"Бақыт құшағында" тәрбие сағаты

Сабақтың тақырыбы: «Бақыт құшағында»

Мақсаты:

Оқушыларға бақыттың құндылық ретіндегі мағынасы туралы түсінік беру.

Адам өміріндегі қуанышты сәттер, істеген игі істерден рахаттану, барды қанағат тұту және жалпы адам бақыты туралы түсіндіру.

Оқушыларды рухани-адамгершілік қағидаларды өз бақыты үшін дұрыс қолдана білуге, өмірді бағалай білуге тәрбиелеу.

Көрнекіліктер: плакаттар, нақыл сөздер, слайд.

Тәрбие сағатының барысы:

Жоспары:

Бақыт туралы өлеңді мәнерлеп айту.

Шығармашылық жұмыс (оқушыларға).

Танымдық сұрақтар.

Тренинг.

Мақал-мәтел.

Видеоны (Менің атым Қожа) талқылау.

Ырым-тыйым – ұлағат көзі.

«Өмірдегі ең қуанышты сәт».

Бақыт туралы бір ән айту.

Жүректен шыққан жылы сөз.

«Ұсыныстар мен шағымдар кітабы».

«Адасқан әріптер».

Мұғалім: Қайырлы күн, оқушылар! Тәрбие сағатын бастамас бұрын, тақырыптың мәнін ашып алсақ.

- Оқушыларбақыт құшағында деген сөздерді қалай түсінесіздер?

Бақыт деген:

Алға қойған мақсатың мен көксеген арманыңның орындалуы.

Баланың өз ата-анасының жылуын сезінуі.

Әр адамның өнегелі және абыройлы өмір сүру.

Әр күнді отбасынмен бірге өткізу.

Жомарттық пен адамгершілік.

Адал қызмет істеу екен.

Бақытты болу үшін:
1) Ұғымды, ойлы ететін зерде-зейінің.
2) Сені өрге сүйрейтін - өнер - өрісің.
3) Тек ілгері бастайтын – талабың.
4) Ешқашан алдамайтын- тапқырлығың.
5) Қиындықта саналатын – қайратың.
6) Бәрінен де күшті – білімің.

Енді, тәрбие сағатымызды бастау үшін қатысушыларды топқа бөліп алайық.

Сыныпты 3 топқа (мозаика арқылы) бөлу.

1.Агнесса. Бақыт туралы өлең. (Мәнерлеп айту)

2. Шығармашылық жұмыс. (Оқушылар)

Бақытқа қатысты сөздерді пайдалана отырып, ақ парақққа өз ойларыңды түсіресіңдер, әңгіме құрастырасыңдар.

Бақыт қонды - …

Бақыт құшағында - …

Бақыт таңы атты - …

Бақытқа бөленді - …

Бақыты жанды - …

3. Танымдық сұрақтар:

Биыл еліміздің тарихында қандай атаулы мерекелер тойланады?

Қазақ хандығының негізін қалаған сұлтандар? (Керей мен Жәнібек)

Қазақстанның тәуелсіздігін алғаш таныған мемлекет? (Түркия)

Апатия деген не? (көңіл-күйінің болмауы)

Міржақып Дулатовтың қазақ әйелінің тағдыры туралы жазған романы? (Бақытсыз Жамал)

Фрустрация сөзінің мағынасы қандай? (мақсатының орындалмауына байланысты көңіл-күйінің төмен болуы)

Жеті қазынаны атаңыздар? (ер жігіт, сұлу әйел, ақыл - білім, жүйрік ат, қыран бүркіт, берен мылтық, жүйрік тазы)

Шет елде қазақ әнін орындап, күміс жүлде алған әнші кім? (Ә. Қашаубаев)

«Үш бақытым» деп жырлаған қазақтың лирик ақыны. (М.Мақатаев)

Бір жылдан кейін елімізде өтетін үлкен әрі маңызды іс-шаралар? (ЭКСПО-2017, Универсиада)

Ыдыс - аяқ сақтауға арналған зат (Кебеже)

«Нағыз қазақ – қазақ емес, нағыз қазақ – домбыра» деп кім айтқан?(Қ.Мырзалиев)

4. Тренинг. (Қар домалағы әдісі арқылы жақсы қасиеттерін

есіміне байланысты атау)

5. Мақал - сөздің мәйегі:

Ауру қалса да, . . . (әдет қалмайды).

Досы көпті жау алмайды . . . (ақылы көпті дау алмайды).

Жоқтық ұят емес . . . (байлық мұрат емес),

Көп қорқытар . . . (терең батырар).

Көрінгеннің алыстығы жоқ . . . (көтергеннің ауырлығы жоқ)

Ит семірсе . . . (иесін қабар).

Тойға барсаң бұрын бар . . .(бұрын барсаң орын бар).

Ісің ақ болса . . . (құдайың жақ болады).

Ауызы күйген . . . (үрлеп ішер).

Көре, көре көсем болар . . . (сөйлей, сөйлей шешен болар).

Жақсылықты басыңа . . . (басыңнан асса досыңа қыл).

Жомарт жоқты білмейді . . . (батыр көпті білмейді).

Мектеп – білім тірегі . . . (ұстаз - оның жүрегі).
6. Видеоны талқылау.

Оқушылар, егерде сендер Қожаның орнында болсаңдар қандай іс-әрекет жасар едіңдер?

Қожаның өзіне қойған талаптары орынды ма?

Өзіне берген уәдесіңде тұра алды ма?

7. Ырым-тыйым – ұлағат көзі.

1-оқушы: Ұнамасын, ұнасын, 
Бұзба құстың ұясын.
2- оқушы: Ұқсама тентек балаға,
Пышақтың жүзін жалама.
3-оқушы: Шаршасаң сәл –пәл аялда,
Бірақта жерді таянба.
4-оқушы: Құр беталды ермекке
Бос бесікті тербетпе.
5-оқушы: Жақтыр, мейлің жақтырма,
Нанды жерге лақтырма.
6-оқушы: Жоқ әдетті шығарма,
Түнде көлден су алма.
7- оқушы: Адамдарды сынама,
Түнде айға қарама.
8- оқушы: Ақыл-есің бүтінде
Кісіге қарай түкірме.
9-оқушы: Ұлттық салттан бұлжыма,
Жұма күні кір жума.
10-оқушы: Дастарханға емінбе,
Көп алдында керілме.

8. «Өмірдегі ең қуанышты сәт» 

9. Жүректен шыққан жылы сөз.

Түрлі - түсті қағаздан қиылған кішкентай жүрекшелер таратылады. Мына жүрекшелерді падалана отырып бір бірімізге жақсы көңіл күй мен жақсы жақтарымызды айтамыз.

10. «Ұсыныстар мен шағымдар кітабы»

Бүгінгі сабақтан алған әсерлеріңізді алдарыңыздағы бір парақ қағазға пікір жазу арқылы білдіріңіздер.

12. «Адасқан әріптер»
Шарты: ретсіз орналасқан әріптерден термин, мағыналы сөз құрау

1.Тәрбие леу--------------- ребуиәетл
2. Мейірімді ----------- еріміімйд
3. Еңбекқорлық ------------------------------ ыкерлңобқеқ
4. Отбасы --------------------------- соыатб
5. Қамқорлық ------------- рқықоқмал
6. Жауапкершілік ---------------рлакешіуаікжп
7. Қанағат ---------- нтааақғ

8. Қуаныш----------- ышунқа

9. Бақытты-----------ытатықб

Қорытынды:

Әрқашан да бір-бірімізге деген жылы сөздеріңіз көп болсын! Ата - ана жүрегі қашанда бала, ал бала жүрегі ана деп соғып, бақыт құшағына кеңелу керек.

Тұманбай Молдағалиевтің мына өлең жолдарына назар аударайық.

Жасасаң өз еркіңде кімге құрмет,

Мейірім кең пейілді болу міндет.

Таңертең ояна сап Күнге қара,

Амандас, аманыңа шүкірлік ет.

Сонымен, біз әрқашан әрбір атқан таңымызға, осынау дүниеде өмір сүріп жатқанымызға, өмірде бар екендігімізге шүкірлік етейік. Осының өзі Бақыт екендігіне тәубе етейік! Сау болыңыздар!

№26 орта жалпы білім беретін мектеп

Тәрбие сағаты

Тақырыбы: Бақыт құшағында

Сыныбы: 5«а»

Куратор: Рахметова Н.С

Орал 2016-2017