| Сынып сағатының басы: 10 мин | ҚР Мемлекеттік Әнұраны орындалады І. Ұйымдастыру кезеңі Сынып жетекшісінің әрекеті: Оқушылармен амандасады, сабаққа назарын аударады. Тәрбие сағатының тақырыбы мен мақсатын таныстырады. Психологиялық ахуал: «Мен елімнің жауапты азаматымын» атты қысқа ой сергітуін өткізеді. ІІ. Қызығушылықты ояту «Ой қозғау» әдісі Мұғалім сұрақтар қояды: «Конституция дегеніміз не?» «Заң не үшін қажет?», «Жауапты азамат қандай болуы керек?» | Оқушылар әнұран орындайды.
Шеңберге тұрып, өз ойларын білдіреді.
Сұрақтарға жауап береді |
Көңілді әуен
|
| Сынып сағатының ортасы 30мин | ІІІ. Негізгі бөлім «Конституция және табиғатты қорғау» Мұғалімнің қысқаша түсіндірмесі: Қазақстан Республикасының Конституциясы – еліміздің негізгі заңы. Конституцияда азаматтардың құқықтары мен міндеттері, қоғамдағы жауапкершілік пен ортақ құндылықтар айқындалған. Қазақстан Республикасының Конституциясы 1995 жылғы 30 тамызда республикалық референдумда қабылданды. Адам құқықтары мен бостандықтары, азаматтардың міндеттері туралы әңгімеленеді. «Конституция және мен» тақырыбында шағын пікірталас өткізу. Пікірталас барысында білім алушылардың құқықтары мен міндеттерін, заңды орындау және қоғам алдындағы жауапкершілік мәселелерін талқылау; IV. Топтық жұмыс Оқушылар 3 топқа бөлінеді. 1-топ – «Адал азамат қандай болады?»; 2-топ – «Зерделі ұлттың белгісі қандай?»; 3-топ – «Жауапты қоғамды қалай қалыптастырамыз?» Әр топ өз жұмысын 1–2 минутта қорғайды. V. Жағдаяттық тапсырмалар: Құқық пен міндетке қатысты өмірлік жағдаяттар ұсынады. Мысалы: оқушы қоғамдық орында тәртіп бұзған жағдайда не істеу керек? Біреудің құқығы бұзылса, қандай әрекет жасау қажет? Қорытынды сөз: Таза Қазақстан – барлығымызға ортақ мақсат. Табиғатты қорғау үлкен істерден ғана емес, күнделікті қарапайым әрекеттерден басталады. Өз ауламызды, мектебімізді, көшені таза ұстасақ – еліміздің экологиялық мәдениетінің қалыптасуына өз үлесімізді қосамыз. | Өз ойларын айтып, сабаққа назар аударады
Топта талқылайды, постер немесе қысқаша тұжырым дайындап, қорғайды.
Жағдаяттарды талдайды, дұрыс шешім ұсынады, өз көзқарасын дәлелдейді.
| Конституция мәтіні, презентация, плакаттар, маркерлер, стикерлер, бейнеролик.
А3 қағазы, маркерлер
Жағдаяттар жазылған карточкалар |
| Сабақтың соңы 5 мин | «Мен елімнің дамуына қандай үлес қоса аламын?» деген сұрақ қояды. Тәрбие сағатын қорытындылайды.
Кері байланыс «Бүгін мен білдім…» «Мен үшін маңыздысы…» «Мен өзіме міндет етемін…» | Өз ойларын бір сөйлеммен жеткізеді.
Сөйлемдерді толықтырып, кері байланыс береді. | Стикерлер |
