Тәрбие сағатының тақырыбы: «Тәуелсіздік тұғыры биік болсын!»
Мақсаты:а)білімділігі:оқушыларға 1986 жылғы Желтоқсан оқиғасының болу себептерін
және тәуелсіздіктің қадір-қасиетін түсіндіру;
ә)тәрбиелігі: Отан-Ананы құрметтеу, тәуелсіздікті бағалай білуге, ұлтжанды,
елжанды болуға тәрбиелеу;
б)дамытушылығы:оқушының ойын жеткізе білуі мен тіл байлығын дамыту.
Көрнекілігі: Желтоқсан қаһармандарының суреттері (Қайрат, Лаззат, Сәбира, Ербол), интерактивті тақта, тақырып желісі бойынша слайдтар, шарлар, нақыл сөздер, кітап көрмесі.
Сабақтың барысы:
Өсер ұлдың қай сәтте де,
Бірлік болмақ қалауы,
Лаула - лаула желтоқсанның
Мұзға жанған алауы.
Өздеріңдей өр намысты,
Жас өркені бар елдің,
Ешқашанда тиісті емес
Еңкеюге жалауы.
- Қайырлы кеш, құрметті ұстаздар, оқушылар! Желтоқсанның дүмпуімен, қылыштың қыры, найзаның ұшына қасқая қарсы тұрған азамат аға - апаларымыздың арқасында жеткен тәуелсіздік мерекесіне арналған «Тәуелсіздік тұғыры биік болсын» атты шарамызға қош келіпсіздер!
Бүгін Отанымыз Қазақстанның тарихында ерекше орны бар, халқымыздың қасіреті мен ар-намысына, сонымен бірге мақтанышына айналған оқиға – бұл 1986 жылғы Желтоқсан оқиғасы.
1986 жылы 17 – желтоқсанда Алматы қаласында мыңдаған қазақ жастары наразылын білдіріп, шеруге шықты. Олар «қазақ елінің өз көсемі сайлансын» деген тілек білдірді.
Сол кездегі үкімет басшыларының бұйрығымен күш көрсетілді. Көптеген жастар түрмеге қамалды. Оларға желтоқсанның ызғарлы күнінде зәбір көрсетілді. Өз елінің тәуелсіздігін талап етіп, шеруге шыққан жастарға «бұзақылар», «ұлтшылдар», «нашақорлар» деген кінә тағылды.
- Бір сәт экранға көз жүгіртейік. Назарларыңызға «Желтоқсан желі» атты видеороликті ұсынамыз.
- Желтоқсан құрбандарын оқушыларға буклет арқылы таныстыру. Олар: Қ.Рысқұлбеков, Л. Асанова, С. Мұхамеджанова, Е. Сыпатаев.
- Осы аға – апаларымыздың арқасында тәуелсіз елде бәріміз өмір сүріп жатырмыз.
- Иә, осынау кең байтақ еліміздің шалқар көлдері мен асқар таулары, қаласы мен алтын дәнді даласы, пайдалы қазбалары, малға толы өрісі, балалар, сендерге өсиет болып қалды. Ал, сол болашақ жердің иелері сендер қандай болуларың керек?
(Оқушылар өз сөздерімен жауап береді).
- Бүгінгі танымдық сайысымызда сіздердің туған ел, туған жер туарлы білетіндеріңізді ортаға саламыз. Сайыс кезеңдерімен таныс болайық:
1. Таныстыру (берілген қима әріптерден топтың атын құрастыру).
2. Сұрақ – жауап
3. Сөзжұмбақты шешу
4.Жұмбақтар жасыру
5. Сурет салу (Тәуелсіздікке байланысты суретті топпен плакатка салу).
- Оқушылар, сайыс кезеңдерімен таныс болсақ. Сайысты бастайық.
1. Оқушылар берілген қима әріптерден «Достық», «Ерлік», «Бірлік» атты топтар құралады.
2. Сұрақ – жауап
«Достық» тобына сұрақ:
- ҚР- сы қай жылы тәуелсіздігін алды? (1991 ж.16 желтоқсан)
- «Отан.. .. ». ( Осы мақалды жалғастыру, «Отан оттан да ыстық»).
«Ерлік» тобына сұрақ:
- Әнұранымыздың авторларын атаңдар? (Сөзін: Ж. Нәжімеденов, Н. Назарбаев; Әнін жазған: Ш. Қалдаяқов).
- ҚР рәміздерін атаңдар? ( ту, елтаңба, әнұран)
«Бірлік» тобына сұрақ:
- ҚР мемлекеттік тілі? (қазақ тілі)
- Туған жер туралы мақал айт. (Туған жердей жер болмас, Туған елдей ел болмас)
3. Сөзжұмбақты шешу
1.Ұлт (қазақ)
2.Қазақстан Республикасының мемлекеттік рәмізі (елтаңба)
3.Көктем мерекесі (ай аты) (Наурыз)
4.Қазақтың ұлы, ақыны. (Абай)
5.Космодром. (Байқоңыр)
6.Қазақстанның астанасы. (Астана)
7.Қазақстан Республикасының мемлекеттік рәмізі. (ту)
8.Қазақстандағы теңіз.(Каспий)
9.Қазақстан Республикасының мемлекеттік рәмізі. (әнұран)
4.Жұмбақтар жасыру
«Достық» тобына жұмбақ
1. Қиналмай тауларды, орманды,
Теңізді, дария, жондарды.
Ауылды, қаланы, халықты
Ойлан тап, көтерген алыпты. (жер)
2. Үнсіз тілдесесің,
Өзімен күнде өсесің (Кітап)
«Ерлік» тобына жұмбақ
3. Қыста киімін тастайды,
Көктемде киіне бастайды (ағаш)
4.Білімнен мол сый - асы,
Балғындардың ұясы (мектеп)
«Бірлік» тобына жұмбақ
5. Шәкіртке жанашыр,
Мейірман кім, жаны асыл (ұстаз)
6.Таңмен көзін ашады,
Әлемге нұрын шашады (күн)
5. Тәуелсіздікке байланысты суретті топпен плакатка салу. Мысалы: бәйтерек, ақорда, ханшатыр т. б.
ІҮ.Қорытындылау.
- Топтардың жинаған ұпайларын санау. Оларды марапаттау.
- 2а,б,в – сыныптарының оқушылары тәуелсіздік туралы жаттаған тақпақтарын айтады.
Хор: « Отан», «Қазақстан»
Қорытынды сөз мұғалім: Осымен, балалар, бүгінгі Қазақстан Республикасының тәуелсіздігіне арналған сыныптан тыс шарамыз аяқталды. Тәуелсіздігіміз баянды, құтты болсын! Ал, бүлдіршіндерімізге тек амандық, бақытты болашақ тілейміз!Қош, сау болыңыздар!
