К?ш білімде, білім кітапта

Тақырыбы: Күш білімде, білім кітапта

Тәрбие сағатының мақсаты:

а) Оқушыларды білімді болуға, кітапты көп оқуға деген қызығушылығын арттыру.

ә) Оқушылардың білімділік танымын және кітапқа деген қызығушылығын арттыру.

б) Оқушылардың кітапқа деген сүйіспеншілігін арттыру, ұқыптылыққа, мейірімділікке тәрбиелеу.

Көрнекілік: Кітап туралы қанатты сөздер, мақал – мәтелдер, шарлар т. б.

I Ұйымдастыру бөлімі

• Құрметті ұстаздар мен оқушылар, бүгінгі «Білім көзі кітапта» атты тәрбие сағатын Ахмет Байтұрсынұлының мына өлеңімен бастағалы тұрмын.

Балалар, бұл жол басы даналыққа

Келіңдер, оқып байқап қаралық та,

Бұл жолмен бара жатқан өзіңдей көп

Соларды көре тұра қалалық па?

Даналық – өшпес жарық, кетпес байлық

Жүріңдер, іздеп тауып алалықта.

Әнұран айтылады

• Ал, балалар білімді біз қайдан аламыз? (өмірден, мектептен, кітаптан, журналдан, кітапханадан)

• Мектеп бізге не береді? (тәрбе, білім)

• Білімді кім береді? (Ұстаз)

• Білімнің алғашқы баспалдағы неде? (Әліппе)

Кітап:

Мұғалім: Мен адамның досымын. Менің атым – кітап. Мені жасау үшін адам баласы көп еңбек сіңіреді. Алдымен адам орманннан ағаш кеседі. Оны фабрикаға апарады. Фабрка ол ағаштан қағаз жасап шығарады. Содан соң оған авторлар жазады, суреттер салады. Баспахана жазулар мен суреттерді басып, кітап етіп шығарады. Міне, енді бүгін сендердің қастарында тұрмын. Мені күтіп, жартпай ұстаңыздар. Мен сенімді досыңмын.

«Кітап – білім бұлағы, білім – өмі шырағы» - деп халқымыз бекер айтпаған, Кітапты халық ағып жатқан бұлақтағы суға теңеген. Судан қанып ішсең, сусының қанады, сол сияқты кітап оқысаң білімін молаяды, көбейеді.

• «Білім – өмір шырағы» -

деп білімді жанып тұған шамға теңеген. Шам сөнсе, айналаны тас түнек қараңғылық басады. Надандық түнек ол – қараңғылық.

Пайда ойлама – ар ойла,

Талап қыл артық кітапта,

Ерінбей оқып көруге – деп

Ұлы Абай атамыз жырлағандай.

Енді мен сіздерге жұмбақ жасырамын шешуін айтасыздар:

Көп әңгіме, өлеңім

Күнде ақыл беремін

Жақсы көрсе мені кім,

Менде жаксы көремін.

(Кітап)

Үндемес серік, ақылы берік.

(Кітап)

Білмейтіндерге әріпті

Біртіңдеп тұрып танытты.

(Әліппе)

Бір үйге көзсіз боп басыңды сұғасың,

Бұл үйден көреген боп шығасың.

(Мектеп)

Емес ол кітап та, дәптерде,

Жүреді бірақ та портфельде

Көрсетіп ондағы бағанды

Қуантып қоясын ағаңды.

(Күнделік)

-Сонымен балалар барлық білімді біз кітаптан аламыз, кітап бізді кайырымдылыққа, адалдыққа үйретеді.

Енді «Білгенге - маржан» мақал – мәтелдер сайысы.

3 қатар «Кім көп біледі?»

Күш білімде, білім кітапта.

Ақыл азбайды,

Білім тозбайды.

Қына тасқа бітеді

Білім басқа бітеді

Асыл –тастан, білім жастан.

Оқусыз білім жоқ, білімсіз күнің жоқ.

Білектк бірді жығады, білімді мыңды жығады.

Ақыл азбайтын тон, білім – таусылмайтые кен.

Білімді өлсе қағазда аты қалар.

Кітапсыз білім жоқ, білімсіз күнің жоқ.

Бақша гүлімен, адам біліммен көрікті.

Білім іздеген өсер, бүлік іздеген өшер.

Мектеп білім ордасы, Ұстаз мектеп тұлғасы.

Өнер ағып жатқан бұлақ, білім жанып жатқан шырақ.

Білім дүниенің кілті

Оқу білімнің кілті.

Білім кілті – кітапта.

Ән: кітап – білім бұлағы. Салимова. М.

(Қуанышым - қазынам)

• Оқушылардың білім, кітап туралы өлең жолдарын тыңдап көрейікші:

Лилия:

Елімізде атақты

Ғалым ата не тапты,

Бәрін, бәрін білесің

Оқи берсең кітапты

Білім алар көп адам

Жақсы нәрсе жоқ одан

Қызыға көп оқимын

Кітап көрсем жаңадан

Кітап маған ұнады

Кітап – білім бұлағы.

Ф. Оңғарысынова апамыздың «Білім керек бәріне» өлеңі. Ишанова. Д

- Балалар біз кітап алу үшін қайда барамыз? (Кітапханаға)

- Олай болса, Сөз ойла, тез ойла ойыны музыка ойнап тұрады.

Кітапхана (Бірнеше сөз құрау)

• Енді балалар біздерге Астанадан мынадай қорапша беріп жіберіпті, ішінде тапсырмалар бар. Қорапшада Ұлы адамдардың пікірлері жазылған карточкалар бар. Соны дауыстап оқимыз.

Хормен айтамыз

*Білім біздің шырағымыз

*Кітап – ақылды қуаттандыратын құрал.

*Өмірде ең жақсы кеңесші – кітап

*Кітапсыз үй – жансыз дене.

- Мұғалім: Әдепті бала қандай болу керек.

Еділхан:

Сыйлап үлкен ағаны

• Сәлем берген баланы

Кім дейміз? (әдепті екен бұл дейміз)

Сөзжұмбақ

Қыстан кейінгі мезгіл? (көктем)

Оқушыға білім беретін кім? (мұғалім)

Тұңғыш ғарышкердің аты? (Тоқтар)

Әкенің әкесі кім болады? (ата)

Білім ордасы? (мектеп)

Тапқыр болсаң тауып көр.Ұйқасын тап:

Жазу үшін саған

Қажет қағаз (қалам)

Дауысына құлақ түр

Жер жыртып жүр (трактор)

Өзіңше ноян

Қорқақ кім? (қоян)

Кім жаңылыспайды:

Тарғыл итім талға оралды

Талға тағы барып оралды.

Топ бала қуып жүр

Допты ала топтала

Шыжып жатты шұжық

Шұжық ақты жылжып.

Дана: Кітап, дәптер, қаламы

Кір шалмаған баланы

Кім дейміз? (ұқыпты бала бұл дейміз)

Әдемі: Таудай биік талабы

Жаксы оқитын баланы

Кім дейміз? (үлгілі екен бұл дейміз)

Оқушылар үйге: «Кітап біздің досымыз» атты шығарма жазу.

Қорытындылау: Бәрін, бәрін білсең, оқи берсең кітапты, дегендей көп оқысаң, көп білесің ...

• Сендерге мен тәтті тоқаш әкелдім. Осы тәттінің дәмі, сендердің кітапқа деген құмарлықтарыңды арттырсын деген ниетімді білдіремін.

Енді кезекті біздің кітапханашы апайымыз Анаргүл Торғайқызына беремін.