Ананы? анасы

Қазақ әдебиеті 7-сынып

Алматы облысы Сарқан ауданы

Қарғалы орта мектебінің қазақ тілі мен әдебиет

Пәні мұғалімі Хасен Бахыт.

Сабақтың тақырыбы: Ғ.Мүсірепов «Ананың анасы»

Негізгі мақсаты:

-Оқушыларды әңгімені мазмұндауға,сахналауға,кейіпкерлрге мінездеме беруге,өзіндік пікір айтуға үйрету;

-сөздік қорын байыту,қиялын дамыту;

-ананы құрметтеуге,мейірімділікке баулу.

Жалпы мақсаты:

-оқушыны өз бетімен ізденуге бағыттау;

-топтық жұмысқа жұмылдыру;

-өзін-өзі бағалауға және өзара бағалауға ынталандыру.

Оқыту нәтижелері: ынтымақтастықта жұмыс істей алады,өзіндік пікірлері бар,бағалаудың жаңа әдісін,топтық жұмыс ерекшелігін түсінеді.

Сабақта қолданылатын тәсілдер:

1. Топтық жұмыс

2. Сыни тұрғыдан ойлау

Сабақтың барысы:

Ынтымақтастық атмосферасын қалыптастыру. «Шаттық шеңбері» Оқушылар шеңбер құрып бір-біріне жақсы тілектер айтады.

Топқа бөлу. Сыртқы бетінде суреттері бар, ал ішінде өлең жолдары жазылған қағаз қиындыларын балалар суретіне қарап өздері ұнатқан сурет бойынша таңдап алады. Содан соң өлең жолдарынан шумақ құрап, топ құрады.

Үй тапсырмасын тексеру. «Ыстық орындық» тренингін өткізу.

Шарты: Әр топтан өз еркімен ыстық орындыққа келіп отырған оқушыға басқа оқушылар өткен сабақ бойынша сұрақ қояды,ол оқушы жауап бере алмаса,сұрақ қойған оқушы бірінші оған қойған бағасын айтып,соңынан сұрақтың жауабын өзі айтады.Әр оқушының ыстық орындықта отырып жинаған бағаларын қосып,қойылған сұрақтың санына бөлеміз,ортақ бағасын шығарамыз.(3,4,5 ұпай)

Жаңа сабақ.

Қызығушылықты ояту. Ой қозғау.

Ана

Әр топ жеке –жеке жазып қорғайды,топ басшысы бағалайды. (жоғарғы балл 5 ұпай)

Мұғалім: Ендеше бүгінгі сабағымызда осы Аналардың тағы бір қасиетін көрсететін шығарманы мазмұндап,талдап оның қандай қасиет екенін анықтаймыз.

«Қарлы кесек» әр топ «Ананың анасы» әңгімесінің мазмұны бойынша сұрақ жазып қарсы топқа береді, ауызша жауап береді. (3,4,5 ұпай)

«Кім жүйрік?» (деңгейлік тапсырма)

-Шығарманы композициялық құрылысына талдау (5 ұпай)

-Шығармаға жоспар құру (4 ұпай)

-Шығарма кейіпкерлерін атау (3 ұпай)

-Ескіше оқу туралы не білесіңдер? (4 ұпай)

-Әлеуметтік теңсіздік,кедейлердің ауыр тұрмысы шығарманың қай жерлерінде суреттеледі (3 ұпай)

Синквэйн әдісі арқылы кейіпкерлерге мінездеме беру.Кейіпкерлерді әр топ қағаз тарту арқылы алады. (Жалпақ, Ана, Бала би,Кейкі)(жұптық жұмыс)

1.Кім? Зат есім 1 сөз

2. қандай? Сын есім 2 сөз

3.Не істеді? Етістік 3 сөз

4.Сөз тіркесі 4 сөз

5.Зат есімге синоним 1 сөз

Мысалы:

1. Кім? Жалпақ

2. Қандай? Ақылды,намысқой

3. Не істеді? Тыңдады,босатты,құлады

4. Сөз тіркесі.Жауырыны қақпақтай,жұдырығы тоқпақтай

5. Кім? Батыр

РАФТ-әдісін пайдалана отырып кейіпкерлер бейнесіне ену. Бұл шығармашылық жұмысқа жатады

Үлгі: Роль-Жалпақ балуан.

Аудитория-Ана

Тақырып-кешірім

-Мен өмірімде үлкен қателік жасадым.Бұл ісіме әлі өкінемін. Бала бидің айдап салуына көндім,көнбеуім керек еді,иесіз жылқыға тиіссем де Жанайға қызды ала кетуіне бөгет болуым керек еді. Солай еткенде мұндай ұятқа өзім де,жанымдағылар да қалмас едік.Кешір мені, Ана

Роль-Ана

Аудитория –барымташылар

Тақырып-күңдік,теңсіздік.

-Мен мына қыздың шешесімін. Қызым қазір он бесте. Дәл қызымның жасында өзім де сергелдеңге ұшырап едім.Соның суық ызғары табанымнан,қара таңбасы маңдайымнан әлі кеткен жоқ... Қай ел екенін білмеймін,елсізде туғыр Бала би деген баласын сүндеттетіп той істеп бас балуанға күң бастатқан тоғыз тігіпті. Мені бас бәйгесіне алған Байсары деген балуан еліне келгесін Күлтеке деген байына байлады. Күлтеке қыз ұзатқанда екінші аттың бәйгесіне тігіліп осы өздерің шапқан Сары байдың қолына күңдікке көштім.Содан бері он бес жыл өтті. Байым бүгін өліп құлдықтан босады,өзім осы орталарыңда отырған. Күңдіктің құрығы сарт етіп қызыма түсе қалғасын ,соңдарыңнан қуып келіп тұрмын ! Құлдық! Күңдік! Осыдан асқан азап бар ма? Бұдан артық қорқыныш та,қорлық та жоқ.

Роль-Кейкі

Аудитория -Жалпақ балуан

Тақырып-өкініш

• Мен Кейкімін,әумесер кейкімін. Сіздің тыйым салғаныңызға қарамай «қызы қатынға,шешесі отынға жарар», «әйел еркекке қатындыққа жаралған. Бізідің далада одан басқа не бітіреді олар? Қызды сатып алсаң да қатын,тартып алсаң да қатын» деген сөздерді айтқаныма өкінемін. Ойланбай сөйледім. Әйел алдында еркек атаулыны ұятқа қалдырдым.

Түйін:электронды оқулықтағы тапсырмаларда орындату

-кесте бойынша әңгімелеу

-ребусты шешу

-мақалдарды жалғастыру

-кестені толтыру

Рефлексия

-Бүгінгі сабақты толық түсіндім. (күннің суретін салу)

-Тақырып қиын болды,түсінуге тырыстым (бұлттағы күн)

-Осы шығарманы қайталауым керек.(екі бұлт салу)

Стикерлер арқылы тақтаға жапсырады.

Бағалау: Фишкаларды санап,ұпайын шығару

Үйге тапсырма: «Ана-сарқылмайтын күш» шығарма жазу