Тұғыры биік - дара тұлға

Тұғыры биік-дара тұлға

Мақсаты:

Бүгінгі жас ұрпаққа Елбасының ерекше қадір-қасиетін, тұлғалық тұғырын түсіндіру; Қазақстан Республикасының Президенті Нұрсұлтан Назарбаевтың өмір жолдары туралы түсінік беру; ерен еңбегін мақтаныш сезіммен оқушылар бойына сіңіру.

Көрнекілігі:Ашық тәрбие сағатының тақырыбы, Елбасының кітаптары, суреттер, нақыл сөздер

Барысы:

Ел мен ердің ақ тілегі бір екен,

Елі дархан ,Ері жайсаң дүр екен.

Қиын өткел,тар жол,тайғақ кешуден

Қазақ көшін қыр асырған-Нұрекең!

Әр сөздің астарында осы арада

Ағайын, ой жібере жете қара

Тәуелсіз Қазақстан тарихында

Тұлғасы Елбасының жеке дара.

Құрметті ұстаздар,оқушылар, көрермен қауым!

- Қазақстан Республикасының тұңғыш президенті Нұрсұлтан Әбішұлы Назарбаев сияқты талантты тұлғаның, халқын сүйетін ұлтжанды азаматты білмейтін адам баласы жоқ десе де болады. Бүгін, Нұрсұлтан Назарбаев жайлы көптеген мағлұматтарға тоқталамыз.

Жыр ғұмыр, жан азығым, әнұраным,

Мен сені естімесем сағынамын.

Алтынға айырбастамас ата-анамдай.

Туғалы сенсің менің танығаным.

Шексіз көк аспанды жамылады,

Уақыттың басылған жоқ дауылы әлі.

Бірігіп бір жүрекпен шырқайтұғын

Әнұран-Мемлекеттің халық әні

(Әнұран орындалады)

Мақпал:Қазақстанның егеменді ел тануына Елбасымыздың қосқан үлесі зор. Қазақстанды мекендеген барлық халықтардың ұлттық мәдениетін көркейтіп, бірлігі мен ынтымақтастығын жарастырып отырған ұлы тұлға.

Еліміздің тәуелсіздік жемістерін, бүгінгі қол жеткізген табыстарын біліп жүру – біздің басты міндетіміз.

Елбасының ойлайтыны-ел қамы,

Зиялы елді тебіренту-толғамы.

Қазақ деген елге керек әрдайым

Ерен бірлік, ынтымақтың болғаны.

Алдарыңызда Ұлттық биді қыздарымыздың орындауында қарсы алыңыздар.

Құндыз: Армысыздар, қадірлі де ұлағатты ұстаздар.

Хош келіпсіздер бүгінгі тәрбие сағатына,

Бас иіп сәлем бердік баршаңызға.

Елбасымыз Нұрсұлтан Назарбаев 1940 жылы 6-шілдеде Алматы облысы Қаскелең ауданының Шамалған ауылында дүниеге келген. Балалық шағы таршылық жағдайда өтті.Үлкендердің мал бағуына, бау-бақша өсіруіне көмек көрсету керек болды.Мектепті жақсы оқып, жақсы білім алды.1991 жылы 1- желтоқсанда республикада бүкілхалықтық Президент сайлауы болып өтті. Республика жұртшылығы Нұрсұлтан Әбішұлы Назарбаевты Президент етіп сайлады.

Қалалық, облыстық және республикалық көлемде басшы органдарда жауапты қызметтер атқарды. Металлургия комбинатында партком хатшысы,Теміртау қалалық, Қарағанды облыстық және республикалық партия ұйымдарында экономикалық салаға жауап беретін хатшы болды.Нұрсұлтан Әбішұлы Назарбаев Қазақстан Үкіметін басқарғанда 44 жаста болды.

Айжанар: 1991 жылы 16-желтоқсан күні біздің еліміз Тәуелсіздігін жариялады. Елбасымыз Нұрсұлтан Назарбаев Қазақстан Республикасының Конституциялық заңына қол қойды.Қазақ халқының ғасырлар бойы аңсаған арманы жүзеге асты.

Айерке: 1992 жылы 4-маусымда Президент Қазақтан Республикасының Мемлекеттік Туы, Елтаңбасы Әнұраны туралы Қазақстан Республикасының заңдарына қол қойған болатын.

Шарапиденова Айымжанның орындауында «Жастар ән ұраны» әнін қабыл алыңыздар

Кезекті Дүйсен Мақпал мен Сарбасова Айжанардың Елбасына арнауын қабыл алыңыздар

Айымжан: Ақшам шықты өзімнің тұңғыш рет,

Білдім дербес елімнің үлгісі деп.

Бейнеленген хан, ақын, ғалымдарым,

Беттерінен көз тартып тұрды сурет.

1993 жылы 15-қарашада Қазақстан Республикасының ұлттық ақшасы теңге айналымға енді.

Назира: 1995 жылы 30-тамыздағы Бүкіл халықтық референдумда ортақ тарихи тағдыр біріктірген Қазақстан халқы байырғы қазақ жерінде мемлекеттік құра отырып, еркіндік , теңдік және татулық мұратына берілген бейбітшіл азаматтық қоғам деп таныта отырып, қазіргі және болашақ ұрпақтар алдындағы жауапкершілікті сезінетін, егемендік құқықты ала отырып Ата заңды қабылдады.

Мейірбек :Қуан халқым, күшіне енді «Тіл заңы» ,

«Сүйінші » деп ақын ұлың жырлады.

Ел елдігі бағаналар тілменен,

Сол арқылы құлпырады гүл бағы.

Әр халықтың тарихта қалуы ана тіліне байланысты. Адамды мұратқа жеткізер- ана тілі мен ата дәстүрі. Егеменді Қазақстан елінде ана тілімізге мемлекеттік мәртебе берілді. «Тіл туралы» заң қабылданды.

Алдарыңызда «Елім менің» әнін орындайтын Шарапиденова Айымжан

Аружан: 1998 жылы 6-мамырда Елбасы жарлығымен мемлекет астанасы Ақмола қаласына ауыстырылды. Ақмола атауы Астана болып өзгертілді.

Жаңарып ай, жылдарым,

Жаңарып күн,

Күншуақты Астана бой көтерді

Белгісіндей бейне бір даналықтың!

Бүгінде елбасымыздың жолдауы белсенді талқылануда. Елбасы жолдауы-қалың бұқараны сара жолға салатын жол.

Махаббат:Н.Назарбаев Президент болған жылдар ішінде қаншама жетістіктерге қолымыз жетті.Әлемдегі бәсекеге қабілетті 50 елдің қатарына ендік.

Азияда,төрлет қазақ төріне,

Туды көтер қазағымның көгіне.

Бақыт болып келдің туған жеріме,

Қуаныш боп ендің бүгін еліме.

2010 жылдың ақпан айында VІІ Қысқы Азияда ойындары Қазақстанның Астана және Алматы қалаларының спорт алаңдарында өтті.

Гаухартас: Көк байрағым аспанымдай зеңгір көк,

Желбірейді «Мен тәуелсіз елмін»деп.

Елдігімді,ерлігімді танытқан,

Көк туымды биіктерден көрдім көп.

«Ассалаумағалейкум» әнін орындайтындар Қайыр Мейірбек пен Даутов Данияр

Құндыз: «Бұл дүниеде біздің бір ғана Отанымыз бар,ол-Тәуелсіз Қазақстан» деп Елбасымыз айтқан.Кең байтақ Қазақстан-туған өлкеміз.Оны құрметтеу-баршамыздың парызымыз. Елбасымыз-елін дамытып,одан әрі өркендеуіне басшылық етіп отырған ерекше тұлға. Біз елбасымызды әрқашан мақтан тұтамыз.

Мақпал:

Елімнің атын айтсам-Қазақстан,

Жерімнің атын айтсам-Қазақстан!

Қойнауы қазынаға толған мекен,

Байлығым атын айтсам-Қазақстан!

Назира:

Отаным-Қазақстан туған жерім,

Мұнай мен газ болады асыл кенім.

Көркейтіп бір өзіңді келе жатқан

Артамыз Елбасына үлкен сенім!

Айжанар:

Ел болдық,ерік алдық астаналы,

Енді кімнен қазағым жасқанады?!

Тәуелсіз мемлекеттің шежіресі

Нұрсұлтанның атымен басталады.

Данияр:

Елбасымыз жолдайды,

Халқы оны қолдайды

Ешқашан да орынсыз

Шешімдері болмайды.

Мейірбек:

Елбасы елді қорғайды,

Халық қамын ойлайды.

Осындай жақсы адамның

Жақсылығы тарайды.

Құндыз:

Халқым айтқан «Жер көтерер ел даңқын»,

Елім айтқан «Ел көтерер жер даңқын».

Президентім Елбасы, аман болғай,

Мәңгі жаса, жас қазағым,өр халқым!

Мақпал:Барлығымыз бүгінгі сабағымызды жүректен шыққан жақсы тілектермен жеткізейік.

1. Намысты бол 7. Шыншыл бол

2.Зерделі бол 8. Арлы бол

3. Ержүрек бол 9. Білімді бол

4. Әділ бол 10. Отаншыл бол

5. Сүйкімді бол 11. Салмақты бол

6. Сезімтал бол 12. Өз еліңнің патриоты бол

Мұғалім:Біз бүгін ұлтымыздың кемеңгер данышпанына айналған білімді, ақылды, өзінің ұстанған саясаты бар Нұрсұлтан Назарбаев туралы бар білгенімізді ортаға салдық. Президент –біз үшін ұлы тұлға. Біз елбасымен мақтана аламыз. Мақтай да аламыз. Еліміздің тәуелсіздігі баянды болып, қазақ елі өзге елдермен қатар күн кешіп,татулық пен тұрақтылықты ту етіп келеді.Сондықтан егемендігіміз мәңгі болып, халқымыз аман, ел-жұртымыз тыныш болсын деп «Алға Қазақстан» флешмоб биімен ашық тәрбие сағатымызды аяқтаймыз.