«Мәңгілік ел – Қазақстан!»

Тәрбие сағатының тақырыбы: «Мәңгілік ел – Қазақстан!»

Тәрбие сағатының мақсаты: Оқушыларға өз елі мен жерін мақтаныш етуге,өткен тарихын біле отырып,Отанын сүюге,ел тарихын білуге,еліміздің мемлекеттік рәміздерін қастерлеуге тәрбиелеу.

Тәрбие сағатының міндеті: Оқушының сөйлеу тілін дамыту арқылы сөздік қорларын молайту,ой – өрісін кеңейту,жас ұрпақтың патриоттық сезімін жандандыра түсіп,елін,жерін сүйіп,құрметтеуге жетелеу.

Тәрбие сағатының көрнекілігі: газет, журналдар,кітаптар көрмесі,нақыл сөздер.

Тәрбие сағатының әдісі: әңгімелеу,сұрақ – жауап,түсіндіру.

Тәрбие сағатының барысы: I. Ұйымдастыру.Оқушылардың сабаққа ынтасын аудару.

II. Психологиялық тренинг.

III.Кіріспе сөз.

Қазақ жерінде Тәуелсіз мемлекет – Қазақ елінің қайта жаңғырып,өркендей бастағанына 25 жыл болды.1991 жылғы 16 желтоқсанда «Қазақстан Республикасының Мемлекеттік тәуелсіздігі туралы» Конституциялық заңы қабылданды.Қазақ халқының егемендікке ұмтылған қадамы сәтімен жүзеге асты.Дүниеге жаңа – мемлекет – Тәуелсіз Қазақстан Республикасы,дербес Қазақ елі келді.Қазақ елі тұғыры биік,қуатты мемлекет болып қалыптасты.

Қазақстан индустриялдық – инновациялық даму бағдарламасын өмірге енгізіп,қарқынды түрде жүзеге асырып келе жатыр.Қазақ елінің дәл жүрегінен,Еуразия кіндігінен барша қазақстандықтардың мақтанышы әрі кейінгі ұрпақтарға тарихи мұра болып қалар – ұлттық жетістігіміз – Астана қаласы бой көтерді.Н.Ә.Назарбаев – Қазақстан республикасы мен оның Елордасы – Астананы бүкіл әлемге паш етті. 2014 жылы 17 қаңтарда Елбасы Н.Ә.Назарбаев «Қазақстан жолы – 2050: Бір мақсат,бір мүдде,бір болашақ» атты Қазақстан халқына жолдауында «Мәңгілік ел» идеясын барлық Қазақстандықтардың жалпыұлттық идеясы болып жариялап: «Мәңгілік ел» - қазақ халқының мың жылдық тарихи тәжрибесінен, Тәуелсіз жылдары өткен қазақстандық жолмен туған ұлттық идеясының негізінде жарияланғанын айтты.Жас ұрпаққа жүктелер міндет те айрықша зор болып табылады.2014 жылы 17 қаңтарда Елбасы Н.Ә.Назарбаев «Қазақстан жолы – 2050: Бір мақсат,бір мүдде,бір болашақ» атты Қазақстан халқына жолдауында: «Әсіресе жастарға айтамын.Бұл стратегия сіздерге арналған.Оны жүзеге асыратын да, жемісін көретін де сіздер» - деп.Мәңгілік ел идеясын болашақта жүзеге асыратын жас ұрпақ екенін қадап айтты.Ендеше,Мәңгілік ел идеясы – Қазақ елі үшін заңдылық,себебі,бұл – қазақ халқының мыңдаған жылғы тарихынан,Тәуелсіздік жылдары жүріп өткен жолынан,бүгінгі нақты істер арқылы қол жеткізген жетістіктерінен туындаған ұлттық идея.

IV. «Ой қозғау» Сұрақтар қойып,жауап алу.

1. Қазақстан қандай мемлекет?

2. Еліміздің халқы қай тілде сөйлеу керек?

3. Ел президенті кім? Ол туралы не білесіңдер?

4. ҚР өз тәуелсіздігін қашан алды?

5. Ұлттық рәміздерді атаңдар?

6. Қазақстан қандай табысты елдермен ұзақ мерзімді жоспар бойынша жұмыс жасауда?(Қытай,Малайзия,Түркия елдерімен)

V. «Астана – бас қала» (Астананың көрікті жерлері Пирамид,Ханшатыр,Тәуелсіздік сарайы,Ақорда, Цирк, Бәйтерек т.б.) саяхат жасау.

Астананың төрінде,

Сарыарқаның өрінде.

Ту ұстаған Астанам,

Әсем қалам бас қалам.

Отанымның тірегі,

Астанамның жүрегі.

Мақтан етемін өзіңді,

Бәйтерегім киелі.

VI. Қорытынды. Н.Ә.Назарбаев «Мәңгілік ел» ұғымын ұлтымыздың ұлы бағдары - «Қазақстан жолы – 2050» стратегиясының түп қазығы етіп алды.Өзара алауыздық пен жан – жаққа тартқан берекетсіздік талай елдің тағдырын құрдымға жіберген.Біз өзгенің қателігінен, өткеннің тағылымынан сабақ алуымыз тиіс.Ол сабақтың түйіні біреу ғана – мәңгілік ел болу біздің қолымызда.Бұл үшін өзімізді үнемі қамшылап,ұдайы алға ұмтылуымыз керек.Байлығымыз да,бақытымыз да болған мәңгілік Тәуелсіздігімізді көздің қарашығындай сақтай білуіміз керек!»

Қазақстан – менің асыл аймағым,

Қуантады күнге құшақ жайғаның.

Өзің едің көз тоймайтын алтын бақ,

Құлпыра бер,құлпыра бер жарқырап.