Әдеби кеш: Заманның заңғар тұлғалары.

«Заманның заңғар тұлғалары»

Мақсаты: Қазақстанның көрнекті жазушысы Әбіш Кекілбаевтің және Әбділда Тәжібаевтың өмірін, шығармаларын оқушыларға терең таныстыру.
Тәрбиелік: Ақынның шығармалары арқылы елін, халқын сүюге, адамгершілікке тәрбиелеу.
Дамытушылық: Оқушының шығармашылық ізденісін арттыру.

Көрнекілігі: Кітап көрмесі, бейнежазба, слайд

1-жүргізуші: Армысыздар, қымбатты  қонақтар  және кітап сүйер, жаңа ғасырдың жаңашыл ұлаңдары!  Біз сіздермен білім нәрімен сусындатқан кітапханашылардың ұйымдастыруымен өтіп жатқан «Заманның заңғар тұлғалары» атты әдеби кешке қош келіпсіздер. «Бір ел – бір кітап – 2019» республикалық акциясы бойынша биыл екі кітап таңдап алынды. Қазақстанның екі көрнекті жазушысы Әбіш Кекілбаевтың «Аңыздың ақыры» романы мен Әбділда Тәжібаевтың лирикалық шығармаларын  таңдап алынды. Олай болса бейнежазбаға назар аударайық.
2- жүргізуші:Әбділда Тәжібаев 1909 жылы Ақмешітте (қазіргі Қызылорда қаласында) дүниеге келген. Әкесі Тәжібай 1915 жылы қайтыс болады да, шешесі Айманкүлдің қолында қалған. Жағдайына байланысты алты жасар Әбділданы қала сыртындағ Қараөзек деген жерде тұратын төркініне алып кетеді. Содан болашақ ақын он үш жасына дейін шешесі Айманкүл мен нағашы атасы Далдабайдың тәрбиесінде өседі. Жас Әбділданың өлеңге, әдебиетке деген құштарлығын оятқан да өз анасы мен нағашы атасы болады. Жиырма бес жастағы Әбділда 1934 жылы Қазақстан жазушылар одағының хатшылығына, ал 1939 жылы оның төрағалығына сайланады.

30-жылдары ақын көп оқу, тынымсыз іздену үстінде өндіре де жазады, шығармаларының көркемдік сапасы жағынан да айтарлықтай биікке көтеріледі. 

Ендеше кезекті ақынның Әбділда Тәжібаев  ағамыздың жырларына кезек берейік.

8 «А» сынып оқушысы Вовка Айжан

8 «А» сынып оқушысы Бәкібаева Ажар

8 «А» сынып оқушысы Қуандық Бейбіт

9 «Ә» сынып оқушысы Ағлан Есенкүл

8 «Б» сынып оқушысы Дүйсенбай Мадина

8 «Б» сынып оқушысы Кәкім Перизат

8 «Б» сынып оқушысы Тоқтамұрат Дариға

9 «Ә» сынып оқушысы Аділхан Айгерім

9 «Ә» сынып оқушысы Тұрысбекқызы Сая

2–жүргізуші:Нағыз ақындар ғана осылай толғай алады, осылай толғана алады. Ақынның алғашқы өлеңдерінен бастап, өмірінің соңғы жылдарына дейінгі өлең-жырларын, поэмаларын талдап айтсақ сөз ұзаққа кетері сөзсіз. Кешегі, ХХ ғасыр қандай күрделі болса, Әбділдә Тәжібаевта сондай күрделі тұлға. Қазіргі жастарымыздың өз тілінен алшақтап бара жатқан кезеңінде Әбділдә ақынды бүгінгі ұрпақ жете біле бермеуі де, түсіне білмеуі де мүмкін. Бірақ қазақ сияқты рухы мәңгі сөнбейтін саңлақ халқы барда Әбділдә Тәжібаев жырлары да мәңгі тірі. Сіздердің назарларыңызға Ә.Тәжібаевтың «Толағай» ертегісінен сахналық көрініс.

1–жүргізуші:Әбіш Кекілбаев 1939 жылы 6 желтоқсанда Маңғыстау облысы Маңғыстау ауданы Оңды ауылында туған. 1962 жылы Қазақ мемекеттік университетін бітірген. 1962-1965 жылдары «Қазақ әдебиеті», «Жас Алаш» газеттерінде әдеби қызметкер, бөлім меңгерушісі, 1964-1968 жылдары Қазақ КСР Мәдениет министрлігінде репертуарлық-редакциялық коллегия мүшесі қызметтерінде болды. 1970-1975 жылдары «Қазақфильм» киностудиясында бас редактор, 1975-1984 жылдары Қазақстан Компартиясы ОК мәдениет бөлімінде нұсқаушы, сектор меңгерушісі, 1984-1986 жылдары Қазақ КСР Мәдениет министрінің орынбасары, 1986-1988 жылдары Қазақстан Жазушылар одағы басқармасының 2-хатшысы, 1988-1990 жылдары Қазақ КСР тарих және мәдениет ескерткіштерін қорғау қоғамы Орталық Кеңесі президиумының төрағасы. 1990 жылдан бастап Қазақстан Компартиясы ОК бөлім меңгерушісі, Қазақ КСР Жоғарғы Кеңесінің мәдениет, тіл және ұлтаралық қатынастарды дамыту жөніндегі комитетінің төрағасы (1991), «Егемен Қазақстан» газетінің бас редакторы (1992–1993), ҚР Мемлекеттік кеңесшісі (1992–1993), ҚР Жоғарғы Кеңесінің төрағасы (1994–1995), ҚР Парламенті Мәжілісінің депутаты, комитет төрағасы (1996–1996) болып істеген. 1996–2002 жылдары ҚР Мемлекеттік хатшысы, 2002 жылдың ақпанынан ҚР Парламенті Сенатының депутаты болды7

2–жүргізуші: Әбіш Кекілбаев «Аңыздың ақыры» кітабы бойынша сұрақ –жауап.

1. Роман қаншабөлімнен тұрады?

2. Шығарманың қанша кейіпкерлері бар ?

3. Әмірші, Кіші ханым және шебер жағымды кейіпкер ме?

4.Ахмет саудегер туралы толық мағлұмат бер?

5.Шығарма арқылы жазушы оқырмандарға қандай ой тастады?

6.Шығарма бұрын қандай атпен аталған?

Құрметті оқырмандар, сіздерді бізбен бірге қазақ әдебиетінің классикасын оқып, кітапханалық іс-шараларға қатысуға шақырамыз.

1-жүргізуші:Құрметті оқушылар бүгінгі ақынымыз қайраткерлеріміз «Бір ел – бір кітап» акциясы арналған әдеби кеш өз мәресіне жетті.

Сөз қадірін өз қадірін артық көрген халқымыздың дүлдүл ақындары да өлеңмен өрілген рух мұрасының алтын қақпасы сынды. Осындай қазақтың біртума ақындардың бірі Әбділда Тәжібаев, Әбіш Кекілбаев,Шәкәрім Құдайбердіұлы,Немат Келімбетов және Бауыржан Момышұлы Сайын Мұратбеков, Фариза Оңғарсынова сонымен қатар Оралхан Бөкеев шығармаларын болашақ ұрпақтарымызға сусындап өссін.