Гүлдердің де жаны бар, адамдармен сөйлескендей олармен де сөйлесіп, өз ілтипатыңды білдіріп, баптап, күтіп, сүйіспеншілікпен қарап, еркелетіп тұру қажет. Гүлдердің құрлысы: тамыры, сабағы, жапырағы, тостағаншасы, күлтешелері, аталығы мен аналығы.
- Гүлдердің ұзақ уақыт ауырмай, жайқалып тұруының сыры неде деп ойлайсыңдар?
- Махаббатта.
Гүлдер өсіп тұрған бөлмеде біз өзімізді қуанышты сезінеміз, көңіліміз көтеріңкі болады. Олардың көптеген түрлері болады. Түстері де әр түрлі болады.
Гүлдер үш топқа бөлінеді:
дала гүлдері, бөлме гүлдері, емдік гүлдері . Әр қайсысына жеке - жеке тоқталу.

Мысалы:
Дала гүлдері: бәйшешек, раушан, қызғалдақ, бақбақ, астра. Бұл гүлдер көктемде, жазда өседі.
Раушан гүлі - хош иісті гүл. Бұл гүл далада өседі. Оны мерекелерде, сый құрметтерде беріледі
Бөлме гүлдері: әйел бақыты, доллар гүлі, кактус, фикус, пальма. Бұл гүлдер жылдың төрт мезгілінде бөлмеде өседі.
Әйел бақыты - тропикалық аймақта өсетін бұл гүл аса талғампаз, әрі күтімді қажет етеді. Гүлдің жақсы өсуі үшін жарық, ылғалды ауа және бөлме температурасы бірқалыпты, яғни жылы болу керек.
Емдік гүлдері: алоэ, анис, адыраспан, түймедақ, қалампыр. Бұл гүлдер бөлмеде де, далада да өседі
Алоэ гүлі - оның жапырақтары тікенекті болғанымен қолымызға кірмейді. Алоэның емдік қасиеті бар, егер де жүгіріп бара жатырып, жарақат алған жағдайда осы алоэ кескінін кесіп алып, жарақат алған жерге тигізіп біраз уақыт ұстап тұрсақ, жара жылдам жазылады.
- Балалар, мен сендерге тәжірибе жүзінде гүлді қалай отырғызу, қалай күтіп баптау керектігін көрсетемін. Алдымен, гүлдің өскінін қиып алып, оның тамыры шыққанша суға салып қоямыз. Шелекке құнарлы топырақ салып, тамыры бар өскінді сол топыраққа отырғызамыз. Тамыры топырақтың астында болады, олар көрінбейді, гүлдердің су ішуіне көмектеседі, сондықтан да оларға су құйып тұру қажет. Гүлдердің тамыры дем алып тұру үшін, топырағын қопсытамыз.
Мұғалім гүлге су құйып, топырағын қопсытып көрсетеді.
(Балалар қарайды, үйренеді.)
- Балалар, гулдер өздерінше қуана да, мұңая да алады екен.
- Балалар, сиқырлар әлеміне барғыларың келе ме?
- Міне, «Сиқырлар әлеміне де» жетіп қалдық.
- Ендеше балалар, қазір мен сендерге дала гүлдерінің суретін салдыртқым келіп тұр.
Табиғатта өсіп тұрған және бөлме гүлдердің суретін салғызу. Сергіту сәті:.
Балалардан тақпақ сұрау, гүл туралы ертегі оқып беру.

Жұмбақ :Адамдардың бәрі қызығады,Су құймасаң сәні бұзылады.( Гүл
1. Жұмбақ жасыру:
Аналарға сыйлайтын,
Аралар бал жинайтын
Бұл немене, балалар,
Үзуге адам қимайтын. (гүл)
2. Мақал –мәтел

Әр атаның өз ұлы бар,
Әр бұтаның өз гүлі бар. *************************Бір гүл толып ашылады, Бір гүл солып ашылады.

*************************

Гүл ашылмай бұлбұл сайрамас.

Гүлді гүл деме егер сабағы болмаса.

-*****************************. Гүл қайда болса көбелек сонда.

*****************************
Гүл өмір қызығы.

*****************************Гүл өссе жердің көркі, Қыз өссе елдің көркі.

*****************************Гүл сабағымен қадірлі, Ас табағымен қадірлі.

Қорытындылау:
- Жарайсыңдар балалар! Сендер қандай гүлдермен таныстыңдар?
- Дала гүлдері, бөлме гүлдері, емдік гүлдері.
- Қандай дала гүлдерін, бөлме гүлдерін, емдік гүлдерін білесіңдер?
- Гүлдердің түстері қандай болады?
- Әр түсті, қызыл, сары, көк т. б.
Жапырақтарының түсі қандай?
- Жасыл
- Бүгінгі сабағымыз өте жақсы өтті ! Гүлдердің суретінде әдемі етіп салдыңдар.